Community News & Updates

Stay informed with the latest happenings, achievements, and announcements from our community.

All News

calendar_today April 22, 2026

Ahmedabad: દસ્ક્રોઈ તાલુકા પંચાયતની ચૂંટણીમાં 28 બેઠકો માટે કુલ 63 ઉમેદવારો મેદાનમાં

અમદાવાદ જિલ્લાના દસ્ક્રોઈ તાલુકામાં આવનારી તાલુકા પંચાયત ચૂંટણી માટે રાજકીય માહોલ ગરમાયો છે. તાલુકાની કુલ 28 બેઠકો માટે તા. 26મીએ ચૂંટણી યોજાવાની છે. જેમાં કુલ 63 ઉમેદવારો વચ્ચે જંગ જામશે. શરૂઆતમાં 100 ઉમેદવારી ફોર્મ ભરાયા હતા. પરંતુ ચકાસણી દરમિયાન 33 ફોર્મ અમાન્ય ઠર્યા હતા. ત્યારબાદ 4 ઉમેદવારોએ પોતાનું નામ પરત ખેંચતા અંતિમ રીતે 63 ઉમેદવારો મેદાનમાં રહ્યા છે. દસ્ક્રોઈ તાલુકાની યોજનારી તાલુકા પંચાયતની ચૂંટણી પ્રક્રિયા બે ભાગમાં વહેંચાઈ છે. જેમાં 12 બેઠકો મામલતદાર દસ્ક્રોઈ અને 16 બેઠકો તાલુકા વિકાસ અધિકારી દસ્ક્રોઈના નેજા હેઠળ યોજાશે. કુલ બેઠકોમાંથી 4 સીટ બીનહરીફ્ જાહેર થઈ છે. જેમાં ધામતવાણ, ખોડિયાર, કાસિન્દ્રા તેમજ સીંગરવા બેઠકનો સમાવેશ થાય છે. જેથી હવે 24 બેઠકો પર મતદાન થશે. તાલુકાની 9 બેઠકો પર ત્રિપાખીયો જંગ જોવા મળશે, જે ચૂંટણીને વધુ રસપ્રદ બનાવશે. આમ આદમી પાર્ટીએ 10 બેઠકો પર પોતાના ઉમેદવારો ઉભા રાખ્યા છે, જ્યારે હરણિયાવમાં 2 અને ભાટ ગામમાં 1 અપક્ષ ઉમેદવાર મેદાનમાં છે. ખાસ વાત એ છે કે ભાટ બેઠક પર કોંગ્રેસના ઉમેદવાર નિર્વીશાબેન પટેલે પોતાનું ફોર્મ પાછુ ખેંચી લીધું હતું. આમ દસ્ક્રોઈ તાલુકામાં ચૂંટણીનું ચિત્ર સ્પષ્ટ બન્યું છે અને હવે મતદારોનો અંતિમ નિર્ણય રાજકીય પક્ષોના ભાગ્યનો નક્કી કરશે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 22, 2026

Himatnagar: સાબરકાંઠામાં ચૂંટણીની આખરી ચહલ પહલ : વિકાસ V/S વિવાદનો પ્રચાર

સ્થાનિક સ્વરાજયની ચૂંટણીઓના મતદાનને આડે હવે ગણતરીના દિવસો બાકી છે ત્યારે જિલ્લામાં નગરપાલિકાઓ, તાલુકા પંચાયતો અને જિલ્લા પંચાયતની તમામ બેઠકોના ઉમેદવારોએ પ્રચાર અભિયાન તેજ બનાવી દીધુ છે ત્યારે કેટલાક ઉમેદવારો સરકારની વિકાસ યોજનાઓને આગળ ધરી મત માંગી રહ્યા છે જયારે હિંમતનગરમાં કોંગ્રેસના એક ઉમેદવાર ગમે તે કારણસર મતદારોનો સંપર્ક કરીને મતની સાથે પૈસા આપવાની અપીલ કરતા હોવાનો વિડીયો તથા વિગતો તાજેતરમાં સોશ્યિલ મીડીયામાં વાયરલ થઈ છે. જોકે છેલ્લી ઘડીએ જિલ્લામાં ઉમેદવારો ગમે તે કરવા માટે મજબુર બને તો નવાઈ પામવા જેવું નથી. હાલ તો ભાજપ-કોંગ્રેસ સહિત અપક્ષો જાહેરસભાઓ તથા ટોળારૂપે મતદારોનો સંપર્ક કરવા માટેના અભિયાનને આગળ ધપાવી રહ્યા છે. મળતી મહિતી મુજબ, ભાજપે લગભગ 20 ટકાથી વધુ ધનાઢય ઉમેદવારોને ટીકીટ આપી છે તો બીજી તરફ કોંગ્રેસમાં પણ કેટલાક ઉમેદવારો પૈસે ટકે કમ નથી. સાબરકાંઠા જિલ્લામાં મતદાનને આડે ગણતરીના દિવસો બાકી રહયા છે ત્યારે શુક્રવાર સાંજથી જાહેર પ્રચાર બંધ થઈ જવાનો છે ત્યારે તે પૂર્વે તમામ ઉમેદવારો મતદારોનો સંપર્ક કરવા માટે મરણીયા પ્રયાસ કરી રહ્યા છે. જિલ્લાના મોટાભાગના સ્થળે કોંગ્રેસ પણ ઉમેદવારોને ટીકીટ આપી ચુંટણીના જંગમાંથી ખસી જવાને બદલે હરીફ ઉમેદવારોને હંફાવવા માટે ઉમેદવારો ઉભા રાખ્યા છે ત્યારે આ ઉમેદવારો પણ પોતાની શક્તિ અને સમજને અનુરૂપ બનીને મતદારોને મત માટે આજીજી કરી રહ્યા છે. પરિણામ જે પણ આવે તે સ્વીકારવા માટે મોટાભાગના તમામ ઉમેદવારોએ અગાઉથી જ ખેલદિલી દાખવવાનું નક્કી કરી લીધુ હોવાને કારણે પરિણામ આવ્યા બાદ વિજેતાને હારેલા ઉમેદવાર સ્મિત આપીને મતદારોએ આપેલા જનાદેશનો સ્વીકાર કરીને હાર કે જીતથી હરખાયા વિના ફરીથી પોતાના કામે લાગી જાય છે. સાબરકાંઠામાં અત્યારે ભાજપના પ્રચારકો અનેક ઠેકાણે જઈને રેલી કે જાહેરસભાના માધ્યમથી મતદારોને આકર્ષવા માટે અવનવા નુસખા અજમાવીને ગરમીમાં પરસેવો પાડી રહયા છે ત્યારે લોક ચર્ચા મુજબ કોંગ્રેસે સ્થાનિક સ્વરાજયની ચુંટણીઓમાં હજુ સુધી કોઈપણ ઠેકાણે જાહેરસભા અથવા તો રેલીનું આયોજન કર્યુ નથી પરંતુ તેઓ હાલ તો છુપા રૂસ્તમની જેમ જેતે વિસ્તારની સમસ્યાઓને આગળ કરી તેના ઉકેલ માટે કોંગ્રેસના ઉમેદવારને મત આપવાની અપીલ કરી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 22, 2026

Himatnagar: હિંમતનગર RTO પાસેની ખુલ્લી જગ્યામાં જુગાર રમતા 8 પકડાયા

હિંમતનગર ગ્રામ્ય પોલીસ સ્ટેશનની હદમાં આવેલ આરટીઓ પાસેની એક કોલોનીમાં જાળી ઝાંખરાવાળી જગ્યામાં સોમવારે અજાણ્યા શખ્સો જાહેરમાં ગંજીપાના વડે તીનપત્તીનો જુગાર રમતા હોવાની બાતમીને આધારે એલસીબીએ તરત જ બાતમીવાળી જગ્યાએ જઈ જુગાર રમતા આઠ જણાને રંગેહાથ ઝડપી લીધા હતા ત્યારબાદ પોલીસે તેમની પાસેથી અંદાજે રૂ.3.07 લાખનો મુદ્દામાલ કબ્જે લઈ તેમની વિરૂધ્ધ જુગારધારાના ભંગ બદલ ગ્રામ્ય પોલીસ સ્ટેશનમાં ફરિયાદ દાખલ કરાઈ હતી. આ અંગે એલસીબીના પીઆઈ ડી.સી.સાકરીયા, પીએસઆઈ આર.જે.જાડેજા તથા સ્ટાફના જણાવાયા મુજબ, મંગળવારે તેમને આરટીઓ નજીક આવેલ એક કોલોનીની ખુલ્લી જગ્યામાં કેટલાક શખ્સો ગંજીપાનાનો તીનપત્તીનો જુગાર રમતા હોવાની બાતમી મળી હતી ત્યારબાદ પોલીસે તરત જ આરટીઓ નજીક આવેલ નુર કોલોનીની જાળી ઝાંખરાવાળી જગ્યામાં જઈ જુગાર રમતા જુગારીઓને કોર્ડન કરી લીધા હતા. ત્યારબાદ પોલીસે જુગાર રમતા આઠ જણાની પુછપરછ કરી અંગ જડતી લઈ દાવ પર મુકાયેલ રૂ.3200 રોકડા, રૂ.13,750ની રોકડ જુગારીઓ પાસેથી મળી આવી હતી. એટલુ જ નહીં પણ એલસીબીએ રૂ.40 હજારના આઠ મોબાઈલ, રૂ.2.50 લાખના પાંચ વાહન મળી અંદાજે રૂ.3.07 લાખનો મુદ્દામાલ કબ્જે લઈ પકડાયેલા આઠેય વિરૂધ્ધ ગ્રામ્ય પોલીસ સ્ટેશનમાં ફરિયાદ દાખલ કરવામાં આવી હતી. પોલીસે રેડ કરતાં આરોપીઓમાં ફફડાટ ફેલાઈ જવા પામ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward