Community News & Updates

Stay informed with the latest happenings, achievements, and announcements from our community.

All News

calendar_today April 22, 2026

Surendranagar: સુરેન્દ્રનગર જિલ્લા પંચાયતનું વાર્ષીક રૂ.15 કરોડનું બજેટ

સુરેન્દ્રનગર જિલ્લા પંચાયત ઝાલાવાડની સૌથી મોટી સ્થાનીક સ્વરાજયની સંસ્થા ગણાય છે. ત્યારે જિલ્લા પંચાયતની 32 બેઠકો પર સદસ્ય બનવા હાલ 98 ઉમેદવારો મેદાને છે. ઉમેદવારો પર નજર કરીએ તો 98 માંથી 41 ઉમેદવારો તો ધો. 10 કે તેથી ઓછુ ભણેલા છે. જયારે 16 ઉમેદવારો તો અંગુઠા છાપ છે. વાર્ષીક એકંદરે રૂ. 15 કરોડનું બજેટ ધરાવતી જિલ્લા પંચાયતના આગામી શાસકો કોણ હશે? તે હવે મતદારોના હાથમાં છે. ચૂંટણી લડતા ઉમેદવારોમાંથી 8 જ ગ્રેજયુએટ ઉમેદવારો છે. તો શું જિલ્લા પંચાયતનું શાસન સ્નાતક કક્ષાનો અભ્યાસ કરનાર ઉમેદવારોના હાથમાં જશે કે પછી રાજકારણનો અનુભવ એ જ લાયકાતની દૃષ્ટીએ ઓછા ભણેલા ઉમેદવારો પાસે જ શાસનધુરા રહેશે. તે એક વિચારમાં મુકી દે તેવો સવાલ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 22, 2026

Dhandhuka: ધંધૂકામાં યુવાનની હત્યાના કેસમાં બે આરોપી જ્યુડીશિયલ કસ્ટડીમાં

અમદાવાદ જિલ્લાના ધંધુકા શહેરમાં બનેલા ધર્મેશ ગમારા હત્યાકાંડ કેસમાં ઝડપાયેલા બંને મુખ્ય આરોપીઓ રીઝવાન મણિયાર અને સમીર અમદાણીના પોલીસ રિમાન્ડ પૂર્ણ થતા બુધવારે તેમને ધંધૂકા કોર્ટમાં રજૂ કરવામાં આવ્યા હતા. પોલીસ દ્વારા આ વખતે વધુ રિમાન્ડની માંગ કરવામાં આવી નહોતી. કોર્ટ દ્વારા બંને આરોપીઓને જ્યુડિશિયલ કસ્ટડીમાં મોકલવાનો આદેશ આપવામાં આવ્યો હતો. ત્યારબાદ બંને આરોપીઓને સાબરમતી જેલ ખાતે ખસેડવામાં આવ્યા છે. આ સમગ્ર કાર્યવાહી અંગે ડીવાયએસપી પ્રકાશ પ્રજાપતિએ માહિતી આપી હતી.પોલીસ દ્વારા મામલે આગળની તપાસ પ્રક્રિયા યથાવત રાખવામાં આવી છે અને વધુ પુરાવા એકત્રિત કરવાની કામગીરી ચાલુ છે. ઉલ્લેખનીય છે કે આ હત્યાકાંડ બાદ શહેરમાં ઉશ્કેરાટ અને તણાવપૂર્ણ પરિસ્થિતિ સર્જાઈ હતી, જેને ધ્યાનમાં રાખી પોલીસ તંત્ર દ્વારા સતત નજર રાખવામાં આવી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 22, 2026

Bharuch: ભાડભૂત બેરેજ માટે જમીન સંપાદન 80% પૂર્ણ : ખેડૂતોને રૂા.400 કરોડ ચૂકવાયા

મુખ્યમંત્રીના માર્ગદર્શન હેઠળ ગુજરાત સરકાર દ્વારા ભરૂચ જિલ્લાના મહત્વકાંક્ષી ભાડભૂત બેરેજ પ્રોજેકટની કામગીરી વેગવંત બની છે. આ યોજના માત્ર જળસંગ્રહ નહી પરંતુ દક્ષિણ ગુજરાતના સામાજીક અને આર્થિક ઉત્થાન માટે સીમાચિહનરૂપ સાબિત થઈ છે. ભાડભૂત પ્રોજેકટના અમલીકરણથી દર વરસે અંદાજે રૂા.1000 કરોડથી રૂા.1200 કરોડનો આર્થિક ફાયદો થવાનો અંદાજ છે. જમીન સંપાદન માટે રાજય સરકારે સંપુર્ણ ખેડૂત કલ્યાણ અને કિસાન હિતલક્ષી અભિગમની નેમ રાખીને સંમતિ એવોર્ડ જાહેર કર્યો અને ખેડૂતોનું હીત ખરા અર્થમાં જાળવ્યુ છે.અંકલેશ્વર તાલુકાના 6 ગામોમાંથી કુલ 819 હેકટર જમીનના સંપાદન માટે, ખેડૂત હિત સર્વોપરી ન્યાયે સરકારે ખેડૂતોની સંમતિથી જમીન મેળવવા માટે, સંમતિ એવોર્ડ જાહેર કર્યો હતો. ખેતીલાયક જમીન સાથે ડુબાણ જમીનનું પણ વળતર મળતા અંદાજે 7000 થી વધુ આદિવાસી અને માછીમાર ખેડૂતોના જીવનમાં કાયાપલટ થઈ છે. કહેવાય છે ને કે જયારે યોગ્ય વળતર અને ખેડૂતોનું હિત મળે છે ત્યારે પરિવર્તન સાક્ષાત્કાર બને છે. અંકલેશ્વર તાલુકાના 6 ગામના ગરીબ ખેડૂતોને કરોડોનું વળતર પ્રાપ્ત થતા તેઓએ કાચા મકાનોને સ્થાને આધુનિક પાકા મકાનો બનાવી ઉન્નત જીવન શૈલી અપનાવી છે. શિક્ષણ, સ્વાસ્થ્ય અને પરિવહન જેવી પાયાની જરૂરિયાતો હવે તેમના માટે સુલભ બની છે જે તેમના આર્થિક અને સામાજીક સ્તરમાં આવેલા વ્યાપક સુધારાને સ્પષ્ટ પણે દર્શાવે છે. નોંધનીય છે કે, પ્રોજેકટ માટે જરૂરી કુલ જમીન પૈકી 80 ટકા એટલે કે 642 હેકટર જમીનનું સંપાદન પુર્ણ કરી લેવામાં આવ્યુ છે. રાજય સરકાર દ્વારા અત્યાર સુધી ખાતેદારોને લગભગ રૂા.400 કરોડની માતબર રકમ વળતર પેટે ચુકવવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward