Community News & Updates

Stay informed with the latest happenings, achievements, and announcements from our community.

All News

calendar_today April 21, 2026

Chanasma: ચાણસ્મા તાલુકાના રૂપપુર ગામે રામદેવપીરની શોભાયાત્રા નીકળી

ચાણસ્મા : ચાણસ્મા પાટણ હાઇવે પર આવેલ રૂપપુર ગામે રામદેવપીરના મંદિરે બીજના દિવસે મોટી સંખ્યામાં ભક્તો દર્શનાર્થે ઉમટી પડયા હતા. જેને લઈ ધાર્મિક વાતાવરણ રચાયું હતું. દર વર્ષેની પરંપરા મુજબ ચાલુ વર્ષે પણ ઠાકોર સમાજ દ્વારા ભવ્ય શોભાયાત્રાનું આયોજન કરવામાં આવ્યું હતું. જે સમગ્ર ગામમાં ફ્રી નીજ હાઈવે પર આવેલા મંદિરે સંપન્ન થવા પામી હતી. જ્યાં હર્ષોલ્લાસ સાથે રામાપીરના મંદિરે? નેજા ચડાવાયા હતા અને સમુહ આરતી ઉતારવામાં આવી હતી.ઉત્સવ દરમિયાન જય અલખધણી સેવા કેમ્પ અને યુવા મિત્ર મંડળના સહયોગથી ઠંડી છાસ અને ચા નું પણ આયોજન કરવામાં આવ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 21, 2026

Gandhinagar: ક્રોસ વોટિંગ થયું, ચારની પેનલ તૂટી અને એકાદ ઉમેદવાર હાર્યો તો ચૂંટાયેલાને હોદ્દો મળશે નહીં

પ્રદેશ ભાજપે નક્કી કર્યુ છે કે જે વોર્ડની અંદર પેનલમાં ક્રોસ વોટિંગ થયુ અને કોઈક એકાદ જણ રહી ગયો અને ત્રણ જણ જીતી ગયા તો એ જીતેલા ત્રણમાંથી કોઈને મુખ્ય હોદ્દો મળશે નહી. એટલે પેનલમાં જોડે ફરજો'' આ શબ્દો છે ગુજરાત ભાજપના મહામંત્રી અજય બ્રહ્મભટ્ટના. 15 મ્યુનિસિપલ કોર્પોરેશન અને 84 નગરપાલિકાઓમાં એક વોર્ડમાં ભાજપના ચાર ઉમેદવારો પેનલમાં ચૂંટણીના મેદાને છે. અને ઉત્તર ઝોનના પ્રભારી સંગઠન મહામંત્રી અજય બ્રહ્મભટ્ટે ગાંધીધામમાં પેનલ તુટે નહી તેવી રીતે પ્રત્યેક ઉમેદવારને સાથી ઉમેદવાર માટે પ્રચાર કરવા ચેતવણી આપતા ભાજપનું આંતરિક રાજકારણ ગરમાયુ છે. 27 ટકા OBC અનામત, નવા સીમાંકનો, રોટેશન સાથે બદલાયેલા મેટ્રિક્સમાં યોજાઈ રહેલી સ્થાનિક સ્વરાજ્યની ચૂંટણીમાં પ્રચારને આડે હવે માત્ર ચાર જ દિવસનો સમય રહ્યો છે. દરમિયાન ભાજપમાંથીબળવો કરીને અપક્ષમાંથી ઉમેદવારી કરનારા, પક્ષ વિરોધી પ્રવૃતિઓમાં સંડોવાયેલા હોદ્દેદારો, કાર્યકરો સામે સસ્પેન્શના એક્શન લેવાયા છે. સૌથી પહેલા વડોદરા ભાજપે કોંગ્રેસમાંથી ઉમેદવારી કરનારા ચાર સમેત 11 બળવાખોરોને પક્ષમાંથી બરતરફ કર્યા છે. છોટાઉદેપુરમાં 10, ખેડામાં 16, સાબરકાંઠામાંથી 10 એમ કુલ મળીને 150થી વધારે બળવાખોરોની સામે ભાજપે કાર્યવાહી કરી છે. વડોદરા જિલ્લામાં ચૂંટણી પ્રચારમાં મહિલા- બાળ કલ્યાણ રાજ્યમંત્રી ડો.મનિષાબહેન વકીલે તો ''ભાજપથી અલગ થઈ પોતાની રીતે (અપક્ષ કે અન્ય પાર્ટીમાંથી) ઉમેદવારી નોંધવી હોય તો એ યાદ રાખવુ જોઈએ કે એ કામ કેવી રીતે કરાવશે ?'' એવો સવાલ કરીને મતદારો સમક્ષ કહ્યુ કે, આવા લોકો ધાક ધમકી આપશે પણ નાગરીકોનું કામ નહી કરાવી શકે. વિરોધ કરનાર, માપ કાઢનારા ઘણા મળે પણ રસ્તો કાઢનારા નહી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 21, 2026

Palanpur: પાલનપુરમાં બંધ ઘરમાંથી વૃધ્ધાની લાશ મળી આવતા ચકચાર

પાલનપુરમાં હનુમાનશેરી વિસ્તારમાં રહેતા માયાબેન હરગોવનદાસ પંચાલ નામની મહીલાની તાળુ મારેલ બંધ મકાનમાંથી મળી આવતા ચકચાર મચી જવા પામી છે.મહીલા ઘરમાં એકલી જ રહેતી હતી અને બે ત્રણ દિવસથી દેખાઈ ન હતી.અને ઘરમાંથી તીવ્ર દુર્ગંધ આવતા પોલીસને જાણ કરતા મામલો પ્રકાશમાં આવ્યો છે. ઉપરોક્ત બનાવ અંગે સુત્રો દ્વારા પ્રાપ્ત માહીતી અનુસાર પાલનપુર શહેરમાં હનુમાન શેરી વિસ્તારમાં રહેતા માયાબેન પંચાલ ઘણાં સમયથી એકલવાયુ જીવન જીવતા હતા.અને તેણીની જ્યાં રહેતી હતી.ત્યાં ઘરમાંથી તીવ્ર દુર્ગંધ આવતા આસપાસમાંથી કોઈએ પોલીસને જાણ કરતાં પોલીસ ઘટના સ્થળ દોડી આવી હતી.પરંતુ મકાન બહારથી બંધ હોઈ પોલીસે તાળુ તોડીને ઘરમાં જઈ તપાસ કરતાં માયાબેનની અર્ધનગ્ન હાલતમાં લાશ પડી હતી.અને મૃતદેહ ફુગાયેલ હાલતમાં અને તીવ્ર દુર્ગંધ મારતો હોઈ પોલીસે માયાબેનના મૃત્યુનુ કારણ જાણવા માટે મૃતદેહને પોસ્ટમોર્ટમ માટે સીવીલ હોસ્પિટલ ખસેડયો હતો.અને બનાવ અંગે અમોત ગુનો નોંધી વધુ તપાસ હાથ ધરી છે.અત્રે ઉલ્લેખનીય છે કે માયાબેનના ઘરે કોણ આવ્યુ હતુ અને છેલ્લે કોણ જોવા મળ્યુ હતુ.વગેરે દિશામાં પોલીસે તપાસના ચક્રો ગતિમાન કર્યા છે.બનાવને પગલે લોકોનુ ટોળુ એકત્ર થયુ હતુ.અને બનાવ અંગે અનેક તર્કવિતર્ક થઈ રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward