Community News & Updates

Stay informed with the latest happenings, achievements, and announcements from our community.

All News

calendar_today April 20, 2026

Local Body Elections 2026: : અમદાવાદના ઈન્ડિયા કોલોનીમાં ભાજપના ઉમેદવારોના પ્રચારમાં ફિયાસ્કો, લોકોએ કાર્યકરોનો ઉધડો લીધો

ચૂંટણીનો માહોલ જામ્યો છે ત્યારે અમદાવાદના ઈન્ડિયા કોલોની વોર્ડમાં સત્તાધારી પક્ષ ભાજપના ઉમેદવારોને જનતાના ભારે રોષનો સામનો કરવો પડ્યો છે. અનીલ સ્ટાર્ચ મીલ પાસે પ્રચાર અર્થે પહોંચેલા ભાજપના ઉમેદવારો અને કાર્યકરોને સ્થાનિક લોકોએ અટકાવીને પોતાનો આક્રોશ ઠાલવ્યો હતો. લાંબા સમયથી પડતર પ્રશ્નો અને પ્રાથમિક સુવિધાઓના અભાવે લોકોમાં સરકાર પ્રત્યે ભારે નારાજગી જોવા મળી રહી છે.ઉમેદવારોનો ઘેરાવો અને ઉગ્ર વિરોધ પ્રાપ્ત વિગતો અનુસાર, ભાજપના ઉમેદવાર ઘનશ્યામ બારોટ અને પંકજ પટેલ જ્યારે તેમના સમર્થકો સાથે ઈન્ડિયા કોલોની વિસ્તારમાં જનસંપર્ક માટે પહોંચ્યા ત્યારે લોકોએ તેમને ઘેરી લીધા હતા. સ્થાનિકોએ આક્ષેપ કર્યો હતો કે ચૂંટણી સમયે જ નેતાઓ દેખાય છે, જ્યારે વિસ્તારમાં રસ્તા, પાણી અને ગટર જેવી પ્રાથમિક સુવિધાઓના ઠેકાણા નથી. વારંવાર રજૂઆતો છતાં કોઈ કામ ન થતા લોકોનો પારો સાતમા આસમાને પહોંચ્યો હતો. “ભાજપ હાય હાય”ના સૂત્રોચ્ચાર સ્થિતિ એટલી તંગ બની હતી કે લોકોએ ઉમેદવારોની હાજરીમાં જ "ભાજપ હાય હાય" ના સૂત્રોચ્ચાર શરૂ કરી દીધા હતા. લોકોનો રોષ જોઈને ઉમેદવારો અને કાર્યકરો ક્ષોભજનક સ્થિતિમાં મુકાઈ ગયા હતા. ઈન્ડિયા કોલોનીના આ દ્રશ્યો સોશિયલ મીડિયા પર પણ વાયરલ થયા છે, જે આગામી ચૂંટણીમાં પક્ષ માટે ચિંતાનો વિષય બની શકે છે. ઉલ્લેખનીય છે કે, જેમ જેમ ચૂંટણી નજીક આવી રહી છે તેમ તેમ અનેક વિસ્તારોમાં જનતા નેતાઓ પાસે હિસાબ માંગી રહી છે.આ પણ વાંચો---    Ahmedabad : ચાંદખેડામાં બાળકીઓના રહસ્યમય મોતનો કેસ, FSL રિપોર્ટ બાદ હવે ડૉક્ટરોના અભિપ્રાય પર નજર

Read Full Story arrow_forward

calendar_today April 20, 2026

Gandhinagar : ‘ખાખી’ ના નામે દિલધડક ચોરી, પોલીસની ગાડીમાં આવ્યા તસ્કરો અને સેકન્ડોમાં હાથફેરો કરી ફરાર

સામાન્ય રીતે પોલીસને જોઈને ચોર ભાગતા હોય છે, પરંતુ ગાંધીનગરમાં એક અત્યંત ચોંકાવનારી અને અજીબ કહી શકાય તેવી ઘટના બની છે. કુડાસણ વિસ્તારમાં ચોરોએ પોલીસની ઓળખ ધરાવતી ગાડીનો ઉપયોગ કરીને ચોરીને અંજામ આપ્યો છે. આ ઘટનાને પગલે સ્થાનિક રહીશોમાં ફાળ પડી છે અને પોલીસ તંત્ર પણ હચમચી ગયું છે.શ્યામા પ્રસાદ ફ્લેટમાં રાત્રિના સમયે ત્રાટક્યા ચોર બનાવની વિગત મુજબ, કુડાસણ સ્થિત શ્યામા પ્રસાદ ફ્લેટમાં રાત્રિના સમયે પોલીસનું લખાણ ધરાવતી એક ગાડી પ્રવેશી હતી. ફ્લેટના સિક્યોરિટી અને રહીશોને લાગ્યું કે પોલીસ પેટ્રોલિંગમાં આવી હશે, જેથી કોઈએ શંકા ન કરી. જોકે, આ ગાડીમાં સવાર શખ્સો ખરેખર પોલીસ નહીં પણ તસ્કરો હતા. આ ચોરોએ પાર્કિંગમાં રહેલી મોંઘીદાટ ગાડીઓની વ્હિલ પ્લેટ ટાર્ગેટ કરી હતી અને ગણતરીની મિનિટોમાં ચોરી કરી રફુચક્કર થઈ ગયા હતા. સીસીટીવીમાં ચોરીનો લાઈવ વિડિયો કેદ આ સમગ્ર ચોરીની ઘટના ફ્લેટમાં લાગેલા સીસીટીવી કેમેરામાં કેદ થઈ ગઈ છે. વીડિયોમાં સ્પષ્ટ દેખાય છે કે ચોરો બિન્ધાસ્ત રીતે પોલીસની ગાડીમાં આવે છે અને ચોરી કરીને ફરાર થઈ જાય છે. હાલ ઈન્ફોસિટી પોલીસે આ મામલે અરજી નોંધી છે અને ફૂટેજના આધારે તપાસ તેજ કરી છે. પોલીસ એ પાસા પર પણ તપાસ કરી રહી છે કે આ ગાડી ખરેખર પોલીસની છે કે પછી પોલીસનું લખાણ લગાડીને ગુનાહિત પ્રવૃત્તિ માટે તેનો ઉપયોગ કરવામાં આવ્યો છે. આ પણ વાંચો----   Rajkot : રાજકોટ પોલીસનો મહાધડાકો, 2500 કરોડના સાયબર ફ્રોડમાં બેંકના 3 કર્મચારીઓ ઝડપાયા

Read Full Story arrow_forward

calendar_today April 20, 2026

Jagannath Rath Yatra 2026: 149મી રથયાત્રાની તૈયારીઓનો પ્રારંભ, જગન્નાથ મંદિરે રથપૂજન વિધિ, મંદિરમાં ચંદનયાત્રા અને રથપૂજન વિધિ સંપન્ન!

અમદાવાદના ઐતિહાસિક જમાલપુર સ્થિત જગન્નાથ મંદિર ખાતે આજે અક્ષય તૃતીયાના મંગલ પર્વ પર 149મી રથયાત્રાની તૈયારીઓનો વિધિવત પ્રારંભ થયો છે. દર વર્ષની પરંપરા મુજબ, આજના દિવસે ભગવાનના રથોનું પૂજન કરવામાં આવ્યું હતું. મંદિરના મહંત અને ટ્રસ્ટીઓની ઉપસ્થિતિમાં શાસ્ત્રોક્ત વિધિ-વિધાન સાથે રથપૂજનની પ્રક્રિયા પૂર્ણ કરવામાં આવી હતી, જેની સાથે જ આગામી રથયાત્રા માટેનો ઉત્સાહ ભક્તોમાં જોવા મળી રહ્યો છે.ભગવાન જગન્નાથને શીતળતા અર્પતી ચંદનયાત્રાનો પ્રારંભ ઉનાળાની કાળઝાળ ગરમી વચ્ચે ભગવાનને શીતળતા આપવા માટે આજે મંદિરમાં 'ચંદનયાત્રા'ની શરૂઆત કરવામાં આવી હતી. આ પરંપરાગત વિધિમાં ભગવાન જગન્નાથ, બહેન સુભદ્રા અને ભાઈ બલભદ્રના વિગ્રહ પર ચંદનનો લેપ લગાવવામાં આવ્યો હતો. ભક્તોએ મોટી સંખ્યામાં મંદિરના દર્શન કરી ધન્યતા અનુભવી હતી. માન્યતા મુજબ, અક્ષય તૃતીયાથી શરૂ થતી આ ચંદનયાત્રા દ્વારા ભગવાનને શીતળ શૃંગાર કરવામાં આવે છે. 149મી રથયાત્રાને લઈને ધાર્મિક ઉત્સાહનો માહોલ અમદાવાદમાં નીકળનારી આ વર્ષની 149મી રથયાત્રાને લઈને મંદિર તંત્ર અને ભક્તોમાં ભારે ઉત્સાહ જોવા મળી રહ્યો છે. રથપૂજન બાદ હવે રથોના સમારકામ, રંગરોગાન અને અન્ય વ્યવસ્થાઓને આખરી ઓપ આપવાની કામગીરી તેજ કરવામાં આવશે. રથયાત્રાના પર્વને હજુ સમય હોવા છતાં, આજની પૂજન વિધિથી જમાલપુર વિસ્તારમાં અત્યારથી જ 'જય રણછોડ'ના નાદ સાથે ભક્તિમય વાતાવરણ સર્જાયું છે. આ વર્ષે રથયાત્રા 16 જુલાઈ, 2026 ના રોજ યોજાનાર છે. આ પણ વાંચો - Jagannath Rath Yatra 2026: ક્યારે નીકળશે નાથ નગરચર્યાએ, જાણીલો જગન્નાથ રથ યાત્રા ક્યારે છે

Read Full Story arrow_forward