Community News & Updates

Stay informed with the latest happenings, achievements, and announcements from our community.

All News

calendar_today April 20, 2026

Ahmedabad news : ધંધૂકામાં યુવકની હત્યા બાદ પોલીસ એક્શનમાં, આરોપીઓની ગેરકાયદે મિલકતો પર બુલડોઝર ફરશે

ધંધુકા ખાતે ધર્મેશ ગમારા નામના યુવાનની હત્યાના બનાવને પગલે શહેરમાં સર્જાયેલી ઉત્તેજના વચ્ચે પોલીસ તંત્ર એક્શન મોડમાં આવ્યું છે. આ કેસની ઊંડાણપૂર્વક તપાસ કરવા આઈજી દ્વારા ખાસ SIT (સ્પેશિયલ ઈન્વેસ્ટિગેશન ટીમ) ની રચના કરવામાં આવી છે, જેનું નેતૃત્વ ડીવાયએસપી પ્રકાશ પ્રજાપતિ કરશે. પોલીસ દ્વારા આ ઘટનામાં સંડોવાયેલા બે મુખ્ય આરોપી સમીર અને રિઝવાનની ધરપકડ કરાઈ છે. ગત 18 એપ્રિલે બાઇક ઓવરટેક કરવાના મામલે થયેલી બોલાચાલી બાદ ઝઘડો થતા ધર્મેશ ગમારાને અન્ય યુવકોએ છરીના ઘા મારતા તેનું કરુણ મોત નીપજ્યું હતું. આ કેસમાં હવે ગેરકાયદે દબાણો દૂર કરાશે. આરોપીઓની ગેરકાયદે મિલ્કતો પર બુલડોઝર ફરશે દબાણ હટાવવાની કામગીરીને લઈને પોલીસની તૈયારી સમગ્ર ઘટના અંગે જીલ્લા પોલીસ અધિક્ષક ઓમ પ્રકાશ જાટે જણાવ્યું છે કે આ હત્યાનો બનાવ માત્ર બે વ્યક્તિઓ વચ્ચેની અંગત માથાકૂટ છે, જેમાં કોઈ બે સમાજ વચ્ચે ઝઘડો નથી. પોલીસે અત્યાર સુધીમાં હત્યાના બે આરોપીઓને ઝડપી પાડયા છે. આ ઉપરાંત, ત્યારબાદ શહેરમાં તોડફોડ અને આગજની કરનાર ટોળા સામે પણ રાયોટિંગનો અલગ ગુનો દાખલ કરી તેમની ઓળખની પ્રક્રિયા હાથ ધરી છે. બીજી તરફ મૃતકના ભાઈએ ન્યાયની માંગ કરી છે. હાલમાં ધંધુકા શહેરમાં જનજીવન રાબેતા મુજબ થઈ ગયું છે. ધંધૂકામાં આરોપીઓની ગેરકાયદે મિલ્કતો પર બુલડોઝર ફરશે. દબાણ હટાવવાની કામગીરીને લઈને પોલીસની તૈયારી શરૂ કરાઈ છે.સમગ્ર બાબતને લઈને ઉચ્ચ અધિકારીઓની બેઠક યોજાઈ હતી.આ પણ વાંચોઃ Local body election: અસામાજિક તત્વો સાથે મિલીભગત રાખનાર પોલીસકર્મી સસ્પેન્ડ થશે: DyCM હર્ષ સંઘવી

Read Full Story arrow_forward

calendar_today April 20, 2026

Rajasthan : બાલોતરાની પચપદરા રિફાઈનરીમાં લાગી આગ, વડાપ્રધાન મોદી 21 એપ્રિલે કરવાના છે ઉદ્ઘાટન

રાજસ્થાનમાં પચપદરા રિફાઈનરી ખાતે સોમવારે અચાનક આગ લાગવાની ઘટના સામે આવી છે. નોંધનીય છે કે આ રિફાઈનરીનું ઉદ્ઘાટન આવતીકાલે સવારે 11 વાગ્યે વડાપ્રધાન નરેન્દ્ર મોદી દ્વારા થવાનું છે. ઉદ્ઘાટનના એક દિવસ પહેલાં બનેલી આ ઘટનાએ તંત્રમાં ચિંતા ફેલાવી છે. આગ લાગવાનું ચોક્કસ કારણ હજી સુધી બહાર આવ્યું નથી મળતી માહિતી મુજબ રિફાઈનરીના એક યુનિટમાં આગ લાગી હતી, જેના કારણે સમગ્ર વિસ્તારમાં કાળા ધૂમાડાના ગોટાળા ઉડતા જોવા મળ્યા હતા. ઘટના બાદ તરત જ ફાયર બ્રિગેડની ટીમો સ્થળ પર પહોંચી ગઈ હતી અને આગને કાબૂમાં લેવા માટે પ્રયત્નો શરૂ કર્યા હતા. આગ લાગવાનું ચોક્કસ કારણ હજી સુધી બહાર આવ્યું નથી, પરંતુ સાવચેતીના ભાગરૂપે આસપાસના વિસ્તારોમાં સુરક્ષા વધારવામાં આવી છે. 79,450 કરોડથી વધુનું રોકાણ આ રિફાઈનરી ભારતની પ્રથમ નવી એકીકૃત રિફાઈનરી-સહ-પેટ્રોકેમિકલ પ્રોજેક્ટ તરીકે વિકસાવવામાં આવી છે. અંદાજે ₹79,450 કરોડથી વધુના રોકાણ સાથે તૈયાર થયેલી આ મહત્ત્વાકાંક્ષી યોજના દેશના ઊર્જા ક્ષેત્ર માટે માઇલસ્ટોન સાબિત થવાની આશા છે. 90 લાખ ટન વાર્ષિક ક્ષમતા ધરાવતી આ પ્રોજેક્ટ હિન્દુસ્તાન પેટ્રોલિયમ કોર્પોરેશન લિમિટેડ અને રાજસ્થાન સરકારના સંયુક્ત સાહસ તરીકે વિકસાવવામાં આવી છે. આ પ્રોજેક્ટ દેશની ઊર્જા સુરક્ષા મજબૂત બનાવવામાં મહત્વપૂર્ણ ભૂમિકા ભજવશે તેવી અપેક્ષા છે, કારણ કે તે આયાત પરની નિર્ભરતા ઘટાડીને ઘરેલુ ઉત્પાદન વધારશે. આ રિફાઈનરીની પાયાની વિધિ 22 સપ્ટેમ્બર 2013ના રોજ સોનિયા ગાંધી દ્વારા કરવામાં આવી હતી. ત્યારબાદ નરેન્દ્ર મોદીએ 2018માં આ પ્રોજેક્ટને નવી ગતિ આપી હતી. હાલ આગની ઘટના બાદ સુરક્ષા અને તકનિકી તપાસ શરૂ કરવામાં આવી છે. જોકે, આવતીકાલે યોજાનાર ઉદ્ઘાટન કાર્યક્રમ યથાવત રહેશે કે નહીં તે અંગે સત્તાવાર જાહેરાતની રાહ જોવામાં આવી રહી છે. આ પણ વાંચો : Bihar: બિહાર છોડીને નહી જાઉ, સરકાર પર નજર રાખીશ, નીતિશ કુમારની જાહેરાત, જાણો શું છે પ્લાન ?

Read Full Story arrow_forward

calendar_today April 20, 2026

Lenskart Stock : લેન્સકાર્ટને બિંદી અને તિલક વિવાદ મોંઘો પડ્યો, શેરબજારમાં ડૂબ્યા 4500 કરોડ

દેશની મુખ્ય ચશ્મા બનાવતી કંપનીઓમાંની એક લેન્સકાર્ટ સોલ્યુશન્સ બિંદી અને તિલક ન લગાવવાને લઇને વિવાદમાં ઉતરી છે. આ વિવાદ એટલો વધી ગયો છે કે કંપનીએ તેની ભારે કિંમત ચૂકવવી પડી રહી છે. લેન્સકાર્ટને 4500 કરોડનું નુકસાન સોમવારે, કંપનીના શેરમાં  નોંધપાત્ર ઘટાડો જોવા મળ્યો, જેના કારણે તેનું મૂલ્યાંકન ₹4,500 કરોડથી વધુ ઘટી ગયું. જૂની ઇન્ટરનલ ગ્રુમિંગ પોલિસી ઓનલાઇન સરક્યુલેટ થઇ હતી. જેના કારણે કંપનીની ઘણી ટીકા થઇ. આ પોલીસીમાં ધાર્મિક પહેરવેશ પર રોક લગાવવાની વાત કરવામાં આવી હતી. એવો આરોપ મૂકવામાં આવ્યો હતો કે આ નીતિ કર્મચારીઓને ચોક્કસ ધાર્મિક પ્રતીકો - ખાસ કરીને *બિંદી* અને *તિલક* કરવા પર પ્રતિબંધ મૂકે છે - જેના કારણે લોકોમાં રોષ ફેલાયો હતો અને કંપનીના બહિષ્કારની માંગણીઓ શરૂ થઈ હતી. કંપનીને સોશિયલ મીડિયા પ્લેટફોર્મ પર ઓનલાઈન વિરોધનો પણ સામનો કરવો પડ્યો. ત્યારે જાણીએ કંપનીના શેર કઇ હદ સુધી ઘટ્યા. શેરના ભાવમાં મોટો ઘટાડોબોમ્બે સ્ટોક એક્સચેન્જ (BSE) પર, લેન્સકાર્ટ સોલ્યુશન્સના શેરમાં ટ્રેડિંગ સત્ર દરમિયાન આશરે 5 ટકાનો ઘટાડો જોવા મળ્યો. પરિણામે, દિવસ દરમિયાન શેરનો ભાવ ₹508.70 ની નીચી સપાટીએ પહોંચી ગયો. ગયા અઠવાડિયાના અંતિમ ટ્રેડિંગ દિવસે ₹534.85 ના બંધ ભાવ પછી, સવારે શેર ₹530.05 પર ખુલ્યો હતો. જોકે, બપોરે 3:00 વાગ્યા સુધીમાં, શેર ₹530.60 પર ટ્રેડ થઈ રહ્યો હતો - જે લગભગ 1 ટકાનો ઘટાડો દર્શાવે છે - જે દર્શાવે છે કે શેરમાં રિકવરીના સંકેતો દેખાવા લાગ્યા છે. ₹4,500 કરોડનું નુકસાનનાણાકીય નુકસાનની દ્રષ્ટિએ, કંપનીને ટ્રેડિંગ સત્ર દરમિયાન ₹4,500 કરોડથી વધુનું નુકસાન થયું હતું. ડેટા અનુસાર, જ્યારે શેરનો ભાવ દિવસના સૌથી નીચા સ્તરે પહોંચ્યો, ત્યારે કંપનીનું બજાર મૂલ્યાંકન ઘટીને ₹88,331.48 કરોડ થયું. આ પાછલા અઠવાડિયાના ટ્રેડિંગ સત્રથી વિપરીત છે, જ્યારે કંપનીનું મૂલ્યાંકન ₹92,872.20 કરોડ હતું. આનો અર્થ એ થાય કે ટ્રેડિંગ સત્ર દરમિયાન કંપનીના મૂલ્યાંકનમાં ₹4,540.72 કરોડનો ઘટાડો જોવા મળ્યો હતો. જોકે, ત્યારથી નોંધપાત્ર સુધારો જોવા મળ્યો છે, અને બપોરે 3:00 વાગ્યા સુધીમાં, કંપનીનું મૂલ્યાંકન ₹92,038.73 કરોડ થયું છે. લેન્સ કાર્ટે કરી સ્પષ્ટતા થોડા દિવસો પહેલા વિવાદને સંબોધતા લેન્સકાર્ટના સ્થાપક પીયૂષ બંસલે સ્પષ્ટતા કરી હતી કે હાલમાં વાયરલ થઈ રહેલો દસ્તાવેજ જૂનો છે અને તે કંપનીના વર્તમાન વલણને પ્રતિબિંબિત કરતું નથી. બંસલે કહ્યું, "હું સ્પષ્ટપણે કહેવા માંગુ છું કે આ દસ્તાવેજ અમારી વર્તમાન માર્ગદર્શિકાનું પ્રતિનિધિત્વ કરતો નથી. અમારી નીતિ કોઈપણ પ્રકારના ધાર્મિક પોશાક અથવા પ્રતીકો પર કોઈ પ્રતિબંધ મૂકતી નથી, જેમાં *બિંદી* અને *તિલક*નો સમાવેશ થાય છે." તેમણે આ પરિસ્થિતિને કારણે થયેલી ગેરસમજ અને તકલીફ માટે પણ માફી માંગી. નવી ઇન-સ્ટોર સ્ટાઇલ માર્ગદર્શિકા જાહેર કરી ત્યારબાદ, લેન્સકાર્ટે જાહેર માફી માંગી અને પ્રમાણિત "ઇન-સ્ટોર સ્ટાઇલ માર્ગદર્શિકા" બહાર પાડી, જે કર્મચારીઓને ફરજ પર હોય ત્યારે ધાર્મિક અને સાંસ્કૃતિક પ્રતીકો પહેરવાની મંજૂરી આપે છે. નવી નીતિ સ્પષ્ટપણે ટીમના સભ્યો દ્વારા પહેરવામાં આવતા તમામ ધાર્મિક પ્રતીકોનું સ્વાગત કરે છે - જેમાં બિંદી, તિલક, સિંદૂર,કલાવા, મંગલસૂત્ર, કડા, હિજાબ અને પાઘડીનો સમાવેશ થાય છે. કંપનીએ જણાવ્યું હતું કે જો અમારા કાર્યસ્થળ સંબંધિત કોઈપણ સંદેશાવ્યવહારથી કોઈને દુઃખ થયું હોય, અથવા જો અમારી ટીમના કોઈપણ સભ્યને લાગ્યું હોય કે તેમનો ધર્મ અહીં આવકાર્ય નથી, તો અમને ખૂબ જ દુઃખ છે. લેન્સકાર્ટ એવી કંપની નથી, અને અમે ક્યારેય બનીશું નહીં."

Read Full Story arrow_forward