Community News & Updates

Stay informed with the latest happenings, achievements, and announcements from our community.

All News

calendar_today April 20, 2026

Local Body Elections 2026: ચૂંટણી ફંડ માટે ઉદ્યોગપતિઓને ધમકી આપવી કોંગ્રેસ કાર્યકરને ભારે પડી, ઝઘડિયા પોલીસે ધરપકડ કરી કાઢ્યો 'વરઘોડો'!

ભરૂચ જિલ્લાના ઝઘડિયા પંથકમાં ચૂંટણી ફંડના નામે ઉદ્યોગપતિઓ અને કોન્ટ્રાક્ટરોને ધમકાવતો એક વીડિયો સોશિયલ મીડિયા પર વાયરલ થયો હતો. આ વીડિયોમાં મિતેષ પઢિયાર નામનો શખ્સ ખુલ્લેઆમ ધમકી આપતા કહેતો હતો કે, જો ભાજપના ઉમેદવારને ફંડ આપશો, તો કોંગ્રેસના ઉમેદવારને પણ ફંડ આપવું જ પડશે. આ વીડિયો વાયરલ થતા જ વિસ્તારના સિલિકા પ્લાન્ટ માલિકો અને GIDCના ઉદ્યોગપતિઓમાં ફફડાટ ફેલાયો હતો.પોતે સામાજિક કાર્યકર હોવાનો દાવો, કોંગ્રેસમાંથી નોંધાવી હતી દાવેદારી ધમકી આપનારા મિતેષ પઢિયાર અત્યાર સુધી પોતાની ઓળખ એક સામાજિક કાર્યકર તરીકે આપતો હતો. જોકે, રાજકીય મહત્વકાંક્ષા ધરાવતા આ શખ્સે તાજેતરમાં જ સુલતાનપુરા જિલ્લા પંચાયત બેઠક પરથી કોંગ્રેસ પક્ષમાંથી ચૂંટણી લડવા માટે દાવેદારી પણ નોંધાવી હતી. ચૂંટણી પહેલા જ સત્તાના નશામાં ચૂર થઈ તેણે ઉદ્યોગકારો પાસે ઉઘરાણું શરૂ કરતા મામલો ગરમાયો હતો. ઝઘડિયા પોલીસ જાતે ફરિયાદી બની: આરોપીનો કાઢ્યો વરઘોડો આ વીડિયોની ગંભીરતાને ધ્યાને લઈ ઝઘડિયા પોલીસ પોતે ફરિયાદી બની હતી અને મિતેષ પઢિયાર વિરૂદ્ધ કાયદેસરનો ગુનો દાખલ કર્યો હતો. પોલીસે ત્વરિત કાર્યવાહી કરી આરોપીની ધરપકડ કરી હતી. એટલું જ નહીં, અન્ય લોકોમાં કાયદાનો ડર રહે અને અસામાજિક તત્વોમાં ફફડાટ વ્યાપે તે હેતુથી પોલીસે આરોપી મિતેષનો જાહેરમાં 'વરઘોડો' કાઢીને કાયદાનું ભાન કરાવ્યું હતું. ચૂંટણી ટાણે પોલીસની કડક કાર્યવાહી ચૂંટણીના માહોલમાં કોઈપણ પક્ષના કાર્યકરો કે, અસામાજિક તત્વો ઉદ્યોગપતિઓ કે સામાન્ય જનતાને ડરાવી-ધમકાવી ન શકે તે માટે પોલીસ સતર્ક બની છે. ઝઘડિયા પોલીસની આ કામગીરીની ઉદ્યોગ જગતમાં પ્રશંસા થઈ રહી છે. પોલીસના જણાવ્યા મુજબ, કાયદો વ્યવસ્થા જાળવવા માટે આવા તત્વો સામે હજુ પણ કડક પગલાં ભરવામાં આવશે. આ પણ વાંચો - local body elections 2026: ભરૂચ વોર્ડ 8માં ભાજપના પ્રચારમાં હોબાળો, મહિલાઓ સાથે ઝપાઝપી અને આક્ષેપ-પ્રતિઆક્ષેપ

Read Full Story arrow_forward

calendar_today April 20, 2026

Gujarat Latest News Live : જૂનાગઢ દામોદર કુંડ બે દિવસ માટે શ્રદ્ધાળુઓ માટે બંધ, ઊંડાણપૂર્વક સફાઈ હાથ ધરાશે

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 17 એપ્રિલના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward

calendar_today April 20, 2026

Jhalmuri: ઝાલમુરી એટેલે શું? બંગાળની પ્રખ્યાત ઝાલમુરી કેમ છે ખાસ? જાણો

પશ્ચિમ બંગાળમાં ચૂંટણી રેલીઓ વચ્ચે પીએમ નરેન્દ્ર મોદી એક અલગ અવતારમાં જોવા મળ્યા. રવિવાર , તેમણે ઝારગ્રામમાં તેમના કાફલાને રસ્તાની વચ્ચે રોકી દીધો અને પ્રખ્યાત કોલકાતા સ્ટ્રીટ ફૂડ - ઝાલમુરીનો સ્વાદ માણ્યો.પીએમ મોદીએ ખાધી ઝાલમુરી જ્યારે પીએમ મોદીનો કાફલો ઝારગ્રામમાં એક નાની દુકાન પાસે રોકાયો અને PM પોતે ઝાલમુરી સ્ટોલ પાસે જવા માટે તેમના વાહનમાંથી ઉતર્યા, ત્યારે ત્યાં હાજર લોકો તરત જ તેમની આસપાસ ભેગા થઈ ગયા. વડા પ્રધાને તેમના સોશિયલ મીડિયા હેન્ડલ, 'X' પર આ ક્ષણના ફોટા અને વીડિયો પણ શેર કર્યા. તેમણે પોસ્ટમાં લખ્યું કે રવિવારના વ્યસ્ત સમયપત્રક વચ્ચે - પશ્ચિમ બંગાળમાં મારી ચાર જાહેર સભાઓ દરમિયાન - મેં ઝારગ્રામમાં સ્વાદિષ્ટ, મસાલેદાર ઝાલમુરીનો સ્વાદ ચાખ્યો. ઝાલમુરી આટલી પ્રખ્યાત કેમ છે? ઝાલમુરી ફક્ત કોલકાતામાં જ નહીં, પરંતુ સમગ્ર પશ્ચિમ બંગાળ રાજ્યમાં એક લોકપ્રિય સ્ટ્રીટ ફૂડ છે. તે મસાલા, મમરા, ડુંગળી, મરચાં અને સરસવના તેલને ભેળવીને તૈયાર કરવામાં આવે છે. તેનો તીખો સ્વાદ સ્થાનિકો તેમજ પ્રદેશની બહારના મુલાકાતીઓ દ્વારા ખૂબ જ પસંદ કરવામાં આવે છે. 'ઝાલ' નો અર્થ મસાલેદાર છે, અને 'મુરી' નો અર્થ પફ્ડ રાઇસ એટલે કે મમરા.  તેનો ચટાકેદાર  તીખો અને સ્વાદિષ્ટ સ્વાદ તેને અન્ય નાસ્તાથી અલગ પાડે છે. તેની તૈયારીમાં વપરાતું કાચા સરસવનું તેલ (ઘણીવાર અથાણાના તેલ સાથે ભેળવવામાં આવે છે) એક એવી સુગંધ આપે છે જે ખરેખર આત્માને સ્પર્શે છે. તેને તૈયાર કરવા માટે ન તો વધુ સમય લાગે છે કે ન તો વધુ પૈસાની જરૂર પડે છે. તે જીવનના તમામ ક્ષેત્રના લોકો માટે સુલભ અને સસ્તી છે. તમે તેને તમારી પસંદગી મુજબ કસ્ટમાઇઝ કરી શકો છો - મસાલેદાર, ઓછી ડુંગળી સાથે, અથવા વધારાના નારિયેળ સાથે. બોલિવૂડ અભિનેતા અમિતાભ બચ્ચને પણ એક વખત તેમના શો *કૌન બનેગા કરોડપતિ* (KBC) માં ઝાલમુરીનો ઉલ્લેખ કર્યો હતો, યાદ કરતા કે તેઓ કોલકાતામાં તેમના બાળપણમાં તેને વારંવાર ખાવાનો આનંદ માણતા હતા. ત્યારે આવો જાણીએ ઝાલમુરી બનાવવા માટે શું શું જોઇએ ? મમરા: 2 કપ બાફેલા બટાકા: ½ કપ (બારીક સમારેલા) બારીક સમારેલા ડુંગળી, ટામેટા અને કાકડી: ½ કપ પલાળેલા અથવા બાફેલા કાળા ચણા: 2 ચમચી બારીક સમારેલા લીલા મરચા: સ્વાદ મુજબ  1 ચમચી કેરીનું અથાણાનં તેલ (સરસવનું તેલ) નમકીન/સેવ/ચણાચોર: ½ કપ મસાલા: કાળું મીઠું, શેકેલું જીરું પાવડર, ચાટ મસાલો અને લીંબુનો રસ. બનાવવાની રીત એક મોટા બાઉલમાં, સમારેલા બટાકા, ડુંગળી, ટામેટા, કાકડી, લીલા મરચા અને ચણા ઉમેરો.આમાં કાળું મીઠું, જીરું પાવડર અને ચાટ મસાલો ઉમેરો.હવે, સૌથી જરૂરી ઘટક - સામાન્ય રીતે અથાણા માટે વપરાતું સરસવનું તેલ - ઉમેરો અને સારી રીતે મિક્સ કરો. છેલ્લે, મમરા, ચણા જોર અને નારિયેળના ટુકડા ઉમેરીને સારી રીતે મિક્સ કરી લો. ઉપરથી થોડો લીંબુનો રસ નીચોવીને તરત જ પીરસો .

Read Full Story arrow_forward