Community News & Updates

Stay informed with the latest happenings, achievements, and announcements from our community.

All News

calendar_today April 19, 2026

Botad: સાળંગપુર સાળંગપુરધામ શ્રી કષ્ટભંજનદેવ હનુમાનજીના દરબારમાં 2,000 કિલો કેરીનો આમ્રોત્સવ

સાળંગપુર : બોટાદ જિલ્લાના સુપ્રસિધ્ધ તીર્થધામ સાળંગપુર મુકામે અખાત્રીજના પાવન પર્વે શ્રી કષ્ટભંજનદેવ હનુમાનજી મહારાજને ફ્ળોના રાજા એવી 2000 કિલો કેરીનો ભવ્ય અન્નકૂટ અર્પણ કરી આમ્રોત્સવની ઉજવણી કરવામાં આવી હતી.પાવન પ્રસંગે હરિભક્તો દ્વારા અર્પણ કરાયેલી 2000 કિલોથી વધુ કેરીઓથી દાદાનું સિંહાસન કલાત્મક રીતે શણગારવામાં આવ્યું. તેમજ સુરતથી તૈયાર થઈને આવેલા ખાસ મોરની ડિઝાઇનના એમ્બ્રોડરી વર્કવાળા દિવ્ય વાઘામાં દાદાના મનમોહક દર્શન કરીને મોટીસંખ્યામાં ભાવિકોએ ધન્યતા અનુભવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 19, 2026

Surendranagar: ધરતી માતાના ખોળામાં બેસીને ખેડૂતોએ ખેતીવાડીના ઓજારોનું પૂજન કરીને ખેતીકાર્યોના શ્રીગણેશ કર્યા

સુરેન્દ્રનગર, લખતર : સુરેન્દ્રનગર જિલ્લા ગ્રામ્યમાં ખેડૂતોએ તા. 19મીને રવિવારે અખાત્રીજ પર્વની ઉજવણી કરી હતી.અખાત્રીજ એ કણમાંથી મણ પેદા કરનાર ધરતીપુત્રોનો પાવનકારી અવસર પણ માનવામાં આવે છે. રવિવારે જિલ્લાના ગ્રામ્ય પંથકોમાં ખેડૂતોએ પોતાના ખેત ઓજારો, ટ્રેકટરની પુજા કરી, શ્રીફળ વધેરી ખેડાણ સહિતના ખેતીકાર્યોના શ્રીગણેશ કર્યા હતા. અને વધુમાં સારા વરસની આશા વ્યકત કરી હતી. (ફોટો : ધર્મેન્દ્રસિંહ ઝાલા)ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 20, 2026

Ahmedabad: દસક્રોઈ તાલુકા બ્રહ્મ સમાજ દ્વારા શ્રી પરશુરામજીની શોભાયાત્રા યોજાઈ

જેતલપુર : અમદાવાદ જિલ્લા ગ્રામ્યમાં દસ્ક્રોઈ તાલુકા બ્રહ્મ સમાજ દ્વારા અખાત્રીજ તેમજ શ્રી પરશુરામ જયંતિના પાવન પ્રસંગે ભવ્ય શોભાયાત્રાનું આયોજન કરાયું હતું. શોભાયાત્રાનું રવિવારે સવારે ડીજે સાથે બારેજા નગરથી પ્રસ્થાન કરવામાં આવ્યું હતું. ત્યારબાદ જેતલપુર, અસલાલી, લાંભા, નારોલ સર્કલ,અસલાલી સર્કલ, કમોડથી કલ્કિ તીર્થધામ પીરાણા ગામે પહોંચી હતી. શોભાયાત્રામાં એક રથ, 22 ફોર વ્હીલર વાહનો, 20 બાઈકો સહિત મોટીસંખ્યામાં બ્રહ્મ સમાજના પરિવારજનો જોડાયા હતા. જેતલપુર સ્વામિનારાયણ મંદિર ખાતે સંતો તેમજ ગામના સરપંચ પ્રકાશભાઈ પટેલ તેમજ અન્ય નાગરિકો દ્વારા શોભાયાત્રાનું ભવ્ય સ્વાગત કરાયું હતું.નમતી બપોરે પીરાણાથી ફરીથી પ્રસ્થાન કરીને નાઝ ગામથી જેતલપુર ખાતે સાંજે પરત ફરીને શ્રી પરશુરામદાદાની મહાઆરતી કરી શોભાયાત્રાનું સમાપન કરવામા આવ્યું હતું. શોભાયાત્રાના સમગ્ર રૂટ પર ગામેગામ દસક્રોઈ બ્રહ્મ સમાજ, બાવિસી બ્રહ્મ સમાજ તેમજ અન્ય સમાજનાં લોકોએ રથનું ગામેગામ ભાવપૂર્વક સ્વાગત કરી સામૈયું કર્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward