Palanpur: પાવાપુરી જલ મંદિર પાસે સ્કોર્પિયો કારમાં અચાનક આગ ભભૂકતા દોડધામ
જિલ્લાના તાલુકા મથક ઇડરમાં શનિવારે મોડી રાત્રે અને રવિવારે સવારે બે અલગ અલગ અકસ્માતની ઘટનાઓ બનતાં વિસ્તારમાં ચકચાર મચી ગઈ હતી.પ્રથમ ઘટના રાણી તળાવ નજીક આવેલા પાવાપુરી જલ મંદિર સામેના ટર્નિંગપર બની હતી. જ્યાં એક સ્કોર્પિયો કારમાં અચાનક ભયંકર આગ લાગી હતી. આગ લાગવાનું ચોક્કસ કારણ હજુ સુધી જાણવા મળ્યું નથી. આ ઉપરાંત અચાનક ભભૂકેલી આગ ઝડપથી ફેલાતા ગાડી પૂરી રીતે બળી ગઈ હતી.આગની તીવ્રતા એટલી વધારે હતી કે નજીકમાં આવેલા નાના દુકાનદારોના માલસામાનને પણ નુકસાન પહોંચ્યું હતું. ઘટનાના કારણે થોડા સમય માટે ટ્રાફ્કિ જામ સર્જાયો હતો અને આસપાસના વિસ્તારમાં ભયનો માહોલ જોવા મળ્યો હતો. સ્થાનિક લોકો તરત જ સ્થળ પર પહોંચી બચાવ કામગીરીમાં જોડાયા હતા અને આગને કાબૂમાં લેવા પ્રયાસ કર્યો હતો. બીજી ઘટના રવિવારે વહેલી સવારે ઇડર તાલુકાના કાનપુરથી રેવાસ જતાં માર્ગ પર બની હતી. અહીં જીજે 08 ડીએસ 5315 નંબરની બેલ્ક કલરની સ્કોર્પિયો ગાડી અચાનક પલટી મારી ગઈ હતી. મળતી માહિતી મુજબ ગાડીમાં પ્રસાદ જોવા મળ્યો હોવાથી અનુમાન કરવામાં આવે છે કે કોઈ પરિવાર ધાર્મિક દર્શન માટે જઈ રહ્યો હતો. સદભાગ્યે આ અકસ્માતમાં કોઈ જાનહાનિ થયાની માહિતી સામે આવી નથી.જોકે, બંને ઘટનાઓને લઈને પોલીસ દ્વારા તપાસ હાથ ધરવામાં આવી છે. આ બનાવોને કારણે સ્થાનિકોમાં થોડા સમય માટે ચિંતા અને ગભરાટનો માહોલ સર્જાયો હતો.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
