Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 17 એપ્રિલના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
તમિલનાડુમાં ફરી એકવાર ઔદ્યોગિક દુર્ઘટના સર્જાઈ છે. વિરૂધુનગર જિલ્લાના કટ્ટનરપટ્ટી ગામે આવેલી ફટાકડાની ફેક્ટરીમાં પ્રચંડ વિસ્ફોટ થતા ભયાનક હોનારત સર્જાઈ છે. પ્રાથમિક માહિતી મુજબ આ દુર્ઘટનામાં કુલ 23 શ્રમિકોના કમકમાટીભર્યા મોત થયા છે, જેમાં 16 મહિલાઓનો સમાવેશ થાય છે. અનેક શ્રમિકો ગંભીર રીતે દાઝી ગયા હોવાનું પણ જાણવા મળ્યું છે. ધુમાડાના ગોટે ગોટા છવાઈ ગયા મળતી માહિતી અનુસાર ફેક્ટરીમાં કામ દરમિયાન રસાયણોના ઘર્ષણને કારણે અચાનક આગ લાગી હતી, જે થોડા જ સમયમાં ભીષણ વિસ્ફોટમાં પરિવર્તિત થઈ ગઈ. વિસ્ફોટ એટલો પ્રચંડ હતો કે ફેક્ટરીનો મોટો ભાગ ધરાશાયી થઈ ગયો અને આસપાસના વિસ્તારમાં ધુમાડાના ગોટે ગોટા છવાઈ ગયા હતા. ઘટનાસ્થળે અફરાતફરીનો માહોલ સર્જાયો હતો અને લોકો ભયભીત થઈ ગયા હતા. ઘટનાની જાણ થતાં જ ફાયર બ્રિગેડ, પોલીસ અને બચાવ ટીમો તાત્કાલિક સ્થળ પર પહોંચી ગઈ હતી. અધિકારીઓ દ્વારા સમગ્ર ઘટનાની તપાસ શરૂ બચાવ કામગીરી દરમિયાન કાટમાળમાંથી મૃતદેહો બહાર કાઢવામાં આવ્યા હતા અને ઘાયલોને નજીકની હોસ્પિટલોમાં સારવાર માટે ખસેડવામાં આવ્યા હતા. કેટલાક ઘાયલોની હાલત ગંભીર હોવાનું જણાવાઈ રહ્યું છે. પ્રારંભિક તપાસમાં ફેક્ટરીમાં સુરક્ષા નિયમોના પાલનમાં બેદરકારી સામે આવી હોવાની શક્યતા વ્યક્ત કરવામાં આવી રહી છે. અધિકારીઓ દ્વારા સમગ્ર ઘટનાની તપાસ શરૂ કરવામાં આવી છે અને જવાબદાર સામે કડક કાર્યવાહી કરવાની ખાતરી આપવામાં આવી છે. આ ઘટના બાદ સમગ્ર વિસ્તારમાં શોક અને ભયનો માહોલ છવાઈ ગયો છે, જ્યારે મૃતકોના પરિવારોમાં રોષ અને દુઃખની લાગણી ફાટી નીકળી છે.આ પણ વાંચો : Odishaમાં દેશની પ્રથમ એડવાન્સ્ડ 3D સેમિકંડક્ટર પેકેજિંગ યૂનિટની શરૂઆત
Read Full Story arrow_forward
અમદાવાદના વાડજ વિસ્તારમાં એક યુવક નશાની હાલતમાં છરી લઈને જાહેર રોડ પર આતંક મચાવતો હોય તેવો વીડિયો વાયરલ થયો છે. આ શખ્સ હાથમાં ખુલ્લી છરી રાખીને રસ્તા પરથી પસાર થતા લોકોને ડરાવી રહ્યો હતો અને અત્યંત બીભત્સ ગાળો બોલી રહ્યો હતો. આ ઘટનાને પગલે સ્થાનિક રહીશો અને રાહદારીઓમાં ભારે ફફડાટ વ્યાપી ગયો હતો. વીડિયોમાં દેખાતો શખ્સ નશામાં એટલો ચકચૂર હતો કે તેણે પોલીસ પ્રશાસન વિશે પણ અપશબ્દો બોલતા અચકાયો નહોતો.જાહેર રોડ પર છરી વડે લોકોને ડરાવ્યાવાયરલ થયેલા વીડિયોમાં સ્પષ્ટ જોઈ શકાય છે કે આ શખ્સ હાથમાં ઘાતક હથિયાર સાથે રસ્તાની વચ્ચે ઊભો છે અને જાહેરમાં લોકોને ધમકાવી રહ્યો છે. રસ્તા પર આ પ્રકારે નશાખોર શખ્સે આતંક મચાવતા વાહનચાલકોએ પણ પોતાના વાહનો થંભાવી દીધા હતા. આ સમગ્ર ઘટના કોઈએ મોબાઈલ કેમેરામાં કેદ કરી લીધી હતી, જે હવે સોશિયલ મીડિયા પર જોરશોરથી વાયરલ થઈ રહી છે. પોલીસ વિશેના બીભત્સ ઉચ્ચારણોને કારણે પોલીસ તંત્રની આબરૂ પર પણ સવાલો ઉઠી રહ્યા છે. વીડિયોના આધારે તપાસનો ધમધમાટ શરૂ આ વીડિયો પોલીસના ધ્યાને આવતા જ વાડજ પોલીસ એક્શનમાં આવી છે. પ્રાથમિક અનુમાન મુજબ આ વીડિયો વાડજ વિસ્તારનો જ હોવાનું મનાઈ રહ્યું છે. પોલીસે વાયરલ વીડિયોના આધારે આ શખ્સની ઓળખ મેળવવા માટે તપાસ તેજ કરી છે. જાહેરમાં હથિયાર પ્રદર્શન અને નશો કરીને પોલીસ વિરુદ્ધ બોલનારા આ શખ્સને ઝડપી પાડવા માટે અલગ-અલગ ટીમો બનાવવામાં આવી છે. પોલીસનું કહેવું છે કે આવા અસામાજિક તત્વો સામે કડક કાર્યવાહી કરવામાં આવશે જેથી સમાજમાં ખોટો દાખલો બેસે નહીં. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward