Nadiadમાં પરશુરામ જન્મોત્સવની ધામધૂમથી ઉજવણી: માઈ મંદિર ખાતે ભૂદેવોએ ભક્તિભાવ સાથે પૂજા-અર્ચના કરી
ખેડા જિલ્લાના મુખ્ય મથક નડિયાદમાં ભગવાન વિષ્ણુના છઠ્ઠા અવતાર ભગવાન પરશુરામના જન્મોત્સવની હર્ષોલ્લાસ સાથે ઉજવણી કરવામાં આવી હતી. વૈશાખ સુદ ત્રીજ એટલે કે અક્ષય તૃતીયાના પવિત્ર દિવસે જન્મેલા ભગવાન પરશુરામના આ ઉત્સવ નિમિત્તે નડિયાદના પ્રસિદ્ધ માઈ મંદિર ખાતે નડિયાદ બ્રહ્મ સમાજ દ્વારા વિશેષ કાર્યક્રમનું આયોજન કરવામાં આવ્યું હતું. આ પ્રસંગે સમગ્ર મંદિર પરિસરમાં ભક્તિમય વાતાવરણ જોવા મળ્યું હતું.ભૂદેવો દ્વારા વિધિવત્ પૂજા-અર્ચના જન્મોત્સવની ઉજવણીના ભાગરૂપે માઈ મંદિર ખાતે ભગવાન પરશુરામની મૂર્તિની વિધિવત્ પૂજા-અર્ચના અને શાસ્ત્રોક્ત વિધિ કરવામાં આવી હતી. ત્યારબાદ મોટી સંખ્યામાં એકત્ર થયેલા ભક્તોએ સમૂહ આરતીમાં ભાગ લીધો હતો. ખેડા જિલ્લાના વિવિધ વિસ્તારોમાંથી આવેલા ભૂદેવો અને શ્રદ્ધાળુઓમાં ભારે ઉત્સાહ જોવા મળ્યો હતો. નડિયાદ બ્રહ્મ સમાજના અધ્યક્ષ, સભ્યો અને અગ્રણીઓની ઉપસ્થિતિમાં સૌએ ભગવાનના આશીર્વાદ મેળવી પુણ્યનું ભાથું બાંધ્યું હતું. ધર્મ રક્ષા અને ક્ષત્રિય તેજના આદર્શોને યાદ કરાયા આ પવિત્ર અવસરે ઉપસ્થિત મહાનુભાવોએ ભગવાન પરશુરામના જીવન અને તેમના આદર્શો પર પ્રકાશ પાડ્યો હતો. અધર્મનો નાશ, ધર્મની રક્ષા અને જ્ઞાન સાથે ક્ષત્રિય તેજના સમન્વયનું મહત્વ સમજાવવામાં આવ્યું હતું. ભક્તોએ ભગવાન પરશુરામના જીવનમાંથી પ્રેરણા લઈ સમાજમાં સદાચાર અને ધર્મનું પાલન કરવાની અપીલ કરી હતી. કાર્યક્રમના અંતે પ્રસાદ વિતરણ સાથે જન્મોત્સવની ઉજવણીનું ભાવભેર સમાપન થયું હતું. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
