Bodeli: છોટાઉદેપુર જિલ્લા BJP દિગ્ગજ નેતા હેમરાજસિંહ મહારાઉલ પક્ષમાંથી સસ્પેન્ડ
જાંબુઘોડા : બોડેલી તાલુકા પંચાયતની પાણેજ બેઠક પર અપક્ષ ઉમેદવારી કરનાર ભાજપના હેમરાજસિંહ (શિવ) મહારાઉલને શિસ્ત ભંગ બદલ 6 વર્ષ માટે સસ્પેન્ડ કરાયા છે. હેમરાજસિંહ (શિવ) મહારાઉલ વિરુદ્ધ શિસ્ત ભંગની કાર્યવાહી કરાઇ છે. તેઓને ભાજપમાંથી 6 વર્ષ માટે સસ્પેન્ડ કરાયા છે. નોંધનીય છે કે ભાજપે તેમને ટિકિટ ન આપતા તેઓએ બોડેલીના પાણેજ તા.પં.બેઠક પરથી અપક્ષ ઉમેદવારી નોંધાવી છે. પક્ષના સત્તાવાર ઉમેદવાર સામે જ મેદાનમાં ઉતરતા ભાજપે આ મામલે ગંભીરતા દાખવીને શિક્ષાત્મક કાર્યવાહી કરી છે. જિલ્લામાં ભાજપમાં ટિકિટ ફાળવણીને લઈને અનેક જગ્યાએ નારાજગીનો માહોલ છે. ખાસ કરીને પાણેજ બેઠક પર આ મુદ્દો ઉગ્ર બન્યો હતો. પક્ષમાં ચાલી રહેલા આ પ્રકારના મતભેદો ચૂંટણી પહેલા ભાજપ માટે પડકારરૂપ બની શકે છે. હેમરાજસિંહ (શિવ) મહારાઉલ ભાજપના મેન્ડેડ પર જ સંખેડા APMC ના ડિરેક્ટર, બરોડા સેન્ટ્રલ કો-ઓપરેટિવ બેંકના વાઇસ ચેરમેન તરીકે પણ ફરજ બજાવી રહ્યા છે. તેમજ તેમના પત્ની શીતલ કુંવરબાને બોડેલી તાલુકા પંચાયત પ્રમુખ બનાવ્યા હતા. પાર્ટીએ તેમને માત્ર સસ્પેન્ડ જ નથી કર્યા પરંતુ પ્રાથમિક સભ્યપદ સહિત તમામ હોદ્દાઓમાંથી દૂર કરી દીધા છે. તેમ છોટાઉદેપુર જિલ્લા ભાજપ પ્રમુખ ઉમેશ રાઠવાએ જણાવ્યું હતું.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
