Community News & Updates

Stay informed with the latest happenings, achievements, and announcements from our community.

All News

calendar_today April 18, 2026

Morbi : હળવદના મયાપુરમાં જમીનનો કોર્ટમાં કેસ ચાલુ હોવા છતાં ખેતરમાં ઘુસી દંપતી પર 6 શખ્સોનો હુમલો

મોરબી જિલ્લાના હળવદ તાલુકાના મયાપુર ગામે જમીનના ડખ્ખામાં એક દંપતી પર પાશવી હુમલો થતા ચકચાર મચી ગઈ છે. વડીલોપાર્જિત જમીનનો કેસ હળવદ કોર્ટમાં ચાલતો હોવા છતાં, પિતાએ જમીન વેચી નાખતા નવા ખરીદદારોએ કબજો લેવા માટે દંપતી પર હુમલો કરી આતંક મચાવ્યો હતો.પિતાએ જમીન વેચી નાખતા સર્જાયો વિવાદ ઘટનાની વિગત મુજબ, મયાપુર ગામના આધેડ બળદેવભાઈ કાંઝરિયાએ તેમની વડીલોપાર્જિત જમીન બાબતે પોતાના જ પિતા સામે હળવદ કોર્ટમાં કેસ કરેલો છે. આ કેસ હજુ કોર્ટમાં પડતર છે, તેમ છતાં પિતાએ આ જમીન વેચી નાખી હતી. જે જમીન ખરીદનારા દિલીપભાઈ પટેલ, મુન્નાભાઈ ભરવાડ સહિતના 6 શખ્સો "આ ખેતર અમારું છે, ખાલી કરી દો" તેમ કહીને ખેતરમાં ઘુસી આવ્યા હતા અને દંપતી સાથે ઉગ્ર બોલાચાલી કરી લાકડીઓ વડે માર માર્યો હતો. 6 શખ્સો સામે પોલીસ ફરિયાદ હુમલામાં ઇજાગ્રસ્ત બળદેવભાઈ અને તેમની પત્નીએ હોસ્પિટલમાં સારવાર લીધા બાદ હળવદ તાલુકા પોલીસ સ્ટેશનમાં ન્યાયની માંગ કરી છે. પોલીસે દિલીપભાઈ પટેલ, મુન્નાભાઈ ભરવાડ સહિત 6 શખ્સો સામે ગુનો નોંધી કાયદેસરની તપાસ હાથ ધરી છે. કોર્ટમાં કેસ ચાલુ હોવા છતાં પાવર અને પૈસાના જોરે કબજો લેવા આવેલા શખ્સો સામે કડક કાર્યવાહીની માંગ ઉઠી છે. આ પણ વાંચો----    Local Body Elections 2026 : ચૂંટણી જંગમાં AI ની એન્ટ્રી, ભાજપ-કોંગ્રેસના સોશિયલ મીડિયા વોર-રૂમ હવે થયા હાઈટેક, જાણો ડિજિટલ માયાજાળ

Read Full Story arrow_forward

calendar_today April 18, 2026

Surendranagar : સાયલામાં દીકરીના લગ્ન માટે ખેતર વેચીને બનાવેલા ઘરેણાં તસ્કરો ચોરી ગયા, શ્રમિક પરિવાર ઉપર આભ ફાટ્યું

સુરેન્દ્રનગર જિલ્લાના સાયલા ગામમાં આવેલા આંબેડકર નગર વિસ્તારમાં તસ્કરોએ એક શ્રમિક પરિવારને નિશાન બનાવી લાખોની મતાની ચોરી કરી છે. ભરચક વસ્તી ધરાવતા વિસ્તારમાં રાત્રિના સમયે બંધ રૂમની બારી તોડીને તસ્કરોએ સોના-ચાંદીના દાગીનાની ચોરી કરતા સમગ્ર પંથકમાં ચકચાર મચી ગઈ છે.બારીની જાળી કાપી રૂમમાં પ્રવેશ્યા નિશાચરો સાયલામાં ખેત મજૂરી કરતા વિનુભાઈ હમીરભાઈ અધારાના મકાનમાં નિશાચરોએ ઘરના પાછળના વરંડાની બારીની જાળી કાપી નાખી હતી અને રૂમમાં પ્રવેશ્યા હતા. તસ્કરોએ ઘરમાં રાખેલા 7 થી 8 તોલા સોનાના ઘરેણાં તેમજ ચાંદીના દાગીનાની ચોરી કરી પલાયન થઈ ગયા હતા. દીકરીના લગ્ન માટે ઘરેણાં બનાવ્યા હતા ભોગ બનનાર વિનુભાઈના જણાવ્યા અનુસાર, તેમણે થોડા સમય પહેલા જ પોતાનું ખેતર વેચ્યું હતું. ખેતર વેચતા જે રકમ આવી હતી, તેમાંથી તેમણે પોતાની નાની દીકરીના લગ્ન માટે સોનાના ઘરેણાં બનાવડાવ્યા હતા. શ્રમિક પરિવારે વર્ષોની મહેનત અને ખેતર વેચીને ભેગી કરેલી મરણમૂડી એક જ રાતમાં લૂંટાઈ જતા પરિવાર પર આભ ફાટ્યું હોય તેવી સ્થિતિ સર્જાઈ છે. કોઈ જાણભેદુ હોવાની આશંકા ચોરીની જાણ થતા જ સાયલા પોલીસે ઘટના સ્થળે પહોંચી તપાસ શરૂ કરી છે. જે પ્રકારે બારીની જાળી કાપીને સીધા દાગીના વાળા રૂમમાં જ પ્રવેશ કરવામાં આવ્યો છે, તેના પરથી આ ઘટનામાં કોઈ 'નજીકનો જાણભેદુ' સંડોવાયેલો હોવાની પ્રબળ આશંકા સેવાઈ રહી છે. હાલ પોલીસે આજુબાજુના સીસીટીવી ફૂટેજ ચેક કરવા અને શંકાસ્પદ લોકોની પૂછપરછ કરવાની તજવીજ હાથ ધરી છે.આ પણ વાંચો---     Local Body Elections 2026 : ચૂંટણી જંગમાં AI ની એન્ટ્રી, ભાજપ-કોંગ્રેસના સોશિયલ મીડિયા વોર-રૂમ હવે થયા હાઈટેક, જાણો ડિજિટલ માયાજાળ

Read Full Story arrow_forward

calendar_today April 18, 2026

Rajkot ભાજપમાં ટિકિટ ફાળવણી મુદ્દે ભડકો: લોહાણા સમાજની અવગણનાનો આક્ષેપ

રાજકોટ મહાનગરપાલિકાની ચૂંટણીમાં ભાજપ દ્વારા ટિકિટ ફાળવણી કરવામાં આવતા જ અસંતોષના સૂર ઉઠ્યા છે. ખાસ કરીને લોહાણા સમાજને અપેક્ષા કરતા ઓછી ટિકિટ મળતા સમાજના અગ્રણીઓમાં ભારે નારાજગી જોવા મળી રહી છે. સમાજ દ્વારા કુલ 6 ટિકિટની માંગણી કરવામાં આવી હતી, જેની સામે ભાજપ હાઈકમાન્ડે માત્ર 3 ઉમેદવારોને જ મેદાનમાં ઉતારતા રાજકીય ગરમાવો આવી ગયો છે. આ અન્યાય સામે અવાજ ઉઠાવવા માટે રાજકોટના જાગનાથ મંદિર પાસે મોટી સંખ્યામાં લોહાણા સમાજના લોકો એકઠા થયા હતા.કિન્નાખોરીના આક્ષેપો અને 'સ્વાભિમાન સંમેલન' શ્રી રઘુવંશી યુવા શક્તિ સંઘ દ્વારા આયોજિત 'રઘુવંશી સ્વાભિમાન સંમેલન'માં ભાજપના ધારાસભ્ય ડો. દર્શિતા શાહ સામે ગંભીર આક્ષેપો કરવામાં આવ્યા છે. સમાજના આગેવાનોએ આક્ષેપ કર્યો છે કે, ધારાસભ્યે કિન્નાખોરી રાખીને લોહાણા સમાજની ટિકિટો કાપી નાખી છે. આ સંમેલનમાં ભાજપના વિરોધમાં રોષ પ્રગટ કરવામાં આવ્યો હતો, જેમાં રસપ્રદ વાત એ રહી કે કોંગ્રેસના આગેવાનો પણ હાજર રહ્યા હતા. આ બેઠકમાં સ્પષ્ટ ચીમકી આપવામાં આવી છે કે આગામી વિધાનસભા ચૂંટણીમાં પણ લોહાણા સમાજને યોગ્ય પ્રતિનિધિત્વ આપવામાં આવે તેવી ઉગ્ર માંગણી કરવામાં આવશે. જ્ઞાતિ સમીકરણો બગડતા ભાજપની ચિંતામાં વધારો રાજકોટમાં લોહાણા સમાજ એક મોટું અને પ્રભાવશાળી મજબૂત મતનાધિકાર ધરાવતું જૂથ છે. રઘુવંશી યુવા શક્તિ સંઘ દ્વારા કરવામાં આવેલા આ સ્વાભિમાન સંમેલન બાદ ભાજપના આંતરિક વર્તુળોમાં ચિંતા વધી છે. જો સમાજની નારાજગી દૂર કરવામાં નહીં આવે, તો વોર્ડ મુજબના પરિણામો પર તેની સીધી અસર પડી શકે છે. બીજી તરફ, કોંગ્રેસના નેતાઓની આ સંમેલનમાં હાજરી સૂચવે છે કે વિપક્ષ આ અસંતોષનો મહત્તમ લાભ લેવા માટે તૈયાર છે. હવે જોવાનું એ રહેશે કે ભાજપના શીર્ષ નેતૃત્વ દ્વારા આ ડેમેજ કંટ્રોલ માટે કેવા પગલાં લેવામાં આવે છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward