Dabhoi: કરનાળીમાં ભક્તિ-સેવાનો ત્રિવેણી સંગમ, પ્રસાદીનો લાભ
પવિત્ર તીર્થધામ કરનાળી ખાતે આજે એક અદભૂત ત્રિવેણી સંગમ જેવો માહોલ જોવા મળ્યો હતો. પિતૃ શ્રદ્ધ પક્ષનો અંતિમ દિવસ, ઉત્તરવાહિની નર્મદા પરિક્રમાનો વિરામ અને પવિત્ર અમાસની તિથિના ત્રિવેણી અવસરે કરનાળી સ્થિત મા રેવા આશ્રમ દ્વારા વિશાળ ભંડારાનું આયોજન કરાયું હતું. જેમાં હજારોની સંખ્યામાં શ્રદ્ધાળુઓએ પ્રસાદ ગ્રહણ કરી ધન્યતા અનુભવી હતી.આજના દિવસનું મહત્વ સમજાવતા આશ્રમના સંચાલક રજનીભાઈ પંડયાએ જણાવ્યું હતું કે, આજે ત્રણ વિશેષ સંયોગ ભેગા થયા છે. પિતૃ પક્ષ (શ્રદ્ધ)નો અંતિમ દિવસઃ પિતૃ તર્પણ માટે આવેલા હજારો શ્રદ્ધાળુઓની ભીડ, ચૈત્ર માસમાં થતી વિશેષ ઉત્તરવાહિની નર્મદા પરિક્રમાનો આજે છેલ્લો દિવસ હોવાથી પદયાત્રીઓનો અવિરત પ્રવાહ રહ્યો હતો. દર અમાસે કુબેર ભંડારી મંદિરના દર્શને આવતા ભક્તો, નર્મદા મૈયાની પરિક્રમા પૂર્ણ કરનારા પ્રવાસીઓ અને પિતૃ કાર્ય માટે આવેલા લોકો માટે 'મા રેવા આશ્રમ' આશીર્વાદ સમાન સાબિત થયો હતો. સવારથી જ શ્રદ્ધાળુની લાંબી કતારો જોવા મળી હતી. મા રેવા આશ્રમ ખાતે માત્ર અમાસ જ નહીં, પરંતુ અન્ય દિવસોમાં પણ સેવાકીય પ્રવૃત્તિ ચાલુ રહે છે. શ્રદ્ધાળુની સેવા એ જ અમારો પરમ ધર્મ છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
