Community News & Updates

Stay informed with the latest happenings, achievements, and announcements from our community.

All News

calendar_today April 15, 2026

Local Body Elections 2026 : 700 જેટલા ઉમેદવારો બિનહરીફ થયાનો પ્રદેશ પ્રમુખ જગદીશ વિશ્વકર્માનો દાવો

ગુજરાતમાં સ્થાનિક સ્વરાજ્યની ચૂંટણી 2026 ને લઈને ફોર્મ પરત ખેંચવાના અંતિમ દિવસે રાજકીય ગરમાવો ચરમસીમાએ પહોંચ્યો છે. આ દરમિયાન ભાજપ પ્રદેશ પ્રમુખ જગદીશ વિશ્વકર્માએ એક મોટો દાવો કર્યો છે. તેમણે જણાવ્યું છે કે, રાજ્યભરમાં વિવિધ સ્તરે ભાજપના આશરે 700 જેટલા ઉમેદવારો બિનહરીફ જાહેર થયા છે.700 જેટલી બેઠકો પર ભગવો લહેરાવી દીધો આજે ઉમેદવારી ફોર્મ પરત ખેંચવાનો છેલ્લો દિવસ હતો, અને આ સમય મર્યાદા પૂર્ણ થતાની સાથે જ ભાજપે દાવો કર્યો છે કે ચૂંટણીના જંગની શરૂઆત પહેલા જ તેમણે 700 જેટલી બેઠકો પર ભગવો લહેરાવી દીધો છે. જગદીશ વિશ્વકર્માના આ દાવાએ વિરોધ પક્ષોમાં ખળભળાટ મચાવી દીધો છે. જો આ આંકડા સત્તાવાર રીતે જાહેર થાય, તો તે ભાજપ માટે એક મોટી વ્યૂહાત્મક જીત ગણાશે. ભાજપના 700 જેટલા ઉમેદવારો બિનહરીફ થયાનો દાવો બિનહરીફ થયેલી આ બેઠકોમાં નગરપાલિકા, તાલુકા પંચાયત અને જિલ્લા પંચાયતની બેઠકોનો સમાવેશ થાય છે. ભાજપના મતે, જનતાનો વિશ્વાસ અને સંગઠન શક્તિને કારણે વિરોધ પક્ષોએ મેદાન છોડ્યું છે અથવા તો ભાજપના ઉમેદવારો સામે કોઈ સક્ષમ હરીફ રહ્યો નથી. આ પણ વાંચો----     GSRTCની ડિજિટલ ક્રાંતિ, હવે એસ.ટી. બસની સમસ્યાઓ એક ક્લિકમાં હલ થશે, QR કોડ સિસ્ટમને મળ્યો અભૂતપૂર્વ પ્રતિસાદ

Read Full Story arrow_forward

calendar_today April 15, 2026

Surendranagar: ઝાલાવાડમાં ભાજપ 37 બેઠકો સાથે મેદાનમાં અણનમ

સુરેન્દ્રનગર જિલ્લામાં સ્થાનીક સ્વરાજયની ચૂંટણીઓમાં તા. 15ને બુધવાર ફોર્મ પરત ખેંચવાનો દિવસ હતો. ત્યારે અંતીમ દિવસે અનેક ઉમેદવારોએ રણ મેદાન છોડતા ભાજપના ઉમેદવાર બીન હરીફ થયા છે. ત્યારે જિલ્લાની 377 બેઠકોમાંથી 37 બેઠકો હાલ ભાજપ તરફી બીન હરીફ થઈ છે. જેમાં સૌથી વધુ બેઠકો પાટડી નગરપાલીકાની ચૂંટણીમાં 16 બીન હરીફ થઈ છે. જિલ્લામાં સ્થાનીક સ્વરાજયની ચૂંટણીઓમાં આખરી ચૂંટણી ચિત્ર સ્પષ્ટ થતા હવે ઉમેદવારો મતદારોને રીઝવવામાં લાગી જશે. જેમાં તા. 26-4-26ના રોજ મતદારો પોતાનો મિજાજ બતાવશે.ઝાલાવાડમાં સ્થાનીક સ્વરાજયની ચૂંટણીઓ માહોલ જામ્યો છે. ઉમેદવારી ફોર્મ ભરાયા બાદ આપ અને કોંગ્રેસના જાહેર થયેલા ઉમેદવારોએ ભાજપની વિકાસની રાજનીતીને સમર્થન આપી કેસરીયો ધારણ કરતા વિપક્ષમાં સોપો પડી ગયો હતો. ત્યારે સ્થાનીક સ્વરાજયની ચૂંટણીઓમાં બુધવારે ફોર્મ પરત ખેંચવાનો અંતીમ દિવસ હતો. જે પહેલા છેલ્લા 2-3 દિવસથી ભાજપ દ્વારા સીટો બીન હરીફ કરાવવા શામ, દામ, દંડ, ભેદની નીતી અપનાવવામાં આવી હતી. જેમાં ત્યારે ફોર્મ પરત ખેંચવાના દિવસે પણ ભાજપના હરીફ ઉમેદવારોએ રણ મેદાન છોડતા વધુ સીટો ભાજપ તરફી બીન હરીફ થઈ છે. લીંબડી નગરપાલીકામાં પણ ભાજપે શ્રીગણેશ કર્યા છે. જેમાં લીંબડી પાલીકાના 7 વોર્ડની 28 બેઠકોમાંથી વોર્ડ નં. 1ના ભાજપના ઉમેદવાર કંચનબેન દીલીપભાઈ ડણીયા બીન હરીફ થયા છે. આમ, જિલ્લામાં સ્થાનીક સ્વરાજયની ચૂંટણીઓમાં કુલ 377 બેઠકો પરથી 37 બેઠકો પર ભાજપના ઉમેદવારો વિજેતા જાહેર થતા હવે 340 બેઠકો પર ચૂંટણી જંગ જામનાર છે. સ્થાનીક સ્વરાજયની ચૂંટણીઓમાં આખરી ચૂંટણી ચીત્ર સ્પષ્ટ થતા હવે ઉમેદવારો પ્રચારમાં લાગી જશે. અને મતદારો તા. 26-4ના રોજ મતદાન કરી લોકશાહીના પર્વની ઉજવણી કરશે. જયારે તા. 28-4ના રોજ મત ગણતરી બાદ દુધનું દુધ અને પાણીનું પાણી થઈ જશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 15, 2026

Ahmedabad : નારણપુરામાં પી.સી.બી.નો સપાટો, બંધ મકાનમાં ચાલતા જુગારધામ પર દરોડો પાડી 7 શખ્સોને ઝડપ્યા

અમદાવાદ શહેરના નારણપુરા વિસ્તારમાં જય મંગલ BRTS બસ સ્ટેન્ડની સામે આવેલા સ્મીતા એપાર્ટમેન્ટમાં ચાલતા હાઈપ્રોફાઈલ જુગારધામનો પી.સી.બી. એ પર્દાફાશ કર્યો છે. 132 ફૂટ રિંગ રોડ પર આવેલા એક બંધ મકાનમાં જુગાર રમાતો હોવાની ચોક્કસ બાતમીના આધારે પોલીસે દરોડો પાડ્યો હતો, જેમાં 7 જેટલા આધેડ અને વૃદ્ધ વયના શખ્સો રંગેહાથ ઝડપાઈ ગયા છે. 3,30,700 નો મુદ્દામાલ જપ્ત પોલીસે આ દરોડા દરમિયાન કુલ રૂ. 3,30,700 નો મુદ્દામાલ જપ્ત કર્યો છે. જેમાં રોકડ રૂ. 60,700, ચાર ટુ-વ્હીલર (કિંમત રૂ. 2 લાખ), 7 મોબાઈલ ફોન (કિંમત રૂ. 70,000) અને ગંજીપાના નંગ-104 સહિતની ચીજવસ્તુઓનો સમાવેશ થાય છે. આ મકાન ભાડે રાખીને ત્યાં જુગારની પ્રવૃત્તિ ચલાવવામાં આવતી હોવાનું પ્રાથમિક તપાસમાં બહાર આવ્યું છે, જેના પુરાવારૂપે પોલીસે ભાડા કરારની નકલ પણ કબજે કરી છે. 78 વર્ષીય વૃદ્ધ અને 63 વર્ષીય પ્રૌઢોનો પણ સમાવેશ ઝડપાયેલા આરોપીઓમાં મકાન માલિક સંજય કુવાડ સહિત ચાંદખેડા, ન્યુ રાણીપ, વેજલપુર અને ધાટલોડીયા વિસ્તારના શખ્સોનો સમાવેશ થાય છે. આશ્ચર્યની વાત એ છે કે ઝડપાયેલા આરોપીઓમાં 78 વર્ષીય વૃદ્ધ અને 63 વર્ષીય પ્રૌઢોનો પણ સમાવેશ થાય છે. નારણપુરા પોલીસે આ મામલે જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે. આ પણ વાંચો---    Local Body Elections 2026 : 7 વાગ્યાનું અપડેટ, ગુજરાતમાં 194 બેઠકો બિનહરીફ, 1832 ફોર્મ પરત ખેંચાતા રાજકીય ચિત્ર સ્પષ્ટ

Read Full Story arrow_forward