Local Body Election 2026: સુરત કોંગ્રેસમાં મોટો ભડાકો, ઓલપાડ તાલુકા પ્રમુખ અશોક પટેલ પક્ષમાંથી સસ્પેન્ડ, જાણો કારણ
સ્થાનિક સ્વરાજની ચૂંટણીના મતદાન પહેલા સુરત જિલ્લાના ઓલપાડ તાલુકા કોંગ્રેસમાં મોટો રાજકીય ભૂકંપ આવ્યો છે. પક્ષ વિરોધી પ્રવૃત્તિઓ અને ગદ્દારીના આરોપસર ઓલપાડ તાલુકા કોંગ્રેસ પ્રમુખ અશોક પટેલને તાત્કાલિક અસરથી પક્ષમાંથી સસ્પેન્ડ કરી દેવામાં આવ્યા છે. સુરત જિલ્લા કોંગ્રેસ પ્રમુખ આનંદ ચૌધરી દ્વારા આ કડક કાર્યવાહી કરવામાં આવી છે.શું છે સમગ્ર વિવાદ? મળતી માહિતી મુજબ, ફોર્મ પરત ખેંચવાના અંતિમ દિવસે ઓલપાડ તાલુકા કોંગ્રેસ પ્રમુખ અશોક પટેલ અને તેમના પત્નીએ રહસ્યમય સંજોગોમાં પોતાના ઉમેદવારી પત્રો પરત ખેંચી લીધા હતા. આકસ્મિક રીતે મેદાન છોડી દેતા પક્ષને મોટી રાજકીય હાનિ પહોંચી હતી. પક્ષના આદેશ વિરૂદ્ધ જઈને ફોર્મ ખેંચવાની આ ઘટનાને પક્ષ સાથેની ગદ્દારી ગણાવવામાં આવી છે. જિલ્લા પ્રમુખનો સપાટો ચૂંટણીના મહત્વના તબક્કે પક્ષને નબળો પાડવાના કૃત્ય બદલ જિલ્લા પ્રમુખ આનંદ ચૌધરીએ આકરા તેવર બતાવ્યા છે. તેમણે અશોક પટેલને પક્ષના તમામ હોદ્દા પરથી દૂર કરી સસ્પેન્ડ કરી દીધા છે. કોંગ્રેસના આ નિર્ણયથી સ્થાનિક રાજકારણમાં ગરમાવો આવી ગયો છે. ચૂંટણી પહેલા જ સંગઠનમાં ભંગાણ પડતા કોંગ્રેસ માટે આગામી જંગ કપરો બન્યો છે, જ્યારે બીજી તરફ શિસ્તભંગની કાર્યવાહી કરીને પક્ષે અન્ય કાર્યકરોને કડક સંદેશ આપવાનો પ્રયાસ કર્યો છે. આ પણ વાંચો - Local Body Election 2026: જોડીયાની પીઠડ જિલ્લા પંચાયત બેઠક પર ભાજપ બિનહરીફ, કોંગ્રેસ અને AAPએ ફોર્મ ખેંચતા રાજકીય ગરમાવો!
Read Full Story arrow_forward
