Community News & Updates

Stay informed with the latest happenings, achievements, and announcements from our community.

All News

calendar_today April 11, 2026

Himatnagar: બંને જિલ્લામાં પશુઓની ચોરી કરતી ગેંગ ઝડપાઈ

સાબરકાંઠા-અરવલ્લી જિલ્લાઓમાં છેલ્લા બે-ત્રણ માસથી ગામડાઓની સીમમાં અંતરીયાળ જગ્યાએ બાંધેલ પશુઓની ચોરી કરતી ગેંગ સક્રિય થયા બાદ સાબરકાંઠા એલસીબીએ બાતમીને આધારે એક બંધ વાહન સાથે તલોદના ઉજેડીયા-હરસોલ જતા રોડ પર આવેલ નવા ગામ સ્ટેન્ડ નજીકથી છ જણાને ઝડપી લેવામાં આવ્યા હતા.આ અંગે જિલ્લા પોલીસવડા ર્ડા.પાર્થરાજસિંહ ગોહિલ તથા એેલસીબીના પીઆઈ ડી.સી.સાકરીયા અને પીએસઆઈ આર.કે.જોષી તથા સ્ટાફના જણાવાયા મુજબ શુક્રવારે એવી બાતમી મળી હતી કે સાબરકાંઠા જિલ્લાના પ્રાંતિજ, તલોદ સહિત અરવલ્લી જિલ્લાના વિવિધ પોલીસ સ્ટેશનોમાં આવેલ ગ્રામ્ય વિસ્તારોમાં રાત્રિના સમયે ઘર આગળ અથવા તો ખેતરમાં બાંધેલ પશુઓની ચોરી કરવા માટે આ છ શખ્સો બંધ વાહનો લઈને આવી પશુ ચોરીને અંજામ આપતા હતા. ત્યારબાદ એલસીબીએ બાતમીને આધારે તલોદ પોલીસ સ્ટેશનની હદમાં આવેલ નવા ગામ સ્ટેન્ડ નજીકના પુલના છેડે વોચ ગોઠવી હતી દરમ્યાન અહીં પસાર થઈ રહેલ વાહન નં.જીજે.13એબી.3683ને અટકાવી વાહનની ઝડતી લીધી હતી જેમાં છ જણા બેઠેલા હતા ત્યારબાદ પુછપરછ કરતાં આ ગેંગ પશુ ચોરી કરવા માટે નિકળી હોવાની કબુલાત કરી હતી જેથી પોલીસે રૂ.10 હજારથી વધુના ત્રણ મોબાઈલ, છરો અને રસ્સી સહિત રૂ.5 લાખની કિંમતનું વાહન કબ્જે લઈ પકડાયેલાની અટકાયત કરી વધુ તપાસ માટે તલોદ પોલીસ સ્ટેશનમાં મોકલી અપાયા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 11, 2026

Anand: અજરપુરામાં વૃક્ષોની હરાજીમાં ગેરરીતિ !

આણંદ તાલુકાના અજરપુરા ગામમાં સરપંચ દ્વારા પંચાયતની માલીકીના પડી ગયેલા સુકા 237 ઝાડ જેની અંદાજિત કિંમત 230600 રૂપિયાની હરાજી રાખવામાં આવી છે. 15 મી એપ્રિલના રોજ હરાજી થાય તે પૂર્વે પંચાયતના સભ્ય રશ્મિકાબેન મહેશભાઇ પટેલે તાલુકા વિકાસ અધિકારીને લેખિત રજુઆત કરીને હરાજી રદ કરવા અને ભ્રષ્ટાચારના આક્ષેપ કરતા ગ્રામ પંચાયતનું રાજકારણ ગરમાયુ છે. તેઓએ કરેલી રજુઆતમાં જણાવ્યુ છે કે પંચાયતની માલીકીના લાસર, જુના પાધર, જાળીયા, વાઘા, ઉમરાડા, લાખા, આકલવ્યુ અને ભાટીયુ એમ 8 તળાવો આવેલા છે. તેની આસપાસ સુકા 100 ઝાડ છે. પરંતુ હરાજીમાં 237 નંગ ઝાડ દર્શાવવામાં આવ્યા છે. તેમજ લીલા અને ઉભા- ત્રાસા બાવળના ઝાડ 8 નંગના હરાજીમાં લખાયેલા નંબર 100, 101, 191, 196, 197, 202, 206 તથા અન્ય બે લીલા ઉભા ઝાડ ઉપર નંબર લખાયેલા છે. જેની હરાજીમાં વિગતો દર્શાવવામાં આવી નથી. તેમ છતા તદ્દન વિરૂધ્ધ અને ગેરકાયદેસર તેમજ શરતભંગ હોવા છતા વિસ્તરણ અધિકારી પંચાયત દ્વારા તપાસને અંતે લીલા ઉભા ઝાડની હરાજીને મંજુરી આપી છે. તે યોગ્ય નથી. મોટે ભાગે પડી ગયેલા અને સુકા બાવળો ઉપર જાણી જોઇને નંબર લખેલા નથી. પરંતુ સુકા ઝાડના નામે અસંખ્ય લીલા મોટા વૃક્ષોને પોતાના મળતીયાઓને મેળાપાણીમાં આપીને મોટાપાયે પંચાયતને આર્થિક નુકશાન અને પોતાને મોટો ફાયદો કરવાની ભ્રષ્ટ નિતિરીતિની આશંકા વ્યક્ત કરાઇ છે. સમગ્ર હરાજીની પ્રક્રિયા પારદર્શિત હોવાનું જણાતુ નથી. જેથી તત્કાલિન જાહેર હરાજી રદ કરી નવેસરથી તમામ વૃક્ષોની ગણતરી કરાવી અને દરેક વૃક્ષ ઉપર નંબર લખીને ઝાડના વજનની સત્યતા તપાસી હરાજી કરવાની માંગ કરવામાં આવી છે. તેમજ આ પ્રકરણમાં ઉંડાણમાં ન્યાયિક તપાસ કરીને સરપંચ દોષિત ઠરે તો તેઓને હોદ્દાપરથી દુર કરવાની પણ રજુઆત કરાઇ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today April 11, 2026

Ahmedabad: ઓછી હાજરીના વિવાદમાં LLBના વિદ્યાર્થીએ HCમાં અરજી કરી, એસિડિટીનું કારણ બન્યું ચર્ચાનો વિષય

ગુજરાત હાઈકોર્ટમાં અવારનવાર વિચિત્ર કિસ્સાઓ આવતા હોય છે, પરંતુ હાલમાં એક LLBના વિદ્યાર્થીએ આપેલી અરજી કાયદાકીય વર્તુળો અને સોશિયલ મીડિયામાં ભારે ચર્ચામાં છે. આ વિદ્યાર્થીએ પોતાની ઓછી હાજરી પાછળનું કારણ ‘પિત્ઝા-બર્ગરથી થયેલી એસિડિટી’ ગણાવ્યું છે.ઓછી હાજરીના વિવાદમાં LLB વિદ્યાર્થીની અરજીએક કાયદાના વિદ્યાર્થીની કોલેજમાં હાજરી નિયમ મુજબ ઓછી હોવાને કારણે યુનિવર્સિટી દ્વારા તેને પરીક્ષામાં બેસવા દેવાની મનાઈ ફરમાવવામાં આવી હતી. વિદ્યાર્થીએ દલીલ કરી હતી કે તેને બહારનું ખાવાનું એટલે કે પિત્ઝા અને બર્ગર ખાવાની આદત હતી, જેના કારણે તેને ગંભીર એસિડિટી થઈ ગઈ હતી. આ સ્વાસ્થ્યના કારણોસર તે કોલેજમાં નિયમિત હાજર રહી શક્યો નહોતો.હાઈકોર્ટનું યુનિવર્સિટીને સૂચનવિદ્યાર્થીએ પરીક્ષામાં બેસવાની પરવાનગી માંગતી અરજી હાઈકોર્ટમાં કરી હતી. આ મામલે સુનાવણી દરમિયાન હાઈકોર્ટે માનવતાવાદી અભિગમ અપનાવ્યો છે. હાઈકોર્ટે યુનિવર્સિટીને આદેશ આપ્યો છે કે વિદ્યાર્થીના શૈક્ષણિક વર્ષને ધ્યાને રાખીને આ મામલે કોઈ વચગાળાનો ઉકેલ શોધવામાં આવે, જેથી તેની કારકિર્દી પર અસર ન પડે.કોર્ટે ટિપ્પણી કરતા એ પણ ધ્યાન દોર્યું હતું કે વિદ્યાર્થીઓએ પોતાના સ્વાસ્થ્ય અને શિસ્ત પ્રત્યે સજાગ રહેવું જોઈએ, પરંતુ શૈક્ષણિક બાબતોમાં નમ્રતા દાખવી શકાય કે કેમ તે અંગે યુનિવર્સિટીને વિચારવા જણાવ્યું છે.આ પણ વાંચો: India: બિહારના કટિહારમાં બસ ચાલકે પિકઅપ અને બાઇકોને અડફેટે લીધી, 10 લોકોના કરુણ મોત

Read Full Story arrow_forward