સૌરાષ્ટ્રના રાજકારણમાં મોટો ધડાકો, આમ આદમી પાર્ટીના પૂર્વ નેતા રાજુ કરપડાએ કેસરિયો ધારણ કર્યો
સૌરાષ્ટ્રની રાજનીતિમાં ચૂંટણી પહેલા મોટા ઉલટફેર જોવા મળી રહ્યા છે. આમ આદમી પાર્ટી (AAP)ના પૂર્વ નેતા અને ખેડૂત અગ્રણી રાજુ કરપડા આજે સત્તાવાર રીતે ભારતીય જનતા પાર્ટીમાં જોડાઈ ગયા છે. રાજુ કરપડા પોતાના મોટી સંખ્યામાં સમર્થકો સાથે ગાંધીનગર સ્થિત ભાજપ પ્રદેશ કાર્યાલય 'કમલમ' ખાતે પહોંચ્યા હતા, જ્યાં તેઓ વિધિવત રીતે કેસરિયો ધારણ કર્યો હતો.ખેડૂત આંદોલનથી બનાવ્યું હતું નામ રાજુ કરપડાએ આમ આદમી પાર્ટીમાંથી રાજીનામું આપ્યા બાદ ખેડૂતોના પ્રશ્નોને લઈને 'કિસાન યાત્રા' યોજી હતી. તેમણે તુલસીશ્યામથી વિસાવદર સુધી પદયાત્રા કરીને ગ્રામીણ વિસ્તારોમાં પોતાની પકડ મજબૂત કરી હતી. હવે તેઓ ભાજપમાં જોડાતા સુરેન્દ્રનગર જિલ્લાના રાજકીય સમીકરણોમાં મોટો ફેરફાર જોવા મળી શકે છે. સુરેન્દ્રનગર જિલ્લા પંચાયતની ચૂંટણી લડશે સૂત્રો પાસેથી મળતી વિગતો મુજબ, ભાજપ રાજુ કરપડાને સુરેન્દ્રનગર જિલ્લા પંચાયતની ચૂંટણીમાં મેદાનમાં ઉતારી શકે છે. તેઓ મુળી બેઠક પરથી ચૂંટણી લડે તેવી પ્રબળ શક્યતાઓ સેવાઈ રહી છે. સૌરાષ્ટ્રમાં આપના ગઢમાં ગાબડું પાડીને ભાજપ હવે ગ્રામીણ વિસ્તારોમાં અને ખાસ કરીને કિસાન મતો અંકે કરવા માટે કરપડાને આગળ કરી રહી છે.https://x.com/sandeshnews/status/2042149953498497201 રાજકીય ગણતરીઓ લાંબા સમય સુધી ખેડૂતો માટે લડત ચલાવનાર નેતા હવે સત્તાધારી પક્ષમાં જોડાતા સોશિયલ મીડિયા અને રાજકીય ગલીયારાઓમાં ચર્ચાઓ તેજ બની છે. રાજુ કરપડાના ભાજપમાં પ્રવેશથી સુરેન્દ્રનગર અને આસપાસના પંથકમાં ભાજપ વધુ મજબૂત બનશે તેવું રાજકીય વિશ્લેષકોનું માનવું છે. આ પણ વાંચો - Gujarat News: ભાજપ ચૂંટણી સમિતિની બેઠક લંબાઈ, આવતીકાલે ઉમેદવારોના નામ જાહેર થવાની સંભાવના
Read Full Story arrow_forward
