Banaskantha: શિક્ષકોની ચૂંટણી કામગીરી બાબતે ધાનેરા પ્રાંત અધિકારી, મામલતદારને રજૂઆત કરાઈ
સ્થાનિક સ્વરાજ્યની આગામી ચૂંટણીઓની તૈયારીઓ વચ્ચે ધાનેરામાં શિક્ષકોની કામગીરીની ફાળવણીને લઈને ગંભીર વિવાદ છેડાયો છે. ધાનેરા ખાતે BLO (બૂથ લેવલ ઓફ્સિર) તરીકે ફરજ બજાવતા શિક્ષકોએ વહીવટી તંત્ર દ્વારા કરવામાં આવેલા અન્ય ચૂંટણી ઓર્ડરો સામે સખત વાંધો ઉઠાવ્યો છે. આ બાબતે ગતરોજ શિક્ષકો દ્વારા પ્રાંત અધિકારી તેમજ મામલતદારને લેખિતમાં રજૂઆત કરવામાં આવી છે.શિક્ષકોની મુખ્ય રજૂઆત એ છે કે, તેઓ પહેલેથી જ BLO તરીકેની મહત્વની અને સમય માંગી લે તેવી કામગીરી સંભાળી રહ્યા છે. આમ છતાં, આગામી સ્થાનિક સ્વરાજ્યની ચૂંટણીઓમાં પણ તેમના જ ઓર્ડર કરી દેવામાં આવ્યા છે. આ બેવડા ભારણના કારણે શૈક્ષણિક અને અન્ય કામગીરી પર માઠી અસર પડતી હોવાથી આ નવા ઓર્ડર તાત્કાલિક રદ કરવા માટે મામલતદાર સમક્ષ ઉગ્ર માંગ કરવામાં આવી છે. આ સમગ્ર મામલે ક્કઅખિલ ભારતીય રાષ્ટ્રીય શૈક્ષિક મહાસંઘક્ર પણ શિક્ષકોના સમર્થનમાં આવ્યું છે. સંઘે પોતાના લેટરપેડ પર તંત્રને રજૂઆત કરતા આક્ષેપ કર્યો છે કે, શિક્ષકોને જાણીજોઈને જુદા જુદા સ્થળે હેરાન કરવાના ઈરાદાથી આ પ્રકારની કામગીરી સોંપવામાં આવી રહી છે. ધાનેરા તાલુકામાં અનેક એવા શિક્ષકો છે જેઓ માત્ર રાજકારણ રમે છે અને પોતાની વગ કે ક્કરાજાશાહીક્ર માનસિકતાના જોરે ચૂંટણીની ફરજોમાંથી મુક્તિ મેળવી લે છે. શિક્ષકો તેમજ શૈક્ષિક મહાસંઘ દ્વારા આ મામલે ધાનેરા પ્રાંત અધિકારી અને મામલતદાર બંનેને લેખિત પત્ર આપી યોગ્ય તપાસ કરી ન્યાય આપવા રજૂઆત કરાઈ છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
