Surendranagar: ચોટીલાના આણંદપુર રોડ પરથી ગેરકાયદે પિસ્તોલ સાથે બે પકડાયા
ચોટીલા પોલીસે આણંદપુર રોડ પર કારમાં પસાર થતા બે યુવાનોને ગેરકાયદેસર પીસ્ટલ સાથે ઝડપી લીધા છે. કાર, પીસ્ટલ અને કાર્ટીસ સહિત રૂપીયા 5,05,300નો મુદ્દામાલ કબજે કરી બન્ને સામે આર્મ્સ એકટ મુજબ ગુનો નોંધી વધુ તપાસ હાથ ધરાઈ છે. ચોટીલા પીએસઆઈ બી.એન.ગળચર, વલ્લભભાઈ, દીલીપભાઈ સહિતનાઓને પેટ્રોલીંગ દરમીયાન આણંદપુર રોડ પર શિવધારા સોસાયટી પાસે પસાર થતી એક ફોર્ચ્યુનર કાર શંકાસ્પદ લાગતા તેને રોકી તપાસ કરાઈ હતી. જેમાં કારની મેટ નીચેથી પીસ્ટલ મળી આવી હતી. આથી પુછપરછ કરતા કાર ચાલક ચોટીલાના ખુશીનગરમાં રહેતો 34 વર્ષીય નાગરાજ સુરેશભાઈ પટગીર અને બાજુમાં બેસેલો રાજકોટના પુનીતનગરમાં રહેતો રર વર્ષીય હરેન શૈલેષભાઈ સરપદડીયા હોવાનું સામે આવ્યુ હતુ. પીસ્ટલ વિશે પુછતા તે નાગરાજની હોવાનું તથા તેની પાસે પરવાનો હોવાનું પરંતુ હાલ સાથે ન હોવાનું તેણે પોલીસને જણાવ્યુ હતુ. આથી લાયસન્સ માટે સમય આપવા છતાં તે ન લાવી શકતા અંતે તેની પાસે પરવાનો ન હોવાનું અને પોલીસ કેસ ન થાય તે માટે ખોટુ બોલતો હોવાનું ખુલ્યુ હતુ. આથી પોલીસે બન્નેની રૂપીયા 5 હજારની પીસ્ટલ, પાંચ લાખની અંદાજિત કિંમતની કાર અને કાર્ટીસ મળી કુલ રૂપીયા 5,05,300ની મત્તા સાથે ધરપકડ કરી ચોટીલા પોલીસ મથકે આર્મ્સ એકટ મુજબ ગુનો નોંધ્યો છે. આ અંગે વધુ તપાસ એએસઆઈ આર.ડી.રાજૈયા ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
