Mehsana: અરવલ્લીમાં કમોસમી વરસાદી ઝાપટા બાદ તેજ પવન ફૂંકાયો
ઉત્તર ગુજરાત પર સર્જાયેલા સાયક્લોનિક સર્ક્યુલેશનના કારણે જિલ્લામાં શુક્રવારે વાતાવરણમાં પલટો જોવા મળ્યો હતો. તો સાંજે કેટલાક વિસ્તારમાં કમોસમી વરસાદ પણ વરસ્યો હતો.તો બીજા દિવસે આકાશમાંથી વાદળો દુર થતા જ તાપમાનનો પારો થોડો ઊંચકાયો હતો.જેને લઇ ગરમીમાં પણ ભારે વધારો અનુભવાયો હતો.જોકે દિવસભર વાદળો પણ જોવા મળ્યા હતા.ત્યારે હવામાન વિભાગ દ્વારા જિલ્લામાં બદલાયેલા વાતાવરણ મુજબ આગામી 4 દિવસ દરમિયાન મહત્તમ તાપમાનમાં કોઈ મોટો ફેરફાર નહી થવાની સંભાવના વ્યક્ત કરવામાં આવી હતી. ઉત્તર ગુજરાતના પાટણ તેમજ મહેસાણાના કેટલાક વિસ્તારમાં શુક્રવારે વાતાવરણમાં પલટા સાથે કમોસમી વરસાદ જોવા મળ્યો હતો.તો તેને કારણે રાત્રીના સમયે વાતાવરણ ઠંડુગાર બન્યું હતું.તો બીજા દિવસે શનિવારે દિવસ દરમિયાન સૂર્યનારાયણ તપતા તાપમાનમાં પણ ભારે વધારો અનુભવાયો હતો.જેને કારણે ગરમીમાં પાછલા 24 કલાકની તુલનાએ 6 ડિગ્રીનો વધારો અનુભવાયો હતો.બપોરના સમયે વ્યાપક ગરમીનો અનુભવ થતા શહેરીજનો દિવસ દરમિયાન ઠંડકની શોધ કરતા જોવા મળ્યા હતા. તેને લઈ મહત્તમ તાપમાનનો પારો 31 ડિગ્રી તો લઘુત્તમ તાપમાનનો પારો 20 ડિગ્રી પર પહોચ્યો હતો.તો વાતાવરણમાં થઈ રહેલા સતત ફેરફાર પગલે જગતનો તાત ખેડુત પણ ભારે ત્રસ્ત બન્યો હતો.ત્યારે હવામાન વિભાગના સૂત્રોના જણાવ્યા મુજબ આગામી 4 દિવસ દરમિયાન મહત્તમ તાપમાનમાં કોઈ મોટો ફેરફાર જોવા મળશે નહી.જોકે તે બાદ મહત્તમ તાપમાનમાં 2 થી 3 ડિગ્રીનો વધારો જોવા મળી શકે છે.તો લઘુત્તમ તાપમાનમાં સપ્તાહ દરમિયાન કોઈ મોટો ફેરફાર અનુભવાશે નહી.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
