Ahmedabad News: પોલીસ કમિશ્નરે હીરાવાડી ચાર રસ્તા પાસે વિઝિટ કરી, ટ્રાફિક સર્જતા બિનજરૂરી કટ બંધ કરાવ્યા
અમદાવાદમાં દિવસે દિવસે વધી રહેલી ટ્રાફિક સમસ્યાનો નિકાલ કરવા માટે ખુદ શહેરના પોલીસ કમિશનર એક્શનમાં આવ્યા છે. થોડા સમય પહેલા પોલીસ કમિશનર જી.એસ. મલિક દ્વારા નારોલ અને એસ.જી હાઈવે પર ઝાયડસ ચાર રસ્તા પાસે ટ્રાફિકને લઈને મોનિટરિંગ કરવામાં આવ્યું હતું. હવે તેમણે શહેરના હિરાવાડી વિસ્તારમાં વિઝિટ કરી હતી. ટ્રાફિક વ્યવસ્થાનું રૂબરૂ નિરીક્ષણ કર્યું શહેરમા હિરાવાડી ચાર રસ્તા પાસે પોલીસ કમિશનર જી.એસ. મલિકે વિઝિટ કરી હતી. આ વિસ્તારમાં ટ્રાફિકની સમસ્યા અંગે તેમણે માહિતી મેળવી હતી. અહીં સર્જાઈ રહેલા ટ્રાફિકને લઈને તેમણે જરૂરી સૂચનાઓ આપી હતી. ટ્રાફિક ડાયવર્ટ કરવા માટેનો પ્લાન તૈયાર કર્યો હતો. બિનજરૂરી રોડ કટ બંધ કરવામાં આવ્યા હતાં. ખુદ શહેર પોલીસ કમિશનર જી.એસ. મલિકે આજે મેદાનમાં ઉતરીને ટ્રાફિક વ્યવસ્થાનું રૂબરૂ નિરીક્ષણ કર્યું હતું. પોલીસ કમિશ્નરે આ વિઝિટ દરમિયાન ખાસ નોંધ લીધી હતી. તેમણે નાગરિકો અને સરકારી અધિકારીઓને હેલમેટ પહેરવા અપીલ કરી હતી. બિનજરૂરી કટ ટ્રાફિક જામનું કારણ બને છેઅગાઉ પોલીસ કમિશનરે ઝાયડસ ચાર રસ્તાની મુલાકાત લઈને બ્રિજની નીચે બંને તરફ નવા ટ્રાફિક કટ ખોલવાની મંજૂરી આપી હતી.પોલીસનો દાવો છે કે આ નવા કટથી વાહનોની અવરજવર સરળ બનશે અને ચાર રસ્તા પર થતો ટ્રાફિક જામ ઓછો થશે. જ્યાં પણ બિનજરૂરી કટ ટ્રાફિક જામનું કારણ બને છે તેવા કટને તાત્કાલિક અસરથી બંધ કરવાની કામગીરી પોલીસ કમિશ્નરે શરૂ કરાવી હતી.આ પણ વાંચોઃ Gandhinagar News: GPSCએ 224 જગ્યાઓ પર ભરતી જાહેર કરી, આજથી ઓનલાઈન ફોર્મ ભરી શકાશે
Read Full Story arrow_forward
