Community News & Updates

Stay informed with the latest happenings, achievements, and announcements from our community.

All News

calendar_today March 31, 2026

Patan: શુદ્ધિકરણ પર જોખમ : પાટણમાં પીવાનું શુદ્ધ પાણી થયું અશુદ્ધ !

પાટણ શહેરમાં તમામ લોકોને ઘરો સુધી પીવાનુ શુદ્ધ પાણી મળી રહે તે માટે ખોરસમથી પાટણમાં આવેલ પદ્મનાથ કેનાલમાં ઠાલવવામાં આવતું હોય છે. જ્યાંથી પાણી સીધું જ શહેરમાં આવેલ ખાન સરોવરમાં ઠાલવવામાં આવે છે. ત્યારે હાલમાં પાટણમાં પદ્મનાથ કેનાલમાં છોડાતાં પાણીમાં કેટલાક લોકો અંદર પાણીમાં નહાવા પડીને શુદ્ધ પાણીને અશુદ્ધ કરવામાં આવી રહ્યું છે. જેને લઈ ભવિષ્યમાં રોગચાળાની સ્થિતિ ન સર્જાય તે માટે કેનાલમાં નહાવા આવતાં લોકોને અટકાવવામાં આવે તેવી માંગ ઉઠવા પામી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 31, 2026

Patan: સમી તાલુકાના અમરાપુર પાસેથી દેશી બંદુક સાથે એક શખ્સ ઝડપાયો

સમી તાલુકાના અમરાપુર નજીકથી SOG પોલીસે તળાવ પાસેથી દેશી હાથ બનાવટની બંદુક સાથે અમરાપુર પાટીના એક આરોપીને ઝડપી તેની પાસેથી રૂપિયા 2500 ની કિંમતની બંદુક કબજે કરી વધું તપાસ સમી પોલીસે હાથ ધરી છે. પાટણ સ્પેશિયલ ઓપરેશન ગ્રુપના પીઆઈ જયદીપસિંહ સોલંકીની ટીમના માણસો સમી પોલીસ સ્ટેશન વિસ્તારમાં પેટ્રોલિંગમાં હતાં. તે સમયે ખાનગી રાહે બાતમી મળી હતી કે એક વ્યક્તિ સમી તાલુકાના અમરાપુર ગામથી અમરાપુર પાટી તરફ્ રસ્તામાં આવેલ તળાવ પાસે દેશી હાથ બનાવટની બંદુક સાથે ફરી રહ્યો છે. જેના આધારે SOG પોલીસે પંચોને સાથે રાખીને તપાસ કરતાં સ્થળ પરથી સમી તાલુકાના અમરાપુર પાટીના સલમાન જુસબ તૈયબ સિંધી નામનો આરોપી મળીઆવતાં પોલીસે તેની પાસેથી રૂપિયા 2500 ની કિંમતની દેશી હાથ બનાવટની બંદુક કબજે કરી કાયદેસરની કાર્યવાહી માટે સમી પોલીસને સોંપતાં વધું તપાસ સમી પોલીસે હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 31, 2026

Patan: યુનિવર્સિટીમાં સંલગ્ન સ્વનિર્ભર કોલેજોમાં ફી નક્કી કરવા માટે બેઠક મળી

પાટણ ખાતે આવેલ હેમચંદ્રાચાર્ય ઉત્તર ગુજરાત યુનિવર્સિટીમાં ફી રેગ્યુલેટરી કમિટી (FRC) ની પ્રથમ બેઠક યોજાઈ હતી. જેમાં યુનિવર્સિટી સંલગ્ન સ્વનિર્ભર કોલેજમાં ફી નું યોગ્ય માળખું નક્કી કરવા માટે બેઠકનું આયોજન કરવામાં આવ્યું હતું. બેઠકમાં યુનિવર્સિટીના કુલપતિ પ્રો.ડો.કે.સી પોરીયાએ જણાવ્યું હતું કે સ્વનિર્ભર કોલેજોની ફી નું ધોરણ નક્કી કરવા માટે FRC ની રચના કરવામાં આવી છે. પ્રથમ બેઠકમાં ફી ના માળખામાં સુધારા વધારા કરી યોગ્ય માળખું નક્કી કરવા માટે તેમજ આ અંગે કોલેજોના સૂચનો ધ્યાને લેવા માટે વિસ્તૃત ચર્ચા કરવામાં આવી હતી.આયોજિત બેઠકમાં FRC ના સભ્યો તરીકે હાઇકોર્ટના નિવૃત્ત જજ, બેંક ઓફ્ બરોડાના નિવૃત જનરલ મેનેજર, જીટીયુના નિવૃત્ત કુલપતિ, પ્રતિષ્ઠિત ચાર્ટર્ડ એકાઉન્ટન્ટ તેમજ કુલપતિ, કુલ સચિવ અને પ્રોફેસરો ઉપસ્થિત રહ્યા હતા. તમામની ઉપસ્થિતિમાં આયોજિત બેઠકમાં કોલેજો દ્વારા કયા પ્રકારની અને કેટલી ફી લેવામાં આવેછે. તેમજ ફી ના માળખામાં વધારો કરવાની રજૂઆતો અને માગણીઓને ધ્યાનમાં રાખીને આયોજિત બેઠકમાં કોલેજોની વર્તમાન ફી તથા તેઓ કેટલી ફી ઈચ્છે છે. જેવા સૂચનોની વિગતો તેમજ છેલ્લા ત્રણ વર્ષના ઓડિટેડ હિસાબો પણ મંગાવવામાં આવ્યા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward