Community News & Updates

Stay informed with the latest happenings, achievements, and announcements from our community.

All News

calendar_today March 31, 2026

Gandhinagar : ગિફ્ટ સિટીએ ઉદ્યોગ-શિક્ષણ જગતની રાઉન્ડટેબલ સિરીઝ લોન્ચ કરી

ગુજરાત ઈન્ટરનેશનલ ફાઇનાન્સ ટેક-સિટી (ગિફ્ટ સિટી) એ તેની ઉદ્યોગ-શિક્ષણ જગતની રાઉન્ડટેબલ સિરીઝનો પ્રારંભ કર્યો છે, જેનો ઉદ્દેશ શૈક્ષણિક સંસ્થાઓ અને ઉદ્યોગ ક્ષેત્રના પ્રતિનિધિઓને એક મંચ પર લાવીને સહકાર મજબૂત કરવાનો અને ભારતના ઇન્ટરનેશનલ ફાઇનાન્શિયલ સર્વિસીસ સેન્ટર(આઈએફએસસી) ની જરૂરિયાતો મુજબ પ્રતિભાઓના વિકાસને સુસંગત બનાવવાનો છે.અગ્રણી યુનિવર્સિટીઓના હેડએ લીધો ભાગ તાજેતરમાં ગિફ્ટ સિટી ખાતે યોજાયેલા પ્રથમ રાઉન્ડટેબલમાં અમદાવાદ અને ગાંધીનગરની અગ્રણી યુનિવર્સિટીઓ અને શૈક્ષણિક સંસ્થાઓના વરિષ્ઠ શૈક્ષણિક અગ્રણીઓ, પ્લેસમેન્ટ હેડ્સ, એચઆર અને ટેલેન્ટ એક્વિઝિશન લીડર્સ તેમજ ક્ષેત્ર નિષ્ણાંતો સાથે ગિફ્ટ સિટીમાં કાર્યરત ટેક્નોલોજી અને જીસીસી કંપનીઓના પ્રતિનિધિઓએ ભાગ લીધો હતો. આ બેઠકમાં શૈક્ષણિક પરિણામોને ઉદ્યોગની બદલાતી જરૂરિયાતો સાથે સુસંગત બનાવવાના મુદ્દાઓ પર ચર્ચા કરવામાં આવી. કઈ બાબતોનો કરાયો સમાવેશ? ચર્ચાનો મુખ્ય વિષય શૈક્ષણિક અભ્યાસ અને ઉદ્યોગની જરૂરિયાતો વચ્ચેનો અંતર ઘટાડવાનો હતો, ખાસ કરીને ફાઈનાન્શિયલ સર્વિસિસ, ફિનટેક અને ટેક્નોલોજી જેવા ક્ષેત્રોમાં. મુખ્ય મુદ્દાઓમાં અભ્યાસક્રમની સુસંગતતા, યોગ્ય માળખા સાથેની ઇન્ટર્નશિપ, લાઇવ ઇન્ડસ્ટ્રી પ્રોજેક્ટ્સ, સંશોધન સહકાર અને ઉદ્યોગની બદલાતી જરૂરિયાતોને અનુરૂપ પ્રતિભાઓ વિકસાવવા માટે ટેલેન્ટ પાઈપલાઈન ઊભી કરવી જેવી બાબતો સમાવિષ્ટ હતી. ચર્ચામાં ભાગ લેનારાઓએ જણાવ્યું કે વધુ સંકલિત અભિગમ તરફ આગળ વધવું જરૂરી છે, જ્યાં શૈક્ષણિક કાર્યક્રમોને વાસ્તવિક ઉદ્યોગ અનુભવ સાથે નજીકથી જોડવામાં આવે, જેથી રોજગારક્ષમતા વધે અને વિદ્યાર્થીઓને વધુ સારી તકો મળે. આઈબીએમ ખાતે લીડર – અમેરિકાસ સર્વિસ એન્જિનિયરિંગ તરીકે કાર્યરત સુશ્રી શેફાલી ગૌરે જણાવ્યું હતું કે, “ભવિષ્યની વર્કફોર્સ માત્ર ડિગ્રીથી નહીં, પરંતુ અનુકૂલનક્ષમતા, ડિજિટલ સમજ અને સમસ્યા ઉકેલવાની ક્ષમતા દ્વારા ઓળખાશે. આ પ્રકારના પ્લેટફોર્મ્સ શૈક્ષણિક પરિણામોને ઉદ્યોગની જરૂરિયાતો સાથે સુસંગત બનાવવા અને રોજગારક્ષમ પ્રતિભા વિકસાવવા માટે મહત્વપૂર્ણ છે.” પડકારો ઉકેલવાની ક્ષમતા વિકસાવાશે યુનિવર્સિટી ઑફ વોલોંગોંગના કેમ્પસ ડિરેક્ટર નિમય કલ્યાણીએ જણાવ્યું હતું કે, “જોબ-રેડી ગ્રેજ્યુએટ્સ તૈયાર કરવા માટે ઉદ્યોગ જગત – શિક્ષણ જગત વચ્ચેનો સંબંધ માત્ર સુસંગતતા સુધી મર્યાદિત ન રહે, પરંતુ સંકલન તરફ વિકસે તે જરૂરી છે. આનાથી વિદ્યાર્થીઓ ટેક્નિકલ જ્ઞાન સાથે વાસ્તવિક પડકારો ઉકેલવાની ક્ષમતા પણ વિકસાવી શકશે.” ગિફ્ટ સિટી હવે આ ઉદ્યોગ જગત તથા શિક્ષણ જગત વચ્ચેની રાઉન્ડટેબલ સિરીઝને ભારતના મુખ્ય શહેરોમાં વિસ્તારવાની યોજના ધરાવે છે, જેથી તેની ઇકોસિસ્ટમ સાથે જોડાયેલા ઉદ્યોગ ભાગીદારો અને શૈક્ષણિક સંસ્થાઓને જોડવા માટે વિશાળ મંચ તૈયાર થઈ શકે. આ પહેલથી રોજગારક્ષમતા સુધરવાની, સંસ્થાઓ વચ્ચે ભાગીદારી મજબૂત બનવાની અને કુશળ પ્રતિભા સમૂહના વિકાસને પ્રોત્સાહન મળવાની અપેક્ષા છે. આ પ્રકારની પહેલ દ્વારા ગિફ્ટ સિટી પ્રતિભાઓ વિકસાવવા પર પોતાનું ધ્યાન વધુ મજબૂત બનાવી રહી છે અને તેના ફાઈનાન્શિયલ તેમજ ટેક્નોલોજી ઈકોસિસ્ટમના લાંબા ગાળાના વિકાસને પણ સમર્થન આપી રહી છે. આ પણ વાંચો : Mehsanaની જાણીતી હોટલોમાં ફૂડ વિભાગના દરોડા, પનીરના સેમ્પલ લેવાતા ફફડાટ

Read Full Story arrow_forward

calendar_today March 31, 2026

Rajya Sabha : આ એક સહિયારી જવાબદારી, પેટર્નિટી લિવ અંગે રાજ્યસભામાં રાઘવ ચઢ્ઢાએ ઉઠાવી માંગ

સોમવારે રાજ્યસભાના સત્ર દરમિયાન દેશમાં પેટર્નિટી લિવનો કાયદાકીય અધિકારનો દરજ્જો આપવાની માંગ કરવામાં આવી હતી. આ પગલાની હિમાયત કરતા આમ આદમી પાર્ટી (AAP) ના સાંસદ રાઘવ ચઢ્ઢાએ ભારપૂર્વક જણાવ્યું હતું કે બાળકોના ઉછેરની જવાબદારી ફક્ત માતાની નથી પરંતુ સહિયારી જવાબદારી છે. પેટર્નિટી લિવ માટે અવાજ ઉઠાવ્યો ઉપલા ગૃહમાં 'વિશેષ ઉલ્લેખ' દ્વારા આ મુદ્દો ઉઠાવતા, AAP ના સાંસદે નોંધ્યું હતું કે જ્યારે હાલમાં કેન્દ્ર સરકારના કર્મચારીઓ માટે 15 દિવસની (પિતૃત્વ) રજાની જોગવાઈ છે, ત્યારે ખાનગી ક્ષેત્રમાં આવી કોઈ જોગવાઈ અસ્તિત્વમાં નથી. તેમણે ધ્યાન દોર્યું હતું કે ખાનગી ક્ષેત્ર દેશના કુલ કાર્યબળના લગભગ 90 ટકા - જે એક વિશાળ બહુમતી છે - રોજગારી આપે છે. તેથી તેઓ પણ આ અધિકારના હકદાર હોવા જોઈએ. વિવિધ દેશોના ઉદાહરણો ટાંકીને ચઢ્ઢાએ ભાર મૂક્યો હતો કે ઘણા દેશોમાં કર્મચારીઓને લાંબા સમય સુધી રજા આપવામાં આવે છે. તેમણે ભારતમાં માનસિકતામાં પરિવર્તનની જરૂરિયાત પર ભાર મૂક્યો હતો, અને પુનરાવર્તિત કર્યું હતું કે બાળકોનો ઉછેર એ ફક્ત માતાની ફરજ નથી પરંતુ એક સહિયારી જવાબદારી છે. ત્યારબાદ, સોશિયલ મીડિયા પર તેમના ભાષણની વિડિઓ ક્લિપ શેર કરતા તેમણે લખ્યું, "મેં સંસદમાં માંગ કરી હતી કે ભારતમાં 'પિતૃત્વ રજા' ને કાનૂની અધિકાર તરીકે માન્યતા આપવામાં આવે. બાળક સંભાળવાની જવાબદારી માત્ર મહિલા પર જ કેમ? તેમણે આગળ લખ્યું, "જ્યારે બાળકનો જન્મ થાય છે, ત્યારે બંને માતાપિતાને અભિનંદન આપવામાં આવે છે. છતાં બાળકની સંભાળની જવાબદારી ફક્ત એક જ વ્યક્તિ પર કેમ આવે છે - ખાસ કરીને માતા પર? પિતાને તેના નવજાત બાળકની સંભાળ રાખવા અને તેની નોકરી જાળવી રાખવા વચ્ચે પસંદગી કરવાની ફરજ પાડવી જોઈએ નહીં. વધુમાં માતાએ તેના પતિના ટેકા વિના બાળજન્મ અને ત્યારબાદ સ્વસ્થ થવાની પ્રક્રિયામાં નેવિગેટ કરવું ન જોઈએ. બાળ સંભાળ: એક સહિયારી જવાબદારીચડ્ઢાએ જણાવ્યું હતું કે બાળજન્મ પછી તરત જ, સ્ત્રીને તેના પતિની હાજરીની સૌથી વધુ જરૂર હોય છે. આ સમયગાળા દરમિયાન તેની પત્નીની સંભાળ રાખવાની પતિની જવાબદારી પણ એટલી જ મહત્વપૂર્ણ છે. તેમણે લખ્યું, મેં સંસદમાં આ મુદ્દો ઉઠાવ્યો કારણ કે બાળ સંભાળ એક સહિયારી જવાબદારી છે. આ સિદ્ધાંત આપણા કાયદાઓમાં પણ પ્રતિબિંબિત થવો જોઈએ.

Read Full Story arrow_forward

calendar_today March 31, 2026

PM Modi In Sanand : મેક ઇન ઇન્ડિયા મેડ ફોર વર્લ્ડને ખરા અર્થમાં ચરિતાર્થ કરે છેઃ PM મોદી

વડાપ્રધાન મોદી આજે એક દિવસના ગુજરાત પ્રવાસે આવ્યા છે. તેમણે ગાંધીનગરના કોબા ખાતેના જૈન તિર્થ ખાતે તૈયાર કરવામાં આવેલા સમ્રાટ સંપ્રતિ મ્યુઝિયમનું લોકાર્પણ કર્યું હતું. ત્યાર બાદ તેઓ સાણંદ જવા માટે રવાના થયા હતાં.સાણંદ ખાતે ભારતને ટેક્નોલોજી અને સેમીકન્ડક્ટર ક્ષેત્રે આત્મનિર્ભર બનાવવાના લક્ષ્ય સાથે તેમણે કેન્સ સેમીકન્ડક્ટર OSAT ફેસિલિટી પ્લાન્ટનું ઉદ્ઘાટન કર્યું હતું.વડાપ્રધાન મોદીએ સાણંદમાં ચીપના પ્રોડક્શન હાઉસનું નિરીક્ષણ કર્યું હતું. આ પ્રસંગે વડાપ્રધાન મોદીની સાથે કેન્દ્રીય મંત્રી અશ્વિની વૈષ્ણવ અને મુખ્યમંત્રી ભૂપેન્દ્ર પટેલ પણ ઉપસ્થિત રહ્યાં છે.દરિયાઈ રાજ્ય માટે કોરિડોર બનાવવા નિર્ણય વડાપ્રધાન મોદીએ કહ્યું હતું કે, દેશમાં ઓડિશા , તામીલનાડુ સહિતના દરિયાઈ રાજ્ય માટે કોરિડોર બનાવવા નિર્ણય થયો છે. ક્રિટીકલ મિનરલ ભંડાર બનાવવા કામ કરવામાં આવશે. આ કામગીરી 20 વર્ષ પહેલા થઈ હોત તો સારું હતું પણ આ કામગીરી હવે ચાલુ થઈ છે. AI સમિટ થઈ તેનાથી તમે પરિચિત છો. AI ટેકમાં ભારત સૌથી આગળ છે. ભારતનું AI ઈકો સિસ્ટમ છે તેને બળ મળશે. અમારી નીતિ અને નિર્ણય આવનારા દસકામાં ટેક્નોલોજી એનર્જી સિક્યુરિટીનો પાયો નાખી રહ્યું છે.ન્યુક્લિયર સેક્ટરમાં શાંતિ બિલ જેવા ઐતિહાસિક નિર્ણય કર્યા છે. ડિઝાઇન માટે સ્ટાર્ટ અપ માટે મંજૂરી આપી છે આપણને સુરક્ષિત પ્રોસેસર પ્લેટફોર્મ મળ્યું છે. અત્યારસુધીની સફળતા બાદ આગળના ફેઝ તરફ એક પગલું લીધું છે. સેમિકન્ડકટર 2.oની જાહેરાત કરી છે. આજ ટેક્નોલોજી ડેવલપમેન્ટ અને સ્કીલ વર્ક ફોર્સ પણ તૈયાર થઈ રહી છે. 85 હજારથી વધારે ડિઝાઇન પ્રોફેશનલ તૈયાર કરવાનું લક્ષ્ય જલ્દી પૂર્ણ થશે. દેશની 4 હજાર યુનિ.ને ડિઝાઇન માટે સ્ટાર્ટ અપ માટે મંજૂરી આપી છે.આજે ભારતનું સેમિકન્ડક્ટર માર્કેટ 4.5 લાખ કરોડનું છે.આ દસકો પૂર્ણ થશે ત્યારે 9 લાખ કરોડનું માર્કેટ પાર કરશે.દુનિયાભરના રોકાણકારમાં ઉત્સાહ છે એ આપણા માટે પૂંજી છે. દુનિયાભરમાં આપણા પાર્ટનર છે તેની સાથે મળી સુરક્ષિત સપ્લાય ચેન બનાવવા પર કામ થઈ રહ્યું છે.ભારતની કંપનીએ ચીપ બનાવવા માટે રસ દાખવ્યો વડાપ્રધાન મોદીએ કહ્યું હતું કે, સાણંદ, ધોલેરા આજે સેમિકોન વેલી તરફ આગળ વધે છે. ભારત સેમી કન્ડક્ટર સેક્ટરમાં કેટલું આગળ વધી રહ્યું છે. ભારતની કંપનીએ ચીપ બનાવવા માટે રસ દાખવ્યો તેનાથી હું ખુશ છું. આ દરેક દેશવાસી માટે ગર્વની ક્ષણ છે. દુનિયાને એક સેમી કન્ડક્ટર સપ્લાય ચેન આપશે. ભારતના આત્મવિશ્વાસનું આ એલાન છે વડાપ્રધાન મોદીએ કહ્યું હતું કે, પેન્ડેમિક કોન્ફલિક્ટ ગ્લોબલ સપ્લાય ચેન ચિપ રેર અર્થ કે અન્ય બાબત પ્રભાવિત થઈ છે. ભારત જેવા દેશમાં આ દિશામાં આગળ વધવું એ વિશ્વના વિકાસ માટે મહત્વનું છે. કોરોના સમયે નક્કી કરી લીધું હતું કે ભારત સેમિકન્ડક્ટર સેક્ટરનું હબ બનશે. આ ખાલી ચિપ સુધી સીમિત નથી આનો મતલબ છે. AI, ઇ વ્હિકલ, ડિફેન્સ , ઇલેક્ટ્રિક સહિતના અનેક સેક્ટરને બળ મળશે.2021માં આ મિશન શરૂ કર્યું હતું. ભારતના આત્મવિશ્વાસનું આ એલાન છે.દેશના 6 રાજ્યમાં 1 લાખ 60 હજાર કરોડના પ્લાન્ટોનું કામ થઈ રહ્યું છે. મેક ઈન ઈન્ડિયા મેડ ફોર વર્લ્ડને ખરા અર્થમાં ચરિતાર્થ કરે છે વડાપ્રધાન મોદીએ કહ્યું હતું કે, મેક ઈન ઈન્ડિયા મેડ ફોર વર્લ્ડને ખરા અર્થમાં ચરિતાર્થ કરે છે. આજે સાણંદ અને સિલીકોન વેલી વચ્ચે નવો બ્રિજ બની ગયો છે. કેલિફોર્નિયાની કંપની માટે આ પ્લાન્ટ ઇન્ટરનેશનલ મોડ્યુલ પ્લાન્ટ છે. અહીં બનનાર મોડ્યુલ એક્સપોર્ટ માટે બુક થઈ ગયું છે. ઇન્ટેલિજન્ટ પાવર મોડ્યુલથી ભારતના ઇ વ્હીકલ ઈન્ડસ્ટ્રીઝને બળ મળશે.21મી સદીનો આ દસકો અનેક પડકારો લઈને આવ્યો છે. ગ્લોબલ સેમીકન્ડક્ટર સપ્લાય ચેનનો હિસ્સો વડાપ્રધાન મોદીએ કહ્યું હતું કે, ગત મહિનાના અંતમાં પણ હું સાણંદમાં હતો અને માર્ચ મહિનાના અંતમાં પણ હું સાણંદમાં છું. હું કેન્સ ટેકનોલોજીની લીડરશીપને શુભકામનાઓ પાઠવું છું. ગુજરાત સરકારને આ પ્લાન્ટમાં કામ કરી રહેલા સાથીઓને પણ શુભકામનાઓ પાઠવું છું. આજે સવારે હું એક ધાર્મિક કાર્યક્રમમાં હતો અને હાલ ડિજિટલ કાર્યક્રમમાં છું. મને એ વાતની ખુશી છે કે, ભારતની કંપનીએ સેમી કન્ડક્ટર ચીપ બનાવવામાં રસ દાખવ્યો અને પરિણામ આપણી સામે છે. ભારતની પોતાની કંપની હવે ગ્લોબલ સેમીકન્ડક્ટર સપ્લાય ચેનનો હિસ્સો બની ગઈ છે. આ શાનદાર શરૂઆત છે. આ ગર્વની પળ છે. સાણંદમાં સેમિકન્ડક્ટર ઇકોસિસ્ટમ વધુ મજબૂત બનશે ભારતના સેમિકન્ડક્ટર મિશન અંતર્ગત આ પ્રોજેક્ટને કેન્દ્રીય કેબિનેટ દ્વારા 23 સપ્ટેમ્બર 2024માં મંજૂરી આપવામાં આવી હતી. ₹3300 કરોડના ખર્ચે આ પ્રોજેક્ટ શરૂ થવાથી સાણંદમાં સેમિકન્ડક્ટર ઇકોસિસ્ટમ વધુ મજબૂત બનશે. વડાપ્રધાન મોદીના જણાવ્યા અનુસાર ભારતમાં સેમિકન્ડક્ટર ક્ષેત્રના વિકાસથી આ દાયકો ટેક ફ્યુચરનો સૌથી મોટો ટર્નિંગ પોઇન્ટ સાબિત થશે. ફેબ્રુઆરીમાં માઇક્રોન સેમિકન્ડક્ટર પ્લાન્ટનો પ્રારંભ કરાવ્યો હતો 28 ફેબ્રુઆરી 2026ના રોજ વડાપ્રધાન મોદીએ માઇક્રોન સેમિકન્ડક્ટર પ્લાન્ટનો શુભારંભ કરાવ્યો હતો. આ પ્રસંગે તેમણે પ્રોજેક્ટની ગતિશીલતા પર ભાર મૂકતા જણાવ્યું હતું કે, “જૂન-2023માં આ સુવિધા માટે MoU થયા, સપ્ટેમ્બરમાં ખાતમુહૂર્ત થયું અને આજે ફેબ્રુઆરી-2026માં કોમર્શિયલ પ્રોડક્શન પણ શરૂ થઈ ગયું છે. વિશ્વના વિકસિત દેશોમાં પણ આવી મંજૂરીઓ અને પ્રક્રિયાઓમાં વર્ષો નીકળી જતા હોય છે, પરંતુ ભારતે આ અશક્ય કામ માત્ર 900 દિવસમાં પૂર્ણ કરીને બતાવ્યું છે. જ્યારે દાનત સાફ હોય અને નિષ્ઠા દેશના વિકાસ પ્રત્યે હોય, ત્યારે નીતિ સ્પષ્ટ બને છે અને નિર્ણયોમાં પણ ગતિ આપોઆપ આવી જતી હોય છે.આ પણ વાંચોઃ PM Modi Speech : જૈન મુનિ અને સંતોની તપસ્યા જોડાઈ છે ત્યાં સર્જન અને સેવા આપોઆપ સંચાલિત થાય છેઃ PM મોદી

Read Full Story arrow_forward