Community News & Updates

Stay informed with the latest happenings, achievements, and announcements from our community.

All News

calendar_today March 30, 2026

Anand : 2 એપ્રિલથી ગંભીરા વૈકલ્પિક બ્રિજ શરૂ, શરૂઆતમાં માત્ર ટુ-વ્હીલરને મળશે મંજૂરી

આણંદ અને વડોદરા વચ્ચેના વાહનવ્યવહાર માટે અત્યંત મહત્વનો ગણાતો ગંભીરા બ્રિજ હવે કાર્યરત થવા જઈ રહ્યો છે. તંત્ર દ્વારા લેવામાં આવેલા નિર્ણય મુજબ, 2 એપ્રિલથી આ વૈકલ્પિક બ્રિજ વાહનચાલકો માટે ખુલ્લો મુકાશે. જોકે, શરૂઆતના તબક્કે સુરક્ષાના કારણોસર માત્ર મર્યાદિત વાહનોને જ પ્રવેશ આપવામાં આવશે.1 એપ્રિલે ટ્રાયલ રન બ્રિજને સત્તાવાર રીતે ખુલ્લો મૂકતા પહેલા, 1 એપ્રિલના રોજ તેના પર 'ટ્રાયલ રન' લેવામાં આવશે. આ ટ્રાયલ દરમિયાન બ્રિજની મજબૂતી અને સુરક્ષા વ્યવસ્થાની ચકાસણી કરવામાં આવશે. જો ટ્રાયલ રન સફળ રહેશે, તો બીજા જ દિવસથી એટલે કે 2 એપ્રિલથી સામાન્ય જનતા માટે અવરજવર શરૂ કરી દેવાશે. વાહનો માટેના નિયમો અને પ્રતિબંધ બ્રિજની સુરક્ષાને ધ્યાનમાં રાખીને વહીવટી તંત્ર દ્વારા કેટલાક કડક નિયમો લાગુ કરવામાં આવ્યા છે જેમાં શરૂઆતમાં માત્ર ટુ-વ્હીલર (દ્વિચક્રી) વાહનોને જ મંજૂરી આપવામાં આવશે. 3 અને 4 વ્હીલર વાહનો તેમજ તમામ પ્રકારના ભારે વાહનોના પ્રવેશ પર હાલ સંપૂર્ણ પ્રતિબંધ રહેશે તો બ્રિજ પર એકસાથે વધુ વાહનો પ્રવેશે નહીં તેની તકેદારી રાખવામાં આવશે. સુરક્ષા માટે બ્રિજના બંને છેડે બેરીકેડ ગોઠવવામાં આવશે જેથી નિયમોનું પાલન કરાવી શકાય. વાહનચાલકોને રાહત ગંભીરા બ્રિજ બંધ હોવાને કારણે વાહનચાલકોને લાંબો રૂટ કાપવો પડતો હતો, પરંતુ હવે ટુ-વ્હીલર ચાલકો માટે આ બ્રિજ શરૂ થવાથી સમય અને ઈંધણની મોટી બચત થશે.આ પણ વાંચો----     Himatnagar : આગીયોલમાં જૂની અદાવતમાં હત્યા બાદ આરોપીનું પણ રહસ્યમય મોત થતાં પોલીસ પણ મૂંઝવણમાં

Read Full Story arrow_forward

calendar_today March 30, 2026

Rajkotની જામકંડોરણા પંચાયતમાં ટેન્ડર કાંડ: સીલબંધ કવરો સાથે છેડછાડ કરતા શખ્સો CCTVમાં કેદ

રાજકોટ જિલ્લાના જામકંડોરણા ગ્રામ પંચાયતમાં ઇજારાની ટેન્ડર પ્રક્રિયામાં ગંભીર ગેરરીતિ થઈ હોવાનો મામલો સામે આવ્યો છે. શાકભાજી અને કટલેરી બજારનું ભાડું વસૂલવા માટે હાથ ધરવામાં આવેલી ઇજારા પ્રક્રિયામાં ટેન્ડરના કવર સાથે છેડછાડ કરવામાં આવી હોવાના આક્ષેપો સાથે ગ્રામજનોમાં ભારે રોષ જોવા મળી રહ્યો છે. આ સમગ્ર શંકાસ્પદ હિલચાલ સીસીટીવી (CCTV) કેમેરામાં કેદ થઈ જતાં ભાંડો ફૂટ્યો છે.કવર સાથે ચેડાં થતા ગ્રામજનો આરોપ જામકંડોરણા ગ્રામ પંચાયત દ્વારા આગામી સમય માટે ઇજારાના ટેન્ડર મંગાવવામાં આવ્યા હતા. જોકે, ટેન્ડર ખોલવાની પ્રક્રિયા પૂર્વે જ કેટલાક શખ્સો દ્વારા ટેન્ડરના સીલબંધ કવરો સાથે ચેડાં કરવામાં આવ્યા હોય તેવું સીસીટીવી ફૂટેજમાં સ્પષ્ટ દેખાઈ રહ્યું છે. ગ્રામજનોએ આક્ષેપ કર્યો છે કે મનપસંદ ઇજારદારને લાભ અપાવવા માટે વહીવટી સ્તરે આ ગેરરીતિ આચરવામાં આવી છે. ભાંડો ફૂટતા ટેન્ડર પ્રક્રિયા રદ કરવામાં આવી સીસીટીવી ફૂટેજ સોશિયલ મીડિયામાં વાયરલ થતાં અને ગ્રામજનોનો વિરોધ ઉગ્ર બનતા પંચાયત વહીવટી તંત્ર દોડતું થયું હતું. આખરે, ટેન્ડર પ્રક્રિયામાં પારદર્શિતાના અભાવે સમગ્ર પ્રક્રિયાને તાત્કાલિક અસરથી રદ કરવાની ફરજ પડી હતી. જોકે, ટેન્ડર રદ થવાને કારણે હવે ફરીથી પ્રક્રિયા કરવી પડશે, જેનાથી ગ્રામ પંચાયતની આવક અને વ્યવસ્થા પર અસર પડશે. ગ્રામજનોએ આ મામલે જવાબદારો સામે કડક તપાસની માંગ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 30, 2026

PM મોદી આવતીકાલે આવશે ગુજરાત, જાણો વડાપ્રધાનનો મિનિટ-ટુ-મિનિટ કાર્યક્રમ

દેશના વડાપ્રધાન નરેન્દ્ર મોદી આવતીકાલે 31મી માર્ચે ફરી એકવાર ગુજરાતની ધરતી પર પધારી રહ્યા છે. રાજ્યના પ્રવક્તા મંત્રી જીતુ વાઘાણીએ વડાપ્રધાનના પ્રવાસની વિગતો આપતા જણાવ્યું હતું કે, આ મુલાકાત રાજ્ય અને દેશને સુખાકારી તથા વિકાસની નવી ઊંચાઈઓ પર લઈ જનારી સાબિત થશે. વડાપ્રધાન તેમના એક દિવસીય પ્રવાસ દરમિયાન સેમીકન્ડક્ટર પ્લાન્ટથી લઈને હજારો કરોડના વિકાસકામોનું લોકાર્પણ કરશે.મિનિટ-ટુ-મિનિટ કાર્યક્રમ વડાપ્રધાન આવતીકાલે સવારે 9:40 વાગ્યે અમદાવાદ એરપોર્ટ પર ઉતરાણ કરશે. ત્યારબાદ સવારે 10:00 કલાકે કોબા ખાતે નવનિર્મિત મ્યુઝિયમનું ઉદ્ઘાટન કરશે. ત્યાંથી તેઓ ગાંધીનગર સચિવાલય હેલીપેડ પહોંચશે અને બપોરે 12:30 વાગ્યે સાણંદ હેલીપેડ પર ઉતરશે. બપોરે 12:45 વાગ્યે સાણંદમાં ભારત માટે અત્યંત મહત્વના એવા 'કેચ સેમીકોન' પ્લાન્ટનું ઉદ્ઘાટન તેમના હસ્તે કરવામાં આવશે. બનાસકાંઠાને મોટી ભેટ સાણંદના કાર્યક્રમ બાદ વડાપ્રધાન બપોરે 2:55 વાગ્યે ફરી અમદાવાદ એરપોર્ટ પહોંચી ત્યાંથી ડીસા જવા રવાના થશે. બપોરે 3:45 વાગ્યે વાવ-થરાદ વિસ્તારના નાણી ગામે વિશાળ જનસભાને સંબોધશે. અહીં તેઓ અંદાજે 19,800 કરોડના વિકાસકામોનું લોકાર્પણ અને ખાતમુહૂર્ત કરીને સરહદી વિસ્તારના વિકાસને વેગ આપશે. સાંજે 5:05 કલાકે વડાપ્રધાન ડીસાથી સીધા આસામ જવા રવાના થશે.આ પણ વાંચો---    Himatnagar : આગીયોલમાં જૂની અદાવતમાં હત્યા બાદ આરોપીનું પણ રહસ્યમય મોત થતાં પોલીસ પણ મૂંઝવણમાં

Read Full Story arrow_forward