Community News & Updates

Stay informed with the latest happenings, achievements, and announcements from our community.

All News

calendar_today March 28, 2026

Kutch : ગૂગલ મેપની મદદથી મંદિરો ટાર્ગેટ કરનાર ચોર ગેંગ ઝડપાઈ, આડેસર પોલીસે બે રીઢા ગુનેગારોને દબોચ્યા

પૂર્વ કચ્છના વાગડ પંથકમાં મંદિરોને નિશાન બનાવતી એક અનોખી ચોર ગેંગનો આડેસર પોલીસે પર્દાફાશ કર્યો છે. મોટી હમીરપર ગામના ખોડિયાર માતાજી અને રામદેવપીરના મંદિરમાં થયેલી ચોરીનો ભેદ ઉકેલી પોલીસે બે શખ્સોની ધરપકડ કરી છે. આ ચોરોની મોડસ ઓપરેન્ડી જાણીને પોલીસ પણ ચોંકી ઉઠી છે, કારણ કે તેઓ ગૂગલ મેપનો ઉપયોગ કરીને મંદિરો શોધી ચોરીને અંજામ આપતા હતા.બાતમીના આધારે ધરપકડ મોટી હમીરપર ગામે રાત્રિ દરમિયાન બે મંદિરોમાં ચોરીની ઘટના બની હતી. આ મામલે તપાસ કરી રહેલી આડેસર પોલીસને બાતમી મળી હતી કે બે શંકાસ્પદ ઈસમો ચોરીના મુદ્દામાલ સાથે આડેસર-સણવા ચોકડી પાસે ઉભા છે. પોલીસે તાત્કાલિક વોચ ગોઠવીને પાંચા કોલી અને જાવેદ ઘાંચી નામના બે શખ્સોને ઝડપી પાડ્યા હતા. તેમની તલાશી લેતા ચોરીનો મુદ્દામાલ મળી આવ્યો હતો. ગૂગલ મેપથી લોકેશન ટ્રેસ કરતા પૂછપરછ દરમિયાન ચોંકાવનારી વિગતો બહાર આવી છે. આરોપી જાવેદ ઘાંચી મોબાઈલ ટેકનોલોજીનો જાણકાર હતો. તે ગૂગલ મેપ પર લોકેશન સર્ચ કરીને એવા મંદિરોની યાદી બનાવતો જ્યાં ચોરી કરવી સરળ હોય. ત્યારબાદ રાત્રિના સમયે આ બંને શખ્સો તે લોકેશન પર પહોંચી ચોરી કરતા હતા. ગુનાહિત ઇતિહાસ અને વધુ તપાસ પોલીસ તપાસમાં ખુલ્યું છે કે ઝડપાયેલા બંને આરોપીઓ રીઢા ગુનેગાર છે અને તેમના વિરુદ્ધ આડેસર તેમજ રાપર પોલીસ સ્ટેશનમાં અગાઉ પણ વિવિધ ગુનાઓ નોંધાયેલા છે. આ ધરપકડ સાથે આડેસર અને રાપર પોલીસ સ્ટેશનમાં નોંધાયેલા મંદિર ચોરીના અનેક ભેદ ઉકેલાયા છે. હાલ પોલીસે બંને આરોપીઓના રિમાન્ડ મેળવી વધુ તપાસ હાથ ધરી છે કે તેમણે અન્ય કેટલા મંદિરોમાં આ પદ્ધતિથી ચોરી કરી છે.આ પણ વાંચો----      Kutch : સારા સમાચાર, સાઉદીથી 48,000 ટન LPG ભરેલું વિશાળ જહાજ AL AIN રવિવારે મુંદ્રા પોર્ટ પહોંચશે

Read Full Story arrow_forward

calendar_today March 28, 2026

Ahmedabad: અમરાઈવાડીમાં 3 માસની માસૂમ દીકરી પાણીની ટાંકીમાં પડી જતાં માતાએ ગુમ થઇ હોવાનું નાટક કરતા ખળભળાટ

અમદાવાદ શહેરના અમરાઈવાડી વિસ્તારમાં આવેલી સિદ્ધેશ્વરી નગર સોસાયટીમાં એક એવી ઘટના બની છે જે સાંભળીને કોઈપણનું હૃદય દ્રવી ઉઠે. એક જનેતાથી પોતાની જ ત્રણ મહિનાની દીકરી પાણીની ટાંકીમાં પડી ગઇ હતી અને ઘટના બાદ ગભરાયેલી માતાએ દીકરી ગુમ થઈ હોવાનું નાટક કર્યું હતું, પરંતુ પોલીસની સઘન પૂછપરછમાં સત્ય બહાર આવતા માતા મોનિકા મકવાણાની ધરપકડ કરવામાં આવી છે.શું હતી સમગ્ર ઘટના? બનાવની વિગત મુજબ, 27મી માર્ચના રોજ જ્યારે ઘરના અન્ય સભ્યો બહાર હતા, ત્યારે મોનિકાએ પાણીની ટાંકી ભરવા માટે મોટર ચાલુ કરી હતી. મોનિકાના જણાવ્યા મુજબ, તે સમયે તેનું બેલેન્સ બગડતા કેડમાં રહેલી બાળકી ટાંકીમાં પડી ગઈ હતી. જોકે, બાળકીને બચાવવાને બદલે સાસુ-સસરા અને પતિના ડરથી તેણે ટાંકીનું ઢાંકણું બંધ કરી તેના પર તપેલું મૂકી દીધું હતું. જ્યારે પરિવારજનો ઘરે આવ્યા ત્યારે તેણે દીકરી ગુમ હોવાનું જણાવી શોધખોળનું નાટક કર્યું. અંતે પરિવારે ટાંકી તપાસતા માસૂમ બાળકીનો મૃતદેહ મળી આવ્યો હતો. પોલીસ પૂછપરછમાં ઘટસ્ફોટ અમરાઈવાડી પીઆઈ આર.બી. ચાવડાના જણાવ્યા મુજબ, મોનિકાને તેના સાસુ-સસરા અને પતિ સાથે અવારનવાર ઝઘડા થતા હતા. આ કલેહ અને બાળકી ટાંકીમાં પડી ગયા બાદ ઉભા થયેલા ડરને કારણે તેણે આ ઘાતકી પગલું ભર્યું હતું. મોનિકાના પતિ દીપક મકવાણાએ પોતાની પત્ની વિરુદ્ધ સાઅપરાધ માનવવધની ફરિયાદ નોંધાવતા પોલીસે તેની ધરપકડ કરી છે. 10 વર્ષના લગ્નજીવન બાદ આ દંપતીને એક 7 વર્ષની દીકરી અને આ 3 માસની બાળકી હતી. મોતનું સાચું કારણ જાણવા તજવીજ હાલ પોલીસે બાળકીનું પીએમ કરાવી મોતનું સાચું કારણ જાણવા તજવીજ હાથ ધરી છે. શું ખરેખર આ અકસ્માત હતો કે પછી કોઈ ઊંડા કાવતરાનો ભાગ, તે પીએમ રિપોર્ટ અને આગળની તપાસ બાદ સ્પષ્ટ થશે.આ પણ વાંચો----   Kutch : સારા સમાચાર, સાઉદીથી 48,000 ટન LPG ભરેલું વિશાળ જહાજ AL AIN રવિવારે મુંદ્રા પોર્ટ પહોંચશે

Read Full Story arrow_forward

calendar_today March 28, 2026

Bharuch : અંકલેશ્વરમાં પરિણીત યુવાને સગીરા પર દુષ્કર્મ આચરી ગર્ભવતી બનાવી

ભરૂચ જિલ્લાના અંકલેશ્વર પંથકમાં એક સગીરા પર દુષ્કર્મ ગુજારવાની ચોંકાવનારી ઘટના સામે આવી છે. એક પરિણીત યુવાને સગીરાને પોતાની જાળમાં ફસાવી વારંવાર હવસનો શિકાર બનાવી હતી. આ શારીરિક શોષણને કારણે સગીરા ગર્ભવતી બની હતી અને તેણે તાજેતરમાં એક બાળકીને જન્મ આપ્યા બાદ સમગ્ર મામલો પ્રકાશમાં આવ્યો છે. ભરૂચ પોલીસે આ ઘટનાની ગંભીરતાને ધ્યાને રાખી પોક્સો એક્ટ હેઠળ ગુનો નોંધી આરોપીની ધરપકડ કરી લીધી છે.પરિણીત યુવાનની હેવાનીયત મળતી માહિતી મુજબ, આરોપી યુવાન પરિણીત હોવા છતાં તેણે સગીરાને લલચાવી ફોસલાવી તેની સાથે સંબંધ બાંધ્યા હતા. સગીરાને ડરાવી-ધમકાવીને તે સતત તેનું શોષણ કરતો રહ્યો હતો. જોકે, ગર્ભવતી હોવાની જાણ થયા બાદ અને બાળકીના જન્મ બાદ પરિવારે હિંમત દાખવી પોલીસના દ્વાર ખટખટાવ્યા હતા. પોલીસ કાર્યવાહી અને પોક્સો એક્ટ ભરૂચ જિલ્લા પોલીસે આ કેસમાં કડક વલણ અપનાવ્યું છે. સગીરાના નિવેદન અને તબીબી પુરાવાઓના આધારે પોલીસે આરોપી વિરુદ્ધ દુષ્કર્મ તેમજ પોક્સો એક્ટની વિવિધ કલમો હેઠળ ગુનો નોંધ્યો છે. પોલીસે આરોપી યુવાનની અટકાયત કરી લીધી છે અને તેને કોર્ટમાં રજૂ કરવાની તજવીજ હાથ ધરી છે. આ પણ વાંચો---      Kutch : સારા સમાચાર, સાઉદીથી 48,000 ટન LPG ભરેલું વિશાળ જહાજ AL AIN રવિવારે મુંદ્રા પોર્ટ પહોંચશે

Read Full Story arrow_forward