Vadodara: ભાજપનું ચૂંટણીલક્ષી મંથન, પ્રદેશ પ્રમુખ જગદીશ વિશ્વકર્માની અધ્યક્ષતામાં મધ્યઝોનની બેઠક યોજાઈ
ગુજરાતમાં આગામી સ્થાનિક સ્વરાજ્યની ચૂંટણીઓનો ગણગણાટ શરૂ થઈ ચૂક્યો છે, ત્યારે સત્તાધારી પક્ષ ભાજપ દ્વારા સંગઠનને મજબૂત કરવાના પ્રયાસો તેજ કરી દેવામાં આવ્યા છે. વડોદરાના કારેલીબાગ વિસ્તારમાં આજે ભાજપ દ્વારા એક મહત્વની ચૂંટણીલક્ષી બેઠકનું આયોજન કરવામાં આવ્યું હતું. પ્રદેશ પ્રમુખ જગદીશ વિશ્વકર્માની અધ્યક્ષતામાં યોજાયેલી આ બેઠકમાં મધ્ય ઝોન સંગઠનના હોદ્દેદારો તેમજ મોટી સંખ્યામાં કાર્યકર્તાઓ ઉપસ્થિત રહ્યા હતા.મધ્યઝોન બેઠકમાં રણનીતિ પર ચર્ચા કારેલીબાગ ખાતે યોજાયેલી આ 'મધ્યઝોન બેઠક'નો મુખ્ય ઉદ્દેશ્ય આગામી ચૂંટણીઓમાં પક્ષની પકડ વધુ મજબૂત કરવાનો છે. ચૂંટણી પહેલા યોજાયેલી આ બેઠકમાં કાર્યકર્તાઓને સીધું માર્ગદર્શન આપવામાં આવ્યું હતું. વિપક્ષોના જૂઠાણાં સામે કેવી રીતે લડવું અને સોશિયલ મીડિયાના માધ્યમથી પક્ષની કામગીરી કેવી રીતે પ્રસારિત કરવી તે અંગે પણ વિસ્તૃત ચર્ચા કરવામાં આવી હતી. આ બેઠકમાં વડોદરા શહેર ભાજપના પ્રમુખ, સ્થાનિક ધારાસભ્યો અને કોર્પોરેટરો પણ હાજર રહ્યા હતા. કાર્યકરોમાં આ બેઠક બાદ નવો ઉત્સાહ વડોદરા ભાજપનો ગઢ ગણાય છે, અને આ બેઠક દ્વારા પક્ષે સ્પષ્ટ સંકેત આપ્યો છે કે તેઓ આગામી કોઈપણ પડકાર માટે સજ્જ છે. કાર્યકરોમાં પણ આ બેઠક બાદ નવો ઉત્સાહ જોવા મળી રહ્યો છે અને તેઓ હવે 'મિશન ઇલેક્શન' માં જોતરાઈ ગયા છે.આ પણ વાંચો--- Kutch : સારા સમાચાર, સાઉદીથી 48,000 ટન LPG ભરેલું વિશાળ જહાજ AL AIN રવિવારે મુંદ્રા પોર્ટ પહોંચશે
Read Full Story arrow_forward
