Community News & Updates

Stay informed with the latest happenings, achievements, and announcements from our community.

All News

calendar_today March 28, 2026

Mandal: માંડલ પંથક જય રઘુવીર લાલકીના જયઘોષથી ગુંજી ઉઠયો

માંડલ : માંડલ નગર સહિત તાલુકા ગ્રામ્યમાં રામનવમીના પર્વની હર્ષોલ્લાસથી ઉજવણી કરાઈ હતી ત્યારે સમગ્ર અમદાવાદ જિલ્લામાં માંડલ નગરની મધ્યે આવેલ સ્વામીજી આશ્રામ ખાતે સ્વામીજી સત્સંગ ભવનમાં રામાર્ચા, અન્નકુટ તેમજ ભક્તો દ્વારા હનુમાન ચાલીસાના પાઠ, અખંડ રામધૂન અને મારૂતિ યજ્ઞ તેમજ બપોરે મધ્યાન સમયે 12 કલાકે ભગવાન રામચંદ્રજી મહારાજના જન્મોત્સવ નિમિતે અન્નકુટ ભોગ, મહાઆરતી યોજાઈ હતી. નગરના મોટારામજી મંદિર, ખારાપાટ પંચાલ સમાજ રામજી મંદિર તેમજ નગરમાં આવેલ રાધાજી મહિલા મંદિર, સ્વામીનારાયણ મંદિર સહિતના મંદિરોમાં ભગવાનના જન્મોત્સવની ઉજવણી કરાઈ હતી.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 28, 2026

Halvad: હળવદ શહેરમાં ગેરકાયદે દબાણ હટાવી પાલિકાનાં વાહનમાં ઘરે સામાન પહોંચાડયો

હળવદ પાલિકાની દબાણ હટાવવાની કામગીરી અગાઉ ચર્ચામાં આવી હતી. જેમાં દબાણ દૂર કરવામાં વહાલાંદવલાંની નીતિ જોવા મળી હતી. ત્યારે તાજેતરમાં હાથ ધરાયેલી કાર્યવાહી એવી રહી કે દબાણ હટાવતા કોઈને નુકસાન ન થાય તેનું ખાસ ધ્યાન રાખવામાં આવ્યું ખાસ કરીને લાગવગ ધરાવતા લોકોને પાલિકાનાં વાહનમાં દબાણકારના ઘરે સલામત સામાન પહોંચાડયો હોવાના વાવડ પણ સોશિયલ મીડિયામાં વાયરલ થયા છે.હળવદ પાલિકા દ્વારા એક સપ્તાહ, એક રોડ ઝુંબેશ અંતર્ગત દબાણો દૂર કરવાની જાહેરાત તો કરવામાં આવી હતી. પરંતુ મેદાનમાં ઊતરતાં જ તસવીર કંઈક અલગ જ જોવા મળી.રાણેકપર રોડ પર પાલિકાની ટીમ દબાણ હટાવવા પહોંચી, પરંતુ ત્યાં ભલામણનું બળ ભારે પડી ગયું. જ્યાં સામાન્ય લોકોના દબાણો હોય ત્યાં કડક કાર્યવાહી થાય છે, પરંતુ અહીં તો દૃશ્ય જ જુદું હતું. દબાણ હટાવવાને બદલે પાલિકાના સ્ટાફે અને વાહનોએ તમામ ચીજવસ્તુઓ સલામત રીતે ઉઠાવીને સીધા દબાણકર્તાના ઘર સુધી પહોંચાડવાની સેવા આપી દીધી. સદર મામલો સોશિયલ મીડિયામાં વાયરલ થતાં હાલમાં પાલિકાની કાર્યવાહી પર અનેક સવાલો ઊભા થયા છે. એક બાજુ સામાન્ય લોકો સામે કડક વલણ અને બીજી બાજુ લાગવગ ધરાવતા લોકો માટે વિશેષ સેવા ભાવ શહેરીજનોમાં ચર્ચાનો વિષય બન્યો છે. હવે જોવાનું એ રહેશે કે આવી કાર્યવાહી પર કોઈ જવાબદારી નક્કી થશે કે પછી આ બધું આમ જ ચાલતું રહેશે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 28, 2026

DAHOD: દાહોદ જિલ્લાના લીમખેડા ખાતેથી કેજરીવાલે ચૂંટણીનું રણશિંગું ફૂંક્યું

ગુજરાતના રાજકારણમાં આગામી સ્થાનિક સ્વરાજ્યની ચૂંટણીને લઈને ગરમાવો આવી ગયો છે. દાહોદ જિલ્લાના લીમખેડા તાલુકાના મોટાહાથીધરા ખાતે આજે આમ આદમી પાર્ટી દ્વારા આયોજિત વિજય વિશ્વાસ સભામાં પાર્ટીના રાષ્ટ્રીય સંયોજક અરવિંદ કેજરીવાલ અને પંજાબના મુખ્યમંત્રી ભગવંત માન ખાસ ઉપસ્થિત રહ્યા હતા. આદિવાસી પટ્ટામાં શક્તિ પ્રદર્શન કરીને કેજરીવાલે ભાજપ અને કોંગ્રેસ બંને પર આકરા પ્રહારો કર્યા હતા. ખેડૂતો અને મધ્યમ વર્ગને આકર્ષવા માટે કેજરીવાલે, ગુજરાતમાં આપની સરકાર આવશે, તો દરેક નાગરિકને રૂા.10 લાખ સુધીનો મફત વીમો આપવાની જાહેરાત કરી હતી.અરવિંદ કેજરીવાલે પોતાના સંબોધનમાં સ્વાસ્થ્ય સુવિધાઓ પર ભાર મૂક્યો હતો. તેમણે જણાવ્યું હતું કે, સામાન્ય માણસ મોંઘી સારવારના કારણે પાયમાલ થઈ રહ્યો છે. સરકારી હોસ્પિટલોની હાલત સુધારવાની જરૂર છે. તેમ જણાવી તેઓએે ગુજરાતમાં સરકાર બનતાની સાથે જ દરેક પરિવારને રૂા.10 લાખનું હેલ્થ કવચ પૂરું પાડવામાં આવશે તેમ જણાવ્યું હતું.પંજાબના મુખ્યમંત્રી ભગવંત માને મનરેગા યોજનામાં ચાલતા કૌભાંડનો મુદ્દો ઉઠાવી આક્ષેપ કર્યો હતો કે, ગુજરાતમાં શ્રમિકોની ખોટી હાજરી પૂરીને બારોબાર કરોડો રૂપિયાનું કૌભાંડ આચરવામાં આવી રહ્યું છે. તેમણે પંજાબનું ઉદાહરણ આપતા કહ્યું કે, અમારી સરકારમાં જો કોઈ ધારાસભ્ય ભ્રષ્ટાચાર કરે તો અમે તેને જેલમાં મોકલતા અચકાતા નથી, પરંતુ અહીં ભાજપના મંત્રીઓ સામે પુરાવા હોવા છતાં કોઈ કાર્યવાહી થતી નથી. તેમણે ગુજરાતની જનતાને ભ્રષ્ટાચારી શાસનમાંથી મુક્તિ મેળવવા અપીલ કરી હતી. અરવિંદ કેજરીવાલે અંતમાં આમ આદમી પાર્ટી આગામી ચૂંટણીઓમાં સામાન્ય નાગરિકો, શિક્ષિત યુવાનો અને ખેડૂતોને ટિકિટ આપશેની જાહેરાત કરી હતી. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward