Community News & Updates

Stay informed with the latest happenings, achievements, and announcements from our community.

All News

calendar_today March 24, 2026

Gujarat News : રાજ્યના મોટા શહેરોમાં 24 કલાકમાં વેચાતુ પેટ્રોલ માત્ર પાંચ કલાકમાં વેચાઈ ગયું

ગુજરાતમાં ગઈ કાલે પેટ્રોલ અને ડિઝલની અછત હોવાની વાત વાયુ વગે પ્રસરી જતાં લોકોમાં પેનિક થયું હતું અને પેટ્રોલ પંપો પર લાંબી લાઈનો લાગી હતી. લોકોમાં ઉહાપોહ વધતાં રાજ્ય સરકારે જાહેર કર્યું હતું કે, સ્ટોક પૂરતો ઉપલબ્ધ છે અને ખોટી અફવાઓમાં આવીને કોઈએ દોડાદોડી કરવાની જરૂર નથી. પરંતુ લોકોમાં જાણે પેટ્રોલ અને ડીઝલ મળતુ જ બંધ થઈ જશે તેવો ડર ફેલાતા આજે સવારથી પણ પંપો પર લાઈનો જોવા મળી છે. અમદાવાદમાં ગઈકાલે રાતથી જ પેટ્રોલ પંપ પર લોકોની લાઈનો લાગી હતી. વડોદરામાં પાંચ કલાકમાં આઠ લાખ લીટર પેટ્રોલનું વેચાણ રાજકોટમાં પેટ્રોલ અને ડીઝલ પૂરતા પ્રમાણમાં ઉપલબ્ધ હોવાનું જાણવા મળ્યું છે. અફવાઓમાં આવીને લોકો પંપો પર લાઈનોમાં ઉભા રહ્યાં છે. લોકોને અફવાઓથી દૂર રહેવા માટે અપીલ કરાઈ છે. વડોદરામાં પેટ્રોલનો જથ્થો ખૂટી જતાં આજે ફરીવાર મંગાવાયો હતો. જથ્થો આવતા જ ફરી પંપ શરૂ થશે. જિલ્લા પુરવઠા અધિકારીએ લોકોને અફવાઓથી દૂર રહેવા માટે અપીલ કરી છે. વડોદરામાં પાંચ કલાકમાં આઠ લાખ લીટર પેટ્રોલનું વેચાણ થયું હતું. મોડી રાત્રે બીજો જથ્થો મંગાવાયો હતો. 24 કલાકમાં વેચાતુ પેટ્રોલ પાંચ કલાકમાં વેચાઈ ગયું હતું. સુરતમાં સાત કલાકમાં 6 લાખ લીટર પેટ્રોલ વેચાયુ  સુરતની વાત કરીએ તો સાત કલાકમાં 6 લાખ લીટર પેટ્રોલ વેચાયું હતું. રોજ કરતાં દોઢ ગણું ડીઝલ વેચાયું હતું. લોકોએ પેનિક થઈને પંપો પર લાઈનો લગાવી હતી. જે આજે પણ જોવા મળી રહી છે. કચ્છમાં અંજાર પોલીસે પણ લોકોને અફવામાં નહીં આવીને આગળ વધવા અપીલ કરી છે. સરકાર પાસે ઈંધણનો પૂરતો જથ્થો છે. પેટ્રોલ પંપ પર કોઈ પણ વ્યક્તિએ માથાકૂટ નહીં કરવા પોલીસે અપીલ કરી છે. પેટ્રોલ અને ડીઝલના સંગ્રહ ખોરો સામે હવે કાર્યવાહી થશે. આ પણ વાંચોઃ Ahmedabad News : કરોડોની ઉચાપત કરનાર CA તેહમુલ શેઠના સામે EDની PMLA કોર્ટમાં ફરિયાદ દાખલ

Read Full Story arrow_forward

calendar_today March 24, 2026

Surat: સરકારી નોકરીની લાલચ આપી 4 લાખ પડાવનાર ભેજાબાજ મહારાષ્ટ્ર બોર્ડર પરથી ઝડપાયો, પોલીસે 3 દિવસ કરી રેકી

શહેરમાં સરકારી નોકરી અપાવવાના બહાને નિર્દોષ લોકોને નિશાન બનાવી લાખો રૂપિયાની છેતરપિંડી આચરતા તત્વો સામે સુરત પોલીસે લાલ આંખ કરી છે. સુરત પોલીસની ઝોન-6ની ટીમે મહારાષ્ટ્ર બોર્ડર પરથી એક એવા શખ્સની ધરપકડ કરી છે, જેણે સરકારી નોકરી અપાવવાની લાલચ આપી 4 લાખ રૂપિયાની છેતરપિંડી આચરી હતી.સરકારી નોકરી અપાવવાના બહાને છેતરપિંડી પકડાયેલા આરોપીનું નામ અશ્વિન પ્રભાતસિંહ પાડવી છે. આરોપીએ ફરિયાદીને વિશ્વાસમાં લીધા હતા કે તે સરકારી વિભાગમાં વગ ધરાવે છે અને તેમને નોકરી અપાવી દેશે. આ બહાને તેણે કટકે-કટકે રૂપિયા 4 લાખ પડાવી લીધા હતા. એકવાર નાણાં મળી ગયા બાદ, આરોપીએ અલગ-અલગ બહાના બતાવી ફરિયાદી સાથેનો સંપર્ક તોડી નાખ્યો હતો અને ફોન બંધ કરીને ફરાર થઈ ગયો હતો.પોલીસે આરોપીને ઝડપી લીધોફરિયાદ મળતા જ સુરત પોલીસની ઝોન-6ની ટીમ એક્શનમાં આવી હતી. ટેકનિકલ સર્વેલન્સ અને હ્યુમન ઇન્ટેલિજન્સની મદદથી પોલીસને બાતમી મળી હતી કે આરોપી મહારાષ્ટ્ર બોર્ડરની આસપાસ છુપાયેલો છે. પોલીસની ટીમે મહારાષ્ટ્રમાં સતત 3 દિવસ સુધી રેકી કરી હતી અને આરોપીના દરેક મૂવમેન્ટ પર નજર રાખી હતી. આખરે ચોક્કસ લોકેશન મળતા જ પોલીસે તેને મહારાષ્ટ્ર બોર્ડર પરથી દબોચી લીધો હતો.પોલીસે હાલ આરોપીની ધરપકડ કરી સુરત લાવીને વધુ પૂછપરછ હાથ ધરી છે. આ પણ વાંચો: Navsari: નેશનલ હાઈવે પર સિસોદરા નજીક મુંબઈ-અમદાવાદની લક્ઝરી બસ પલટી, 5 મુસાફરો ઇજાગ્રસ્ત

Read Full Story arrow_forward

calendar_today March 24, 2026

Ahmedabad News : ભારત સરકારના FSSIએ આપેલી ગ્રાન્ટમાંથી AMCએ 619.61 લાખ વાપર્યા જ નહી

કેન્દ્રના FSSAI તરફથી મળેલી 765 લાખ રૂપિયાની ગ્રાન્ટમાંથી AMC પબ્લિક હેલ્થ લેબોરેટરી (PHL)એ 619.61 લાખ વાપર્યા જ નથી. વર્ષ 2022-23માં 684.40 લાખ, વર્ષ 2023-24માં 80.60 લાખની ગ્રાન્ટ મળી હતી. AMCએ શહેરીજનોના હિતમાં નવા ફૂડ ટેસ્ટિંગ સાધનો નહીં વસાવી ગંભીર બેદરકારી દાખવી હોવાનું RTI માં પુરાવાર થયું છે. ફુડ સેમ્પલોના વિવિધ ટેસ્ટીંગ થતાં જ નથી કેન્દ્ર સરકારના FSSAI તરફથી AMC પબ્લિક હેલ્થ લેબોરેટરી (PHL)ને વર્ષ 2022-23માં મળેલા 684.40 લાખની ગ્રાન્ટમાંથી ફકત 114.79 લાખ ખર્ચ કરાયો છે,569.61 લાખ ખર્ચ જ કર્યો નથી. આવી જ રીતે વર્ષ 2023-24માં પણ 80.60 લાખની ગ્રાન્ટ ફાળવવામાં આવી હતી. પરંતુ ફકત 30.60 લાખ જ ખર્ચ AMC ફુડ હેલ્થ લેબોરેટરીએ કર્યો છે. જેના લીધે હાલ ફુડ સેમ્પલોના વિવિધ ટેસ્ટીંગ થતાં જ નથી. હજી પણ અખાદ્ય ખોરાક ખાવા લોકો મજબૂર સાધનો વસાવ્યા હોત તો પેસ્ટીસાઈડ, હેવી મેટલ્સના ટેસ્ટીંગ અમદાવાદની લેબોરેટરીમાં કરી શક્યા હોત. જે નહીં કરાતા શહેરીજનોને આવા ભેળસેળયુક્ત ખોરાક ખાવાની ફરજ પડે છે, કેમેકે ટેસ્ટીંગ વધુ થઇ શક્તા નથી. તેવો આક્ષેપ કરતાં રાષ્ટ્રીય ગ્રાહક સુરક્ષા ચેરમેને કહ્યું કે, AMC ફુડ વિભાગની કામગીરી નબળી પુરવાર થઈ છે, ફુડ ટેસ્ટીંગના સાધનો વસાવવામાં નહીં આવતાં હજી પણ અખાદ્ય ખોરાક ખાવા લોકો મજબૂર છે. આ પણ વાંચોઃ Surat: સરકારી નોકરીની લાલચ આપી 4 લાખ પડાવનાર ભેજાબાજ મહારાષ્ટ્ર બોર્ડર પરથી ઝડપાયો, પોલીસે 3 દિવસ કરી રેકી

Read Full Story arrow_forward