Community News & Updates

Stay informed with the latest happenings, achievements, and announcements from our community.

All News

calendar_today March 24, 2026

Surendranagar: વીજ કંપનીના ઓપરેશન ડીસ કનેકશનમાં 7.13 કરોડની વસુલાત

સમગ્ર રાજયની સાથે સાથે ઝાલાવાડમાં પણ વીજ કંપની દ્વારા ડીશ કનેકશન ડ્રાઈવનું આયોજન કરાયુ છે. જેમાં તા. 15 થી 22 માર્ચ દરમીયાન એક સપ્તાહમાં સુરેન્દ્રનગર પીજીવીસીએલના અધીક્ષક ઈજનેર એન.એન.અમીનના માર્ગદર્શન હેઠળ વીજ કંપનીની કુલ 1148 ટીમોએ પોલીસ કાફલા અને વીડીયોગ્રાફર સાથે વીજ બિલની વસુલાતની કામગીરી કરી હતી. જેમાં રૂપીયા 84.14 લાખ વીજ બિલ ન ભરનાર 684 ગ્રાહકોના વીજ કનેકશન કટ કરાયા હતા. જયારે આ કામગીરી દરમીયાન 19,965 ગ્રાહકોએ પોતાનું રૂપીયા 7.13 કરોડથી વધુનું વીજ બિલ તુરંત ભરપાઈ કરી દીધુ હતુ. વીજ કંપનીના અધીકારીએ વીજ વીક્ષેપથી બચવા અને કનેકશન કટની અગવડ નીવારવા અને પુનઃ વીજ જોડાણનો ચાર્જ ન ભરવો પડે તે માટે બાકી વીજ બીલ ગ્રાહકોને ભરપાઈ કરવા અપીલ કરી છે. જયારે કોઈની પણ શેહ શરમ રાખ્યા વગર વીજ કંપની બાકીદારોના વીજ જોડાણ કટ કરી દેશે તેવી ચીમકી ઉચ્ચારાઈ છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 24, 2026

Surendranagar: લખતર ગ્રામ્યની ગુમ મુક-બધીર યુવતીએ ચોટીલાના મુકબધીર યુવાન સાથે લગ્ન કરી લીધા

લખતરના તલસાણામાં રહેતા પરિવારની 29 વર્ષીય મુકબધીર દિકરી ગુમ થઈ હતી. આ અંગે લખતર પોલીસમથકે ગુમ નોંધ થતા પોલીસે તપાસ આદરી હતી. જેમાં યુવતીએ ચોટીલાના ચીરોડા (ઠાંગા)ના મુકબધીર યુવક સાથે લગ્ન કરી લીધા હોવાનું સામે આવ્યુ હતુ. લખતર તાલુકાના તલસાણા ગામે રહેતી 29 વર્ષીય નંદુબેન ભુપતભાઈ કોઠારીયા મુક બધીર છે. તા. 27-1ના રોજ રાતથી તા. 28-1ના રોજ સવાર સુધીમાં તેઓ ઘરેથી કોઈને કાંઈ કહ્યા વગર ચાલ્યા ગયા હતા. પરીવારજનોએ તપાસ કરતા નંદુબેન ન મળી આવતા અંતે તા. 2 માર્ચના રોજ લખતર પોલીસ મથકે નંદુબેનના કાકા રણછોડભાઈ રામજીભાઈ કોઠારીયાએ તેઓ ગુમ થયાની જાણવા જોગ નોંધાવી હતી. જેમાં નંદુબેન તેમની સાથે આધારકાર્ડ, જન્મનું પ્રમાણપત્ર સહિતના કાગળોની ફાઈલ પણ લઈ ગયા હોવાનું જણાવાયુ હતુ. આ અંગે લખતર પીઆઈ વાય.પી.પટેલના માર્ગદર્શનથી સ્ટાફના એન.જે.કાસેલા સહિતનાઓએ તપાસ હાથ ધરી હતી. આ કેસમાં ગુમ થનાર મહત્વના દસ્તાવેજો લઈ ગયા હોવાથી તેઓએ લગ્ન કરેલ હોવાની શંકા પ્રબળ બની હતી. જેમાં અન્ય મુક-બધીરોને ગુમ થનારના ફોટા સહિતની વિગતો દર્શાવતા તેણે ચોટીલા કોઈ સાથે લગ્ન કર્યા હોવાનું સામે આવ્યુ હતુ. આથી સુરેન્દ્રનગર સ્થીત ડી.એસ.પારેખ બહેરા મુંગા શાળામાં આચાર્ય મહમદનઈમ અલીમહમદ પટેલ પાસે તપાસ કરાવતા ચોટીલાના ચીરોડા (ઠાંગા) ગામના મુકબધીર શૈલેષ રૂડાભાઈ ઓતરાદી સાથે નંદુબેનને લગ્ન કરી લીધા હતા. જયાંથી બન્નેનું નંદુબેનના વાલી સાથે મિલન કરાવાયુ હતુ.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 24, 2026

Himatnagar: ધરતીનું રક્ષણ અને જન-આરોગ્યનું જતનઃ પ્રાકૃતિક કૃષિ એ સમયની માંગણી

વર્તમાન સમયમાં વધતા જતા રાસાયણિક પ્રદૂષણ સામે ધરતી માતાનું રક્ષણ કરવા અને માનવ આરોગ્યને જાળવી રાખવા માટે પ્રાકૃતિક ખેતી શ્રોષ્ઠ વિકલ્પ તરીકે ઉભરી આવી છે. વડાપ્રધાન નરેન્દ્રભાઈ મોદી અને મુખ્યમંત્રી ભૂપેન્દ્રભાઈ પટેલના નેતૃત્વમાં ગુજરાત સરકાર દ્વારા જમીનની ફળદ્રુપતા વધારવા માટે પ્રાકૃતિક કૃષિને વિશેષ વેગ આપવામાં આવી રહ્યો છે. આ પદ્ધતિ માત્ર ખેતી પૂરતી મર્યાદિત નથી, પરંતુ તે શુદ્ધ વાતાવરણ અને સ્વસ્થ જીવનશૈલી તરફનું એક મહત્વનું ડગલું છે. પ્રાકૃતિક ખેતી અપનાવવાથી જમીનમાં ભેજ સંગ્ર્રહવાની શક્તિ વધે છે અને ભૂગર્ભ જળસ્તર ઊંચા આવતા સિંચાઈ માટે પણ પૂરતું પાણી ઉપલબ્ધ થાય છે, જે ખેડૂત અને પર્યાવરણ બંને માટે આશીર્વાદરૂપ છે. રાજ્યપાલ આચાર્ય દેવવ્રતજીના સીધા માર્ર્ગદર્શન હેઠળ ગુજરાતમાં પ્રાકૃતિક ખેતી હવે એક જનઆંદોલન બની ચૂકી છે. આ ખેતી પદ્ધતિની વિશેષતા એ છે કે, તેમાં માત્ર એક દેશી ગાયના ગોબર અને ગૌમૂત્રથી અંદાજે 30 એકર જમીનમાં ખેતી કરી શકાય છે, જેનાથી ખેતી ખર્ચમાં ધરખમ ઘટાડો થાય છે. નિષ્ણાતોના મતે દેશી ગાયના એક ગ્રામ છાણમાં 300 કરોડ સૂક્ષ્મજીવો હોય છે, જે જમીનને કુદરતી રીતે પોષણ આપે છે. આત્મા પ્રોજેક્ટ દ્વારા તૈયાર કરાયેલા માસ્ટર ટ્રેનર્સ ગામે-ગામ ખેડૂતોને તાલીમ આપી રહ્યા છે. 90 ટકા પાણીની બચત અને ખર્ચમુક્ત ઉત્પાદન દ્વારા ગામડાંઓ સ્વાવલંબન તરફ આગળ વધી રહ્યા છે, જે અંતે રાષ્ટ્રની આર્થિક સમૃદ્ધિનો માર્ગ મોકળો કરશે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward