Community News & Updates

Stay informed with the latest happenings, achievements, and announcements from our community.

All News

calendar_today March 15, 2026

Ahmedabad News: અમરાઈવાડીમાં નજીવી બાબતમાં યુવતીએ છરી બતાવી ધમકી આપી, વીડિયો વાયરલ થતાં પોલીસે ગુનો નોંધ્યો

અમદાવાદમાં બેફામ વધી રહેલી ગુનાખોરી બાદ પણ પોલીસના સબ સલામત હોવાના દાવા સામે આવી રહ્યાં છે. જાહેરમાં હથિયારો લઈને હુમલો કરતાં અસામાજિક તત્વોમાં પોલીસનો કોઈ ખૌફ રહ્યો નથી. લૂંટ અને હત્યાના બનાવો પણ વધી રહ્યાં છે. ત્યારે હવે ગુનાખોરીમાં યુવતીઓ પણ સામેલ હોવાનો બનાવ સામે આવ્યો છે. શહેરના અમરાઈવાડી વિસ્તારમાં નજીવી બાબતમાં છરી બતાવી યુવતીએ દાદાગીરી કરી હોવાનો વીડિયો વાયરલ થયો છે. આ વીડિયોને આધારે પોલીસે ગુનો નોંધીને તપાસ હાથ ધરી છે. નજીવી બાબતમાં છરી બતાવી ધમકી આપી અમદાવાદ શહેરમાં અત્યાર સુધીમાં અસામાજિક તત્વો દ્વારા જાહેરમાં હથિયારો સાથે આતંક મચાવ્યાના કિસ્સા રોજબરોજ સામે આવી રહ્યાં છે. જાહેરમાં થતી હત્યાઓના બનાવોથી લોકોમાં ભય ફેલાયો છે. બીજી તરફ લુખ્ખાતત્વો પણ હથિયાર સાથે દાદાગીરી કરતા હોવાથી લોકો ભયભીત થયાં છે. પોલીસ વરઘોડા કાઢીને પણ આવા લોકોનું કંશું જ બગાડી શકતી નથી. પરંતુ હવે યુવતીઓ પણ ક્રાઈમ કરતી હોવાનો વીડિયો વાયરલ થયો છે. જાહેરમાં હથિયાર બતાવતો વીડિયો વાયરલ એક યુવતી હાથમાં છરી લઈને કોઈની સામે દાદાગીરી કરતી હોય તેવો વીડિયો હાલમાં સોશિયલ મીડિયામાં વાયરલ થઈ રહ્યો છે. નજીવી બાબતમાં છરી બતાવીને કોઈને ધમકાવી રહી હોય તેવું વીડિયોમાં દેખાઈ રહ્યું છે. આ વીડિયો વાયરલ થતાં જ પોલીસ એક્શનમાં આવી હતી અને ગુનો નોંધી વધુ તપાસ હાથ ધરી છે. આ પણ વાંચોઃ Amreli News : અમરેલીના ઇંગોરાળા ગામે 200 લિટર નકલી દૂધ ઝડપાયું, વનસ્પતિ તેલ અને પાઉડરમાંથી બનાવતા દૂધ

Read Full Story arrow_forward

calendar_today March 15, 2026

Sabarkantha News : સાબરકાંઠાના પ્રાંતિજમાં રેતીની હેરાફેરી કરતા 3 ડમ્પર વચ્ચે અકસ્માત, 2ના ઘટના સ્થળે મોત

પ્રાંતિજમાં રેતીની હેરાફેરી દરમિયાન 3 ડમ્પરો વચ્ચે અકસ્માત થયો છે અને ડમ્પર ચાલક અને ક્લીનરનું ઘટના સ્થળે જ મોત થયું છે, ફાયર બ્રિગેડે કેબિન કાપી મૃતદેહો બહાર કાઢયા છે. લોંખડની ગડર અથડાતા અકસ્માત થયો હોવાની વાત સામે આવી છે, પોલીસે અકસ્માતે મોતનો ગુનો નોંધીને તપાસ શરૂ કરી છે. પ્રાંતિજના સાદોલીયા પુલના છેડે અકસ્માતમાં બેના મોત પ્રાંતિજમાં રાત્રી દરમિયાન રેતી હેરફેર કરતા ત્રણ ડમ્પર ટ્રકો વચ્ચે અકસ્માત થયો હતો અને બાબરીયા વીરના મંદીર નજીક સર્જાયો અકસ્માત જેમાં બેના ઘટના સ્થળે મોત થયા છે, ભારે વાહનોની અવરજવર બંધ કરવા લગાવેલ લોખંડના હેવી ગડર સાથે ડમ્પર અથડાયું હતુ અને અકસ્માત થયો હોવાની વાત સામે આવી છે, તો હેવી ગડર સાથે અથડાતા ડમ્પર ચાલક અને ક્લીનરનું મોત થયું છે, ફાયર વિભાગે ઘટના સ્થળે જઈ મૃતદેહને બહાર કાઢયો હતો. એક ડમ્પરની પાછળ બીજા ડમ્પર અથડાયા એક ડમ્પર પહેલા ગડર પાસે ફસાય છે અને ત્યારબાદ બીજા બે ડમ્પર તે ઉભા રહેલા ડમ્પરની પાછળ અથડાય છે, ભારે વાહનોની ગેરકાયદે અવરજવર કરતા ડમ્પરે હેવી ગડર ફ્રેમને તોડી નાખી હતી, અર્ધ તૂટેલી લોખંડની હેવી ગડર જ ભારે વાહન માટે મોતનું કારણ બની છે, ગડર તોડી જીવલેણ સ્થિતિ ઉભી કરનારા અજાણ્યા શખ્સો સામે રોષની લાગણી જોવા મળી છે અને ગ્રામજનોનું કહેવું છે કે, ગડર જેણે તોડી છે તેની સામે પણ કાર્યવાહી કરવામાં આવે. આ પણ વાંચો : Summer : ગરમીમાં લુ/હીટ સ્ટ્રોકથી બચવા ધ્યાન રાખવાની બાબતો

Read Full Story arrow_forward

calendar_today March 15, 2026

Rajkot: BRTS ટ્રેકમાં દોડતી કાળા કાચ અને નંબરપ્લેટ વગરની કારે અકસ્માત સર્જ્યો

રાજકોટ શહેરમાં રફતારનો કહેર અટકવાનું નામ નથી લઈ રહ્યો. આજે 150 ફૂટ રિંગરોડ પર બેફામ બનેલા નબીરાઓએ ટ્રાફિકના તમામ નિયમોને નેવે મૂકી દીધા હતા. BRTS ટ્રેક, જે માત્ર જાહેર પરિવહન માટે જ છે, ત્યાં પૂરપાટ ઝડપે એક કાર દોડાવીને નબીરાઓએ અકસ્માત સર્જતા સ્થાનિકોમાં ભારે રોષ જોવા મળ્યો હતો.રાજકોટમાં ટ્રાફિક નિયમોના લીરેલીરાપ્રાપ્ત વિગતો અનુસાર, જે કાર વડે અકસ્માત સર્જાયો તે કાર પર કાચ પર કાળા ફિલ્મ લગાવેલા હતા અને સૌથી ગંભીર બાબત એ હતી કે ગાડી પર આગળ-પાછળ કોઈ પણ પ્રકારની નંબરપ્લેટ પણ નહોતી. શહેરના વ્યસ્ત ગણાતા 150 ફૂટ રિંગરોડ પર આ રીતે બેફામ રીતે અને કાયદાકીય દસ્તાવેજો વગર કાર ચલાવનારા નબીરાઓને પોલીસનો ડર રહ્યો નથી તેવું સ્પષ્ટ દેખાય છે.અકસ્માત બાદ ફરારBRTS ટ્રેકમાં અકસ્માત સર્જ્યા બાદ કારમાં સવાર નબીરાઓ ત્યાંથી ફરાર થઈ ગયા હતા. સદનસીબે આ અકસ્માતમાં કોઈ મોટી જાનહાનિ ટળી હતી, પરંતુ આ પ્રકારના કૃત્યો શહેરના અન્ય વાહનચાલકો માટે જોખમી બની રહ્યા છે. ટ્રાફિક પોલીસ હવે આ ઘટનાના સીસીટીવી ફૂટેજના આધારે કાળા કાચ અને નંબરપ્લેટ વગરની આ કારના માલિકને શોધી કાઢવા માટે કવાયત હાથ ધરી છે.આ પણ વાંચો:

Read Full Story arrow_forward