Community News & Updates

Stay informed with the latest happenings, achievements, and announcements from our community.

All News

calendar_today March 14, 2026

Ahmedabadના નિકોલમાં સામાન્ય અકસ્માત બાદ કાર ચાલકની દાદાગીરી, વૃદ્ધ પર કાર ચઢાવી દેતા પોલીસ ફરિયાદ

અમદાવાદના પૂર્વ વિસ્તારમાં ટ્રાફિકના નિયમો અને માનવતાને નેવે મૂકતી એક ઘટના સામે આવી છે. શહેરના નિકોલ વિસ્તારમાં આવેલા ખોડિયાર મંદિર પાસે એક કાર ચાલકે સામાન્ય અકસ્માત જેવી બાબતમાં ઉશ્કેરાઈ જઈને એક વૃદ્ધ પર કાર ચઢાવી દેવાનો પ્રયાસ કર્યો હતો. આ હિંસક ઘટનાને પગલે સ્થાનિક લોકોમાં ભારે રોષ જોવા મળી રહ્યો છે. સમગ્ર મામલે ટ્રાફિક પોલીસે કાર ચાલક વિરુદ્ધ કાયદેસરનો ગુનો નોંધી તપાસ હાથ ધરી છે.સામાન્ય અકસ્માત બાદ બન્યો હતો બનાવ ખોડિયાર મંદિર પાસે વૃદ્ધ અને કાર ચાલક વચ્ચે વાહન અથડાવા જેવી સામાન્ય બાબતે બોલાચાલી થઈ હતી. આ સામાન્ય તકરારે ગંભીર સ્વરૂપ ધારણ કર્યું હતું. આક્ષેપ છે કે, કાર ચાલકે આવેશમાં આવીને વૃદ્ધની સુરક્ષાની પરવા કર્યા વગર તેમની પર કાર ચઢાવી દીધી હતી. આ હુમલામાં વૃદ્ધને ઈજાઓ પહોંચી હોવાનું જાણવા મળ્યું છે. રસ્તા પર બનેલી આ સનસનાટીભરી ઘટનાના દ્રશ્યો જોઈ હાજર લોકો પણ સ્તબ્ધ થઈ ગયા હતા. નિકોલનાં ખોડિયાર મંદિર પાસેનો બનાવ ઘટના બાદ ટ્રાફિક પોલીસ તાત્કાલિક એક્શનમાં આવી હતી અને કાર ચાલકની ઓળખ કરી તેની સામે ફરિયાદ દાખલ કરી છે. પોલીસ હાલમાં સીસીટીવી ફૂટેજ અને સાક્ષીઓના નિવેદનોના આધારે વધુ પુરાવા એકત્ર કરી રહી છે. રોડ રેજ (Road Rage) ની આવી ઘટનાઓ શહેરમાં વધી રહી છે ત્યારે પોલીસ દ્વારા આવા બેફામ ચાલકો સામે કડક દાખલો બેસાડવામાં આવે તેવી માંગ ઉઠી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 14, 2026

Gandhinagar : પ્રાકૃતિક કૃષિનો વ્યાપ વધારવા સરકારની જાહેરાત, 500 પ્રાકૃતિક કૃષિ ગામ વિકસાવવામાં આવશે

ગુજરાતમાં પ્રાકૃતિક કૃષિનો વ્યાપ વધારવાની દિશામાં મુખ્યમંત્રી ભૂપેન્દ્રભાઈ પટેલના માર્ગદર્શન હેઠળ રાજ્ય સરકાર દ્વારા એક મહત્વપૂર્ણ જાહેરાત કરવામાં આવી છે. કૃષિ મંત્રી જીતુભાઈ વાઘાણીએ જાહેરાત કરતા જણાવ્યું હતું કે, રાજ્ય સરકાર હવે 'ક્લસ્ટર બેઝ્ડ' અભિગમ અપનાવીને પ્રાકૃતિક ખેતીને નવી ઊંચાઈઓ પર લઈ જશે.500 ગામોની વિશેષ પસંદગી કરવામાં આવશે કૃષિ મંત્રીએ વિગતવાર માહિતી આપતા કહ્યું હતું કે, રાજ્યમાં જ્યાં પ્રાકૃતિક ખેતીની મહત્તમ શક્યતાઓ છે, તેવા 500 ગામોની વિશેષ પસંદગી કરવામાં આવશે. આ ગામોના મોટા ભાગના વિસ્તારને તબક્કાવાર પ્રાકૃતિક ખેતી હેઠળ આવરી લેવામાં આવશે. પસંદ કરાયેલા ગામોના ખેડૂતોને માત્ર સલાહ જ નહીં, પરંતુ પાયાના સ્તરે તાલીમ, માર્ગદર્શન અને ટેકનિકલ સહાય પૂરી પાડવામાં આવશે. ક્લસ્ટરોને સીધા જ બજાર વ્યવસ્થા સાથે સાંકળવામાં આવશે આટલું જ નહીં, ખેડૂતો દ્વારા ઉત્પાદિત પ્રાકૃતિક પાકને રાષ્ટ્રીય અને આંતરરાષ્ટ્રીય સ્તરે માન્યતા મળે તે માટે જરૂરી સર્ટીફીકેશનની પ્રક્રિયા સરકાર દ્વારા સરળ અને સુલભ બનાવવામાં આવશે. આ ઉપરાંત ખેડૂતોને તેમના રસાયણમુક્ત ઉત્પાદનોના પોષણક્ષમ ભાવ મળી રહે તે માટે આ ક્લસ્ટરોને સીધા જ બજાર વ્યવસ્થા સાથે સાંકળવામાં આવશે, તેમ મંત્રીએ ઉમેર્યું હતું. પરિવહન, પેકેજિંગ અને વેચાણના ખર્ચમાં ઘટાડો થશે કૃષિ મંત્રીએ વધુમાં ઉમેર્યું હતું કે, રાજ્યના ખેડૂતો વ્યક્તિગત રીતે ખેતી કરવાને બદલે 'ક્લસ્ટર'માં પ્રાકૃતિક ખેતી અપનાવશે, ત્યારે પરિવહન, પેકેજિંગ અને વેચાણના ખર્ચમાં ઘટાડો થશે અને સામૂહિક શક્તિના કારણે બજારમાં વધુ સારો નફો મેળવી શકશે. આ નિર્ણયથી ગુજરાતના કૃષિ ક્ષેત્રે ટકાઉ ખેતીનો નવો અધ્યાય શરૂ થશે અને પર્યાવરણની જાળવણી સાથે જનતાને શુદ્ધ આહાર ઉપલબ્ધ થશે.આ પણ વાંચો---      Vadodara : બરોડા ડેરીની ચૂંટણી પહેલા ગરમાવો, કુલદીપસિંહ રાઉલજીનો ઘટસ્ફોટ, હું ઝુક્યો નથી અને ઝુકીશ પણ નહી

Read Full Story arrow_forward

calendar_today March 14, 2026

Vadodara News: સલૂનમાં કામ કરી રહેલા મિતેષ વાળંદની માથામાં હથોડી મારી હત્યા, જૂની અદાવત હોવાનું અનુમાન

સંસ્કારી નગરી વડોદરાના ગ્રામ્ય પંથકમાં લોહીયાળ જંગ ખેલાયો છે. વડોદરા શહેર નજીક આવેલા સુંદરપુરા ગામમાં એક યુવકની સલૂનની અંદર જ માથાના ભાગે હથોડીના ઘા ઝીંકી કરપીણ હત્યા કરવામાં આવતા સમગ્ર પંથકમાં ભય અને સનસનાટીનો માહોલ ફેલાઈ ગયો છે. આ હત્યા જૂની અદાવતને પરિણામે કરવામાં આવી હોવાનું પ્રાથમિક તપાસમાં બહાર આવ્યું છે.કિરણ ચાવડા નામનો શખ્સે કરી હત્યા ઘટનાની મળતી વિગતો અનુસાર, સુંદરપુરા ગામમાં રહેતો મિતેષ વાળંદ જ્યારે સલૂનમાં હાજર હતો, ત્યારે અચાનક કિરણ ચાવડા નામનો શખ્સ ત્યાં ઘસી આવ્યો હતો. બંને વચ્ચે બોલાચાલી થયા બાદ ઉશ્કેરાયેલા કિરણ ચાવડાએ મિતેષના માથાના ભાગે હથોડી વડે જોરદાર પ્રહાર કર્યા હતા. હુમલો એટલો ગંભીર હતો કે, મિતેષનું ઘટના સ્થળે જ લોહીલુહાણ હાલતમાં કરૂણ મોત નીપજ્યું હતું. હત્યા કર્યા બાદ આરોપી કિરણ ચાવડા ત્યાંથી ફરાર થઈ ગયો હતો. પોલીસ કાર્યવાહી ઘટનાની જાણ થતા જ કપુરાઈ પોલીસનો કાફલો ઘટના સ્થળે પહોંચી ગયો હતો. પોલીસે મૃતદેહને પોસ્ટ મોર્ટમ માટે હોસ્પિટલ ખસેડ્યો છે અને આરોપી કિરણ ચાવડા વિરૂદ્ધ હત્યાનો ગુનો નોંધી તેની શોધખોળ હાથ ધરી છે. ગામમાં વધુ તણાવ ન સર્જાય તે માટે પોલીસ બંદોબસ્ત પણ ગોઠવી દેવામાં આવ્યો છે. વર્ષો જૂની દુશ્મનાવટનો કરૂણ અંત આવતા ગ્રામજનોમાં અરેરાટી વ્યાપી ગઈ છે. આ પણ વાંચો - Vadodara News: વિશ્વામિત્રી નદીના પાણીમાં મગરનો મૃતદેહ મળ્યો, 300 મગરોની વચ્ચે ફાયરના જવાનોએ જીવના જોખમે મૃતદેહ બહાર કાઢ્યો

Read Full Story arrow_forward