Community News & Updates

Stay informed with the latest happenings, achievements, and announcements from our community.

All News

calendar_today March 8, 2026

Ahmedabad News: બોપલમાં બિલ્ડર દ્વારા કરોડોની ઠગાઇ

અમદાવાદના બોપલમાં બિલ્ડરે 12 કરોડનું બલૂન ઉડાવ્યું છે, અને છેતરપિંડી કરી રૂપિયા લઈ ફરાર થયો છે, તો ઘટનાની જાણ થતા લોકો પોલીસ સ્ટેશન પહોંચ્યા હતા અને આ મામલે બોપલ પોલીસે બિલ્ડરની સામે ગુનો નોંધીને તપાસ શરૂ કરી છે, બિલ્ડીંગ સ્કીમ મૂકી રોકાણકારો સાથે ઠગાઈ કરતા લોકોમાં ભારે રોષ જોવા મળી રહ્યો છે. બિલ્ડરે આચરી લોકો સાથે છેતરપિંડી બોપલના શેલામાં અક્ષર અનંત નામની સ્કીમના નામે બિલ્ડરે ઠગાઈ કરી હોવાની વાત સામે આવી છે અને 12.46 કરોડથી વધુની છેતરપિંડી થઈ હોવાનું સામે આવ્યું છે, 46 જેટલા રોકાણકારો પાસેથી પડાવ્યા રુપિયા અને જયારે રોકાણકારોને જાણ થઈ કે તેમની સાથે છેતરપિંડી થઈ છે ત્યારે તેમના પર જમીન પરથી સરકી ગયા હતા, બોપલ પોલીસે અલગ-અલગ રોકાણકારોના નિવેદન પણ લીધા છે, પણ રૂપિયા પાછા આવશે કે નહી તેની કોઈ ખાતરી બિલ્ડરે આપી નથી.લોકો પાસેથી રૂપિયા પચાવી જમીન અન્યને વેચી હતી અને પોલીસે રોનક સોનાણી, યોગેશ ઠક્કર, વિપુલ ગાંગાણીની ધરપકડ કરી છે, આ કેસમાં અગાઉ પૌરવ પટેલની ધરપકડ કરી છે અને છેતરપિંડીમાં ફરાર અન્ય 3ની શોધખોળ હાથ ધરી છે.

Read Full Story arrow_forward

calendar_today March 8, 2026

Junagadh News: પોલીસનો સપાટો, 190 નશાકારક બોટલો સાથે ઈબ્રાહિમ ઉર્ફે ટીટો ઝડપાયો

જૂનાગઢ શહેરમાં નશાકારક કેફી દ્રવ્યોના વેચાણ સામે લાલ આંખ કરતા જૂનાગઢ એ ડિવિઝન પોલીસે મોટી સફળતા મેળવી છે. પોલીસ ટીમ દ્વારા બાતમીના આધારે રેડ કરવામાં આવી હતી. આ રેડ દરમિયાન નશાકારક કેફી ઔષધીય દ્રવ્યની કુલ 190 બોટલો સાથે એક આરોપીને ઝડપી લેવામાં આવ્યો છે.શું છે સમગ્ર ઘટના? જૂનાગઢ એ ડિવિઝન પોલીસને ચોક્કસ માહિતી મળી હતી કે, શહેરમાં પ્રતિબંધિત અને નશાકારક સિરપનો જથ્થો વેચવા માટે લાવવામાં આવ્યો છે. આ બાતમીના આધારે પોલીસે વોચ ગોઠવી ઈબ્રાહિમ ઉર્ફે ટીટો મંઘરા નામના શખ્સને દબોચી લીધો હતો. આરોપીની ઝડતી લેતા તેની પાસેથી કેફી દ્રવ્યની 190 બોટલો મળી આવી હતી. મુદ્દામાલની વિગત પોલીસ દ્વારા કરવામાં આવેલી આ કામગીરીમાં નશાકારક બોટલો 190 નંગ (કિંમત રૂપિયા 39,900/-) અને અન્ય મુદ્દામાલ સહિત કુલ રૂપિયા 44,900નો મુદ્દામાલ જપ્ત કરવામાં આવ્યો છે પોલીસની કડક કાર્યવાહી પકડાયેલ આરોપી ઈબ્રાહિમ ઉર્ફે ટીટો અગાઉ પણ કોઈ ગુનાહિત પ્રવૃત્તિમાં સંડોવાયેલ છે કે કેમ, અને આ જથ્થો તે ક્યાંથી લાવ્યો હતો તેમજ કોને સપ્લાય કરવાનો હતો તે દિશામાં પોલીસે તપાસ તેજ કરી છે. જૂનાગઢ પોલીસની આ કામગીરીથી નશાના કારોબારીઓમાં ફફડાટ વ્યાપી ગયો છે. સ્થાનિક રહીશોએ પોલીસની આ સરાહનીય કામગીરીને બિરદાવી છે. આ પણ વાંચો - Junagadh News: ધારાસભ્યની જાહેરાત પોકળ સાબિત થઈ, લોકો હવે કમિશનરને કરશે રજૂઆત

Read Full Story arrow_forward

calendar_today March 8, 2026

Ahmedabad News: પોલીસની નશાબંધી અને જુગાર વિરૂદ્ધ કડક કાર્યવાહી, 39 કેસ નોંધાયા

અમદાવાદ શહેરમાં કાયદો અને વ્યવસ્થાની સ્થિતિ વધુ મજબૂત કરવાના હેતુથી અમદાવાદ શહેર પોલીસ એક્શન મોડમાં આવી છે. છેલ્લા 24 કલાકમાં પોલીસે અમદાવાદ શહેરના વિવિધ વિસ્તારોમાં નશાબંધી અને જુગારના અડ્ડાઓ પર આકસ્મિક રેડ કરીને મોટી સફળતા મેળવી છે. આ ઓપરેશનથી અસામાજિક તત્વોમાં ભારે ફફડાટ ફેલાઈ ગયો છે.નશાબંધી હેઠળ 39 કેસ, 37 જેલના સળિયા પાછળ પોલીસ દ્વારા હાથ ધરવામાં આવેલી આ વિશેષ ઝુંબેશમાં નશાબંધી ધારાના ભંગ બદલ કુલ 39 ગુના દાખલ કરવામાં આવ્યા છે. આ કાર્યવાહી દરમિયાન પોલીસે 37 વ્યક્તિઓની ધરપકડ કરી કાયદેસરની કાર્યવાહી હાથ ધરી છે. પોલીસની આ સતર્કતાને કારણે દારૂના વેચાણ અને હેરાફેરી કરતા નેટવર્કને મોટો ફટકો પડ્યો છે. મોટી માત્રામાં મુદ્દામાલ અને વાહન જપ્ત રેડ દરમિયાન પોલીસે દેશી અને વિદેશી દારૂનો જથ્થો કબજે કર્યો છે, જેમાં 221 લીટર દેશી દારૂ, 8 બોટલ અને 2 ક્વોટર ઇંગ્લીશ દારૂ, 4 બિયર ટીન જપ્ત કરવામાં આવ્યો છે. આ સાથે જ, દારૂની હેરાફેરીમાં ઉપયોગમાં લેવાતું 1 સ્કૂટર પણ જપ્ત કરવામાં આવ્યું છે. જુગારધામ પર ત્રાટકી પોલીસ માત્ર નશાબંધી જ નહીં, પરંતુ જુગારની બદીને ડામવા પણ પોલીસે કડક વલણ અપનાવ્યું છે. જુગાર ધારા હેઠળ 3 કેસ નોંધીને 12 શખ્સોને રંગેહાથ ઝડપી પાડવામાં આવ્યા છે. જુગારના સ્થળેથી રૂપિયા 16,220ની રોકડ રકમ અને જુગાર રમવાનું સાહિત્ય જપ્ત કરી આગળની તપાસ શરૂ કરવામાં આવી છે. અમદાવાદ પોલીસની આ આક્રમક કાર્યવાહી આગામી દિવસોમાં પણ ચાલુ રહેશે તેવા સંકેતો મળી રહ્યા છે, જે નાગરિકોની સુરક્ષા અને શાંતિ માટે આવકારદાયક પગલું છે. આ પણ વાંચો - Ahmedabad News: પ્રેમ પ્રકરણમાં યુવકે પંખે લટકી કરી આત્મહત્યા, મિત્રો પહોંચે તે પહેલા તોડ્યો દમ

Read Full Story arrow_forward