રણુંજ ખાતેથી હારજીતનો જુગાર રમતા 3 ઝડપાયાં
પોલીસે ત્રણેયને ઝડપી રોકડ રકમ સહિત કુલ 22 હજારનો મુદ્દામાલ કબજે કર્યોપાટણ તાલુકાના રણુંજ ગામેથી બાવળની ઝાડીઓમાં આંકડા મારફ્તે હારજીતનો જુગાર રમતા ચાણસ્મા તાલુકાના ત્રણ આરોપીને પાટણ લોકલ ક્રાઇમ બ્રાન્ચના માણસોએ ઝડપી લીધા હતા. અને તેમની પાસેથી પોલીસે રોકડ રકમ સહિત કુલ 22 હજારનો મુદ્દામાલ કબજે કરી વધુ તપાસ માટે રણુંજ પોલીસને સોંપ્યા હતા. પાટણ લોકલ ક્રાઇમ બ્રાન્ચના પીઆઈ રાકેશ ઉનાગરની ટીમના માણસો હોળી ધુળેટીના પર્વને લઈને દારૂ અને જુગારની બદી રોકવા માટે ડ્રાઈવ કરી રહ્યા હતા. તે દરમિયાન પાટણ તાલુકાના રણુંજ ગામે આવેલ પશુ દવાખાનાની પાછળ બાવળની ઝાડીઓમાં કેટલાક આરોપીઓ આંકડા મારફ્તે હારજીતનો જુગાર રમી રહ્યા હોવાની બાતમી મળતાં પોલીસે પંચોને સાથે રાખીને રેડ કરતાં જુગાર રમાડતા આરોપીઓ રાહુલ ભરતજી ઠાકોર (ટાકોદી) તથા પ્રવિણસિંહ સબળસિંહ ઝાલા (સુણસર) અને જોરાજી વિજાજી ઝાલા (સુણસર)ને ઝડપી તેમની પાસેથી રોકડ રકમ રૂ. 17,540 તથા 5 હજારની કિંમતનો મોબાઈલ ફેન કબજે કરી વધુ તપાસ માટે રણુંજ પોલીસને સોંપ્યા હતા. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
