Bharuch News: અડગ માનવીને હિમાલય પણ નડતો નથી! અકસ્માતમાં ઘાયલ થયા બાદ પણ બોર્ડની પરીક્ષા આપવા પહોંચી વિદ્યાર્થિની
કહેવાય છે કે જો મનમાં મક્કમ મનોબળ હોય તો કુદરત પણ રસ્તો કરી આપે છે. ભરૂચ જિલ્લાના જંબુસરમાં આજે બોર્ડની પરીક્ષા આપવા જતી એક વિદ્યાર્થિની સાથે અકસ્માત સર્જાયો હોવા છતાં, તેણે હિંમત હાર્યા વગર પરીક્ષા આપીને શિક્ષણ પ્રત્યેની પોતાની સમર્પણ ભાવના સાબિત કરી છે.નીલગાયે એક્ટિવાને મારી ટક્કર જંબુસરના લીમજ ગામે રહેતી અને જંત્રાણની વિદ્યાકુંજ વિદ્યાલયમાં ધોરણ 10 માં અભ્યાસ કરતી વિદ્યાર્થિની સૃષ્ટિ જીતેન્દ્રભાઈ પટેલ આજે સવારે પોતાની માતા સાથે એક્ટિવા પર સવાર થઈ બોર્ડની પરીક્ષા આપવા કેન્દ્ર પર જઈ રહી હતી. આ દરમિયાન રસ્તામાં અચાનક એક નીલગાયે તેમના વાહનને અડફેટે લેતા ગમખ્વાર અકસ્માત સર્જાયો હતો. આ અકસ્માતમાં સૃષ્ટિ અને તેની માતા બંનેને ઇજાઓ પહોંચી હતી. શિક્ષણ વિભાગ હોસ્પિટલ દોડી આવ્યું ઘટનાની જાણ થતા જ વિદ્યાર્થિનીને તાત્કાલિક જંબુસરની અલ મહમુદ હોસ્પિટલ ખાતે સારવાર માટે ખસેડવામાં આવી હતી. વિદ્યાર્થિનીના અકસ્માતના સમાચાર મળતા જ ભરૂચ જિલ્લા શિક્ષણ અધિકારી (DEO) અને જિલ્લા શિક્ષણ સમિતિના ચેરમેન હોસ્પિટલ દોડી આવ્યા હતા. અધિકારીઓએ વિદ્યાર્થિનીના સ્વાસ્થ્યની પૃચ્છા કરી હતી અને તેના ભવિષ્યની ચિંતા વ્યક્ત કરી પ્રોત્સાહન પૂરું પાડ્યું હતું.https://x.com/sandeshnews/status/2027638177536872904 ઇજાગ્રસ્ત હાલતમાં પણ આપી પરીક્ષા હોસ્પિટલમાં પ્રાથમિક સારવાર લીધા બાદ, સૃષ્ટિએ પોતાની હિંમત બતાવી હતી અને વર્ષ બગડે નહીં તે માટે પરીક્ષા આપવાની જીદ કરી હતી. તબીબોની સલાહ અને શિક્ષણ વિભાગના સહયોગથી તે સમયસર પરીક્ષા કેન્દ્ર પર પહોંચી હતી અને પોતાનું પેપર લખ્યું હતું. સૃષ્ટિની આ હિંમતને સમગ્ર જિલ્લામાં બિરદાવવામાં આવી રહી છે. આ પણ વાંચો - Bharuch: વેડચ પોલીસે 7 મહિનાથી ફરાર દુષ્કર્મના આરોપીની ધરપકડ કરી
Read Full Story arrow_forward
