Mehsana: પુનાસણમાં દીપડાની દહેશત, ખેતરમાં કામ કરતા ખેડૂતે મોબાઈલમાં વીડિયો કેદ કર્યો
જિલ્લાના પુનાસણ ગામમાં દીપડાના આગમનથી સ્થાનિક ખેડૂતો અને ગ્રામજનોમાં ભારે ભયનો માહોલ જોવા મળી રહ્યો છે. ખેતરમાં કૃષિ કાર્ય કરી રહેલા એક જાગૃત ખેડૂતની નજર અચાનક દીપડા પર પડતા તેમણે હિંમત દાખવી તેનો વીડિયો ઉતાર્યો હતો, જે સોશિયલ મીડિયામાં વાયરલ થયો છે.દીપડાના આગમનથી ભયનો માહોલપુનાસણ ગામની સીમમાં જ્યારે ખેડૂત પોતાના ખેતરમાં કામ કરી રહ્યા હતા, ત્યારે અચાનક વન્ય પ્રાણી દેખાયું હતું. ખેડૂતે સતર્કતા દાખવી દૂરથી જ પોતાના મોબાઈલ ફોનમાં દીપડાની હિલચાલ કેદ કરી લીધી હતી. આ સમાચાર વાયુવેગે ગામમાં ફેલાતા લોકોમાં ફફડાટ વ્યાપી ગયો હતો અને ખેતરમાં જતા ખેડૂતોમાં ચિંતા જોવા મળી હતી.વન વિભાગની કાર્યવાહીઘટનાની જાણ થતા જ RFO અને ફોરેસ્ટર સહિતનો વન વિભાગનો સ્ટાફ તાત્કાલિક ઘટનાસ્થળે દોડી આવ્યો હતો. વીડિયો અને સ્થળ પરના પગેરાની તપાસ કર્યા બાદ વન વિભાગે સત્તાવાર રીતે પુષ્ટિ કરી છે કે તે દીપડાનું બચ્ચું છે.ગ્રામજનોને સાવચેતીની સૂચનાદીપડાનું બચ્ચું દેખાયું હોવાથી તેની માતા (માદા દીપડો) પણ આસપાસ હોવાની શક્યતાને નકારી શકાય તેમ નથી. આથી, વન વિભાગ દ્વારા પુનાસણ અને તેની આસપાસના ગામોના લોકોને રાત્રિના સમયે ખેતરમાં એકલા ન જવા અને સાવચેત રહેવાની ખાસ સૂચના આપવામાં આવી છે. હાલ વન વિભાગની ટીમ દ્વારા વિસ્તારમાં વોચ રાખવામાં આવી રહી છે.આ પણ વાંચો: Rajkot: કુરિયર ઓફિસ પાસે યુવક પર બે શખ્સો તૂટી પડ્યા, છરીના 7 જેટલા ઘા ઝીંકી કરાયો જીવલેણ હુમલો
Read Full Story arrow_forward
