Community News & Updates

Stay informed with the latest happenings, achievements, and announcements from our community.

All News

calendar_today February 20, 2026

Navsari News: શિક્ષણધામમાં વિદ્યાર્થિનીની છેડતી, શ્રી સત્ય સાંઈ વિદ્યાલયના રેક્ટર વિરૂદ્ધ પોક્સો હેઠળ ગુનો દાખલ

નવસારી જિલ્લાના વાંસદા તાલુકાના મહુવાસ ગામે આવેલી શ્રી સત્ય સાંઈ લક્ષ્મી મોહન વિદ્યાલયમાં શિક્ષણ જગતને શરમાવતો કિસ્સો પ્રકાશમાં આવ્યો છે. શ્રી સત્ય સાંઈ લક્ષ્મી મોહન વિદ્યાલયના રેક્ટર દ્વારા ધોરણ 11 સાયન્સની સગીર વિદ્યાર્થિનીની છેડતી કરવામાં આવતા ચકચાર મચી જવા પામી છે. આ મામલે પોલીસે આરોપી રેક્ટરની ધરપકડ કરી તેના ચાર દિવસના રિમાન્ડ મેળવ્યા છે.રેક્ટર દિશાંત ઠાકોરની અશ્લીલ હરકતો ઘટનાની મળતી વિગતો મુજબ, શ્રી સત્ય સાંઈ લક્ષ્મી મોહન વિદ્યાલયમાં જ રહીને ધોરણ 11 સાયન્સમાં અભ્યાસ કરતી આદિવાસી સગીર વિદ્યાર્થિની સાથે રેક્ટર દિશાંત ઠાકોર અશ્લીલ હરકતો કરતો હોવાની ફરિયાદ ઉઠી હતી. પવિત્ર ગણાતા શિક્ષણના મંદિરમાં જ જવાબદાર પદ પર બેઠેલા વ્યક્તિએ વિદ્યાર્થિનીની છેડતી કરતા વાલીઓમાં ભારે રોષ અને ચિંતા જોવા મળી રહી છે. પોક્સો અને એટ્રોસિટી હેઠળ કાર્યવાહી આ ઘટના અંગે વિદ્યાર્થિનીના પરિવારે હિંમત દાખવી ફરિયાદ નોંધાવતા પોલીસે દિશાંત ઠાકોર વિરૂદ્ધ પોક્સો (POCSO) અને એટ્રોસિટી એક્ટ મુજબ ગુનો દાખલ કર્યો છે. આરોપીને કોર્ટમાં રજૂ કરવામાં આવતા કોર્ટે તેના 4 દિવસના રિમાન્ડ મંજૂર કર્યા છે. ઉલ્લેખનીય છે કે, આદિવાસી વિસ્તારમાં આવેલી આશ્રમશાળાઓ અને વિદ્યાલયોમાં અગાઉ પણ વિદ્યાર્થિનીઓની સુરક્ષા પર સવાલો ઉભા કરતી આવી ઘટનાઓ બની ચૂકી છે, જે તંત્રની નિષ્ફળતા દર્શાવે છે. આ પણ વાંચો - Navsari News : વાંસદામાં માનવતા શર્મસાર, સગીરા પર મિત્રોએ જ આચર્યું સામૂહિક દુષ્કર્મ, 8 નરાધમો જેલહવાલે

Read Full Story arrow_forward

calendar_today February 20, 2026

Venezuela Oil Purchase: વેનેઝુએલા પાસેથી તેલ ખરીદવા અંગે ભારતના વિદેશ મંત્રાલયે શું કહ્યુ?, જાણો

વિદેશ મંત્રાલયના પ્રવક્તાએ વેનેઝુએલા પાસેથી તેલ ખરીદી પર ભારતનુ મત રજૂ કર્યુ છે. ભારત-અમેરિકા વેપાર સંબંધ વિદેશ મંત્રાલયના પ્રવક્તા રણધીર જયસ્વાલે કહ્યુ કે, ભારત-અમેરિકા વેપાર સંબંધ મામલે સંયુક્ત નિવેદનબાજી સકારાત્મક હતી. જેને ધ્યાનમાં રાખીને આગામી અઠવાડિયામાં ભારતના નેગોશિએટર અમેરિકા જશે. તેનો અર્થ એ છે કે, ભારત સ્ટ્રેટેજિક અને ઇકોનોમિક ઇન્ટરેસ્ટને ધ્યાનમાં રાખીને પોતાની જરુરિયાતની વ્યવસ્થા કરે છે. આ બધાની વચ્ચે વિદેશ મંત્રાલયના પ્રવક્તાએ કહ્યુ હતુ કે, બન્ને દેશે મળીને એવું ટ્રેડ અગ્રીમેન્ટ બનાવ્યુ છે જે અર્થતંત્રને ફાયદો આપશે. ભારતે પોતાનું મત કર્યુ રજૂ ફિલિસ્તીન મુદ્દે ભારતની સ્થિતિ સ્પષ્ટ છે. પ્રવક્તાએ કહ્યુ હતુ કે, હાલમાં જાહેર કરાયેલા ઇન્ડિયા-અરબ લીગ મંત્રીસ્તરીય સંયુક્ત નિવેદનમાં બન્ને પક્ષ મધ્ય-પૂર્વમાં ન્યાય, વેપાર અને સ્થાયી શાંતિ માટે આંતરરાષ્ટ્રીય કાયદો, સંયુક્ત રાષ્ટ્રના પ્રપોઝલ અને અરબ પીસ ઇનિશિએટિવ અનુસાર કમિટેડ છે. સુરક્ષા પરિષદના પ્રસ્તાવ હેઠળ પ્રયાસોનું સમર્થન આ નિવેદનમાં 1967ની સરહદોને આધારે ઇન્ડિપેન્ડન્ટ અને સંપ્રભુ ફિલિસ્તાની રાજ્યની સ્થાપનાનું સમર્થન કર્યુ છે. જે ઇઝરાયલની સાથે શાંતિપૂર્ણ સહ-અસ્તિત્વ બનાવી રાખી શકે છે. પ્રવક્તાએ વધુમાં જણાવ્યુ હતુ કે, ભારતે વોશિંગ્ટન ડીસીમાં થયેલા બોર્ડ ઓફ પીસ બેઠકમાં પર્યવેક્ષકના રૂપમાં ભાગ લીધો હતો. ડોનાલ્ડ ટ્રમ્પની ગાઝા પીસ પ્લાન પહેલ અને સંયુક્ત રાષ્ટ્ર સુરક્ષા પરિષદના પ્રસ્તાવ 2803 હેઠળ ચાલી રહેલા પ્રયાસોનું સમર્થન કર્યુ હતુ. આ પણ વાંચોઃ 10 ટન કોકીન કરાઇ જપ્ત, અમેરિકાના દબાણ હેઠળ મોટી કાર્યવાહી હાથ ધરાઇ

Read Full Story arrow_forward

calendar_today February 20, 2026

Surat News: કામરેજના વાવ ગામે પોલીસ ભરતીની કસોટી દરમિયાન એક યુવાનનું મોત

સુરતના કામરેજ તાલુકાના વાવ ગામે આવેલા SRPF ગ્રુપ-11 ના મેદાનમાં પોલીસ ભરતીની શારીરિક કસોટી પ્રક્રિયા ચાલી રહી હતી. આ કસોટીમાં ભાગ લેવા આવેલા વલસાડના મોગરવાડી વિસ્તારના 27 વર્ષીય યુવાન રવિન્દ્ર પ્રવીણભાઈ બારીયાનું સારવાર દરમિયાન અવસાન થયું છે.વાવમાં શારીરિક કસોટી દરમિયાન બની ઘટના શારીરિક કસોટીના ભાગરૂપે મેદાનમાં દોડતી વખતે રવિન્દ્રને અચાનક ચક્કર આવ્યા હતા અને તે ઢળી પડ્યો હતો. સ્થળ પર હાજર તબીબી ટીમે પ્રાથમિક સારવાર આપ્યા બાદ તેને તાત્કાલિક નજીકની હોસ્પિટલમાં ખસેડ્યો હતો. જોકે, હોસ્પિટલમાં ટૂંકી સારવાર બાદ તબીબોએ તેને મૃત જાહેર કર્યો હતો. પોલીસમાં ભરતી થઈ દેશની સેવા કરવાનું સ્વપ્ન લઈને આવેલો યુવાન અંતે જિંદગીની જંગ હારી ગયો હતો. યુવકને ચક્કર આવતા તેને હોસ્પિટલ ખસેડાયો હતો ઘટનાની જાણ થતા જ ઉચ્ચ પોલીસ અધિકારીઓ હોસ્પિટલ દોડી આવ્યા હતા. પોલીસે મૃતદેહને પોસ્ટમોર્ટમ માટે ખસેડી આકસ્મિક મોતનો ગુનો નોંધી વધુ તપાસ હાથ ધરી છે. પ્રાથમિક દ્રષ્ટિએ હાર્ટ એટેક અથવા કાળઝાળ ગરમીમાં શારીરિક શ્રમને કારણે આ દુર્ઘટના બની હોવાની શક્યતા સેવાઈ રહી છે. રવિન્દ્રના મોતના સમાચાર તેના પરિવારને અપાતા વલસાડમાં પણ ઘેરા શોકની લાગણી પ્રસરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward