Community News & Updates

Stay informed with the latest happenings, achievements, and announcements from our community.

All News

calendar_today February 12, 2026

Ahmedabadથી રાજસ્થાન જતી ટ્રેનો હાઉસફૂલ, જુઓ Video

જયપુર, જોધપુર, ઉદેપુર, બીકાનેરની ટ્રેનો ફુલ છે અને મોટાભાગની ટ્રેનોમાં સ્લીપર, એસી ક્લાસ હાઉસફૂલ છે, સાબરમતી રેલવે સ્ટેશને વધારાના કાઉન્ટર શરુ કરાયા છે. ભારતીય રેલવેમાં મુસાફરી કરતા મુસાફરો માટે ખૂબ જ સારા સમાચાર છે. ભારતીય રેલ મંત્રાલયે ગુજરાત અને રાજસ્થાનને જોડતી નવી વંદે ભારત એક્સપ્રેસ ટ્રેનને મંજૂરી આપી છે. આ અઠવાડિયે બે વંદે ભારત ટ્રેન સેવાઓ બંધ કરવામાં આવશે ઇન્ડિયન એક્સપ્રેસ અનુસાર, નવી ઉદયપુર-અસારવા વંદે ભારત ટ્રેનની શરૂઆત સાથે ભારતીય રેલ્વેએ બે હાલની વંદે ભારત એક્સપ્રેસ સેવાઓ બંધ કરવાનો નિર્ણય લીધો છે. ઉત્તર પશ્ચિમ રેલ્વે અનુસાર, ટ્રેન નં. 20981/82 (ઉદયપુર શહેર-આગ્રા કેન્ટ-ઉદયપુર શહેર) વંદે ભારત એક્સપ્રેસ 15 ફેબ્રુઆરી, 2026 થી બંધ કરવામાં આવશે અને ટ્રેન નં. 20979/80 (ઉદયપુર શહેર-જયપુર-ઉદયપુર શહેર) વંદે ભારત એક્સપ્રેસ 14 ફેબ્રુઆરી, 2026 થી બંધ કરવામાં આવશે. આ પણ વાંચો : Gandhinagar News : ગુજરાતના નગરપાલિકા વિસ્તારોમાં અમૃત 2.0 હેઠળ રાજયના શહેરી વિસ્તારોમાં ₹117.56 કરોડના ખર્ચે 131 બગીચાઓ વિકસિત થઈ રહ્યાં છે

Read Full Story arrow_forward

calendar_today February 12, 2026

Gir Somnath News: ઉનાના રહેણાક વિસ્તારમાં સિંહે કર્યો વાછરડાનો શિકાર

સિંહોના ગઢ ગણાતા ગીર સોમનાથ જિલ્લામાં હવે વનરાજો જંગલની સીમાઓ ઓળંગીને માનવ વસાહતોમાં બેરોકટોક ફરી રહ્યા છે. ગીર સોમનાથ જિલ્લાના ઉના શહેરના ગીર ગઢડા રોડ પર આવેલી પોશ ગણાતી 'ગોલ્ડન સિટી' સોસાયટીમાં મોડી રાત્રે એક સિંહે પ્રવેશ કરી શિકાર કરતા સમગ્ર વિસ્તારમાં ભયનો માહોલ જોવા મળી રહ્યો છે.વાછરડાનું મારણ કરી સિંહ ઉઠાવી ગયો મોડી રાત્રે સોસાયટીમાં ત્રાટકેલા સિંહે એક નાના વાછરડાને નિશાન બનાવ્યું હતું. સિંહે વાછરડાનું મારણ કર્યા બાદ તેને પોતાના મોઢામાં ઊંચકીને લઈ જતો હોય તેવા દ્રશ્યો સ્થાનિકોના મોબાઈલ કેમેરા અને CCTVમાં કેદ થયા છે. સોસાયટીમાં સિંહની હાજરીથી રહીશોમાં ફફડાટ ફેલાઈ ગયો છે, કારણ કે આ વિસ્તારમાં બાળકો અને વૃદ્ધોની અવરજવર સતત રહેતી હોય છે. RFO ના નિવાસસ્થાન પાસે જ સિંહની લટાર ચોંકાવનારી વાત એ છે કે, જે સોસાયટીમાં સિંહે મારણ કર્યું છે, ત્યાં જ જસાધાર રેન્જના RFO (રેન્જ ફોરેસ્ટ ઓફિસર) પોતે ભાડે રહે છે. વન વિભાગના ઉચ્ચ અધિકારીના નિવાસસ્થાનની આસપાસ જ સિંહનો શિકાર થવાની ઘટનાએ વન વિભાગની કામગીરી અને હિંસક પશુઓના ઉના શહેરમાં પ્રવેશ રોકવાની ક્ષમતા સામે સવાલો ઉભા કર્યા છે. લોકોની પાંજરે પૂરવા માગ સિંહો વારંવાર રહેણાંક વિસ્તારોમાં આવી ચઢતા હોવાથી ગોલ્ડન સિટીના રહીશોએ આક્રોશ વ્યક્ત કર્યો છે. સ્થાનિકોની માગ છે કે, જનતાની સુરક્ષાને ધ્યાને રાખીને આ સિંહને તાત્કાલિક પાંજરે પૂરી જંગલના ઉંડાણવાળા ભાગમાં ખસેડવામાં આવે. વન વિભાગ દ્વારા હાલમાં આ વિસ્તારમાં પેટ્રોલિંગ વધારવામાં આવ્યું છે. આ પણ વાંચો - Junagadh : ભવનાથમાં નાગા સાધુનો આતંક, દત્ત ચોકમાં સાધુએ તલવાર ઉગામી યાત્રીકોને ડરાવ્યા, રસ્તાની બાજુમાં સૂતેલા લોકોને સાધુએ માર માર્યો

Read Full Story arrow_forward

calendar_today February 12, 2026

Surat: વેલંજામાં નવી શાળા તૈયાર હોવા છતાં બાળકો જર્જરિત મકાનમાં મોતના સાયે ભણવા મજબૂર

સ્માર્ટ સિટી સુરતના વેલંજા વિસ્તારમાં શિક્ષણ તંત્રની એક શરમજનક તસવીર સામે આવી છે. અહીં સુરત મહાનગરપાલિકા (SMC) સંચાલિત સરકારી શાળાનું નવું અને આધુનિક મકાન છેલ્લા દોઢ મહિનાથી બનીને તૈયાર છે, પરંતુ માત્ર નેતાઓ દ્વારા લોકાર્પણની રાહમાં આ ભવ્ય ઈમારતને તાળા મારેલા છે. બીજી તરફ, માસૂમ વિદ્યાર્થીઓ બાજુમાં જ આવેલી 30 વર્ષ જૂની અને અત્યંત જર્જરિત ઈમારતમાં જીવના જોખમે અભ્યાસ કરી રહ્યા છે.જર્જરિત મકાન અને ભયનો માહોલ સંદેશ ન્યૂઝની ટીમે જ્યારે વેલંજાની આ શાળાની મુલાકાત લીધી ત્યારે ચોંકાવનારી વિગતો સામે આવી હતી. શાળાનું જૂનું મકાન 30 વર્ષ જૂનું છે અને ગમે ત્યારે ધરાશાયી થઈ શકે તેવી હાલતમાં છે. અહીં ધોરણ 1 થી 5 માં 639 બાળકો અને ધોરણ 6 થી 8 માં 397 બાળકો મળીને કુલ 1000 થી વધુ વિદ્યાર્થીઓ અભ્યાસ કરે છે. છત પરથી પોપડા ઉખડતા હોવા છતાં બાળકો અહીં બેસવા મજબૂર છે.જગ્યાના અભાવે બે પાળીમાં શિક્ષણશાળામાં ઓરડાઓની એટલી હદે અછત છે કે એક જ શાળાને બે પાળીમાં ચલાવવી પડે છે.સવાર પાળી ધોરણ 6 થી 8 ના 397 વિદ્યાર્થીઓ.બપોર પાળી ધોરણ 1 થી 5 ના 639 વિદ્યાર્થીઓ. વિદ્યાર્થીઓ વર્ગખંડોમાં ગીચોગીચ બેસીને ભણવા મજબૂર છે, જેના કારણે શિક્ષણની ગુણવત્તા પર પણ અસર પડી રહી છે.આશ્ચર્યની વાત એ છે કે, આ તમામ સમસ્યાઓનો ઉકેલ એટલે કે શાળાનું નવું મકાન માત્ર થોડા અંતરે જ તૈયાર ઉભું છે. છેલ્લા 45 દિવસથી આ મકાન તમામ સુવિધાઓ સાથે સજ્જ છે, છતાં નેતાઓને રિબન કાપવાનો સમય ન મળતો હોવાથી બાળકોને ત્યાં પ્રવેશ આપવામાં આવતો નથી.આ પણ વાંચો: Ahmedabad: સેટેલાઇટમાં દારૂડિયાઓ બેફામ, ગોકુળ આવાસના રહીશોએ પોલીસ સ્ટેશન ઘેરાવ કર્યો

Read Full Story arrow_forward