Ahmedabad : સોલા વિસ્તારમાં નજીવી બાબતે હત્યા, અકસ્માત બાદ ગાડીનો કાચ તોડી મૃતકને જીવેલણ માર માર્યો હતો, 2 આરોપી ઝડપાયા
અમદાવાદ શહેરના સોલા પોલીસ સ્ટેશન વિસ્તારમાં હત્યાનો ચકચારજનક બનાવ સામે આવ્યો છે. ગત તારીખ 29 જાન્યુઆરીની રાત્રિના સમયે પ્રસંગ પાર્ટી પ્લોટ સામે આ ઘટના બની હતી. નજીવી બાબતમાંથી શરૂ થયેલી માથાકૂટ અંતે અલ્પેશ મહેતાની હત્યામાં પરિણમી હતી.ફરિયાદીની ગાડી આરોપીઓની ગાડી સાથે અથડાતા બંને વચ્ચે બોલાચાલી પ્રાપ્ત વિગતો મુજબ, ફરિયાદીની ગાડી આરોપીઓની ગાડી સાથે અથડાતા બંને વચ્ચે બોલાચાલી થઈ હતી. બોલાચાલી બાદ આરોપીઓ ઉશ્કેરાઈ ગયા અને ફરિયાદી પર ગંભીર રીતે હુમલો કર્યો. આરોપીઓએ ગાડીનો કાચ તોડી મૃતક સાથે મારામારી કરી હતી. મારામારી દરમિયાન મૃતકના મોઢા અને છાતીના ભાગે ગંભીર ઇજાઓ પહોંચી હતી. સારવાર દરમિયાન ફરિયાદીનું મોત ઘટના બાદ આરોપી અને ફરિયાદીને સોલા પોલીસ સ્ટેશન ખાતે લાવવામાં આવ્યા હતા. જોકે ફરિયાદીની તબિયત બગડતા તેમને તાત્કાલિક સારવાર અર્થે હોસ્પિટલ ખસેડવામાં આવ્યા, જ્યાં સારવાર દરમિયાન તેમનું મોત નિપજ્યું. અમિત વાઘેલા અને કેવલ વાઘેલા માત્ર 20 વર્ષની ઉંમરના છે હત્યાના મામલે સોલા પોલીસે આરોપીઓની રિકન્સ્ટ્રક્શન કાર્યવાહી હાથ ધરી છે. હાલ સીસીટીવી ફૂટેજ મેળવવાની પ્રક્રિયા ચાલી રહી છે. પોલીસ તપાસમાં સામે આવ્યું છે કે બંને આરોપી અમિત વાઘેલા અને કેવલ વાઘેલા માત્ર 20 વર્ષની ઉંમરના છે અને AMCના CNCD વિભાગમાં કોન્ટ્રાક્ટ આધારિત કામ કરતા હતા. અલ્પેશ મહેતા હાઉસિંગ બોર્ડના નિવૃત કર્મચારી મૃતક અલ્પેશ મહેતા હાઉસિંગ બોર્ડના નિવૃત કર્મચારી હોવાનું જાણવા મળ્યું છે. સમગ્ર ઘટનાને લઈ સોલા પોલીસ વધુ તપાસ ચલાવી રહી છે.આ પણ વાંચો---- Banaskantha : પાલનપુર નજીકના ગામમાં યુવકમાં હડકવાના લક્ષણો દેખાતા મચ્યો હડકંપ, યુવકને દોરડાથી બાંધી હોસ્પિટલ ખસેડાયો
Read Full Story arrow_forward
