Community News & Updates

Stay informed with the latest happenings, achievements, and announcements from our community.

All News

calendar_today January 28, 2026

Banaskantha માં 'પુષ્પા' સ્ટાઈલ તસ્કરી, દૂધના ટેન્કરમાંથી ઝડપાયો રૂ. 8 લાખનો વિદેશી દારૂ

બનાસકાંઠા જિલ્લામાં બુટલેગરો દારૂની હેરાફેરી માટે અવનવા કીમિયા અજમાવતા હોય છે, પરંતુ પાલનપુર પોલીસે બુટલેગરોનો વધુ એક મનસૂબો નિષ્ફળ બનાવ્યો છે. ફિલ્મી સ્ટાઈલ 'પુષ્પા' મૂવીની જેમ દૂધના ટેન્કર તરીકે ઉપયોગમાં લેવાતી બોલેરો પીકઅપ ગાડીમાં દારૂ છુપાવીને લઈ જવામાં આવતો હતો. પાલનપુર પોલીસે બાતમીના આધારે આ શંકાસ્પદ વાહનને અટકાવી તપાસ કરતા તેમાંથી દૂધના બદલે વિદેશી દારૂનો મોટો જથ્થો મળી આવ્યો હતો. પોલીસે આ વાહનમાંથી અંદાજે 8 લાખ રૂપિયાથી વધુની કિંમતની કુલ 1,787 દારૂની બોટલો જપ્ત કરીને કાયદેસરની કાર્યવાહી હાથ ધરી છે.દૂધના વાહનમાં દારૂની સપ્લાય! આ મામલે પોલીસે અમીરગઢના રહેવાસી સુરતાજી પીરાજી રબારી નામના શખ્સની ધરપકડ કરી છે. પ્રાથમિક પૂછપરછમાં જાણવા મળ્યું છે કે દૂધના વાહનમાં દારૂની હેરાફેરી કરવા પાછળનો હેતુ પોલીસની નજરથી બચવાનો હતો, જેથી કોઈને શંકા ન જાય. હાલમાં પાલનપુર પોલીસે દારૂ અને વાહન મળી લાખોનો મુદ્દામાલ કબ્જે કર્યો છે અને આ દારૂનો જથ્થો ક્યાંથી ભરાયો હતો અને કયા સ્થળે પહોંચાડવાનો હતો, તે દિશામાં સઘન તપાસ શરૂ કરી છે. આ ઓપરેશનથી સરહદી જિલ્લામાં દારૂ માફિયાઓમાં ફફડાટ ફેલાઈ ગયો છે. આ પણ વાંચો : Surat માં ભ્રષ્ટાચારનો 'રોડ શો', 6 મહિનામાં જ કરોડોનો RCC રોડ બેસી ગયો, જનતામાં ભારે રોષ

Read Full Story arrow_forward

calendar_today January 28, 2026

Gir Somnath : ઉનામાં યુવતીના અપહરણનો પ્રયાસ કરનાર આરોપી ઝડપાયો,અપહરણ અને પોક્સો કલમ હેઠળ નોંધાયો ગુનો

ઉના શહેરમાં 24 જાન્યુઆરીના રોજ યુવતીના અપહરણનો પ્રયાસ થયાનો ઘટના પ્રકાશમાં આવ્યો છે. મુખ્ય બજારમાં સર્જાયેલી આ ઘટના બાદ સ્થાનિક પોલીસ ટીમે ઝડપી કાર્યવાહી કરીને આરોપી અસમલ મુનીર મહેબૂબને ઝડપી પાડ્યો છે. અપહરણનો પ્રયાસ CCTV કેમેરામાં કેદ થયો હતો પોલીસ દ્વારા મળેલ માહિતી મુજબ, અપહરણનો પ્રયાસ CCTV કેમેરામાં કેદ થયો હતો, જે ઘટના તપાસમાં મહત્વપૂર્ણ પુરાવો બની. આરોપી વિરુદ્ધ અપહરણ અને પોક્સો કલમ હેઠળ ગુનો નોંધાયો છે.  CCTV વાયરલ થતા પોલીસ એક્શનમાં આવી અપહરણના પ્રયાસ બાદ CCTV વાયરલ થતા પોલીસ એક્શનમાં આવી હતી અને પોલીસે સીસીટીવીના આધારે આરોપી અસમલ મુનીર મહેબૂબને પાંચ દિવસ પછી વેરાવળ થી ઝડપી પાડ્યો હતો.આ પણ વાંચો----    Baramati Plane Crash : અજિત પવારના નિધનના સમાચાર વયોવૃદ્ધ કાકા શરદ પવારને કેવી રીતે આપવા ? વાંચો...પરિવારે શું કર્યું

Read Full Story arrow_forward

calendar_today January 28, 2026

Dahodના ગોદી રોડ પર રખડતા શ્વાનનો આતંક, 12 લોકોને ભર્યા બચકાં

સ્માર્ટ સિટી તરફ ડગ માંડી રહેલા દાહોદ શહેરમાં અત્યારે રખડતા શ્વાનોનો ત્રાસ એક ગંભીર સમસ્યા બનીને ઉભરી આવ્યો છે. શહેરના ભરચક ગણાતા ગોદી રોડ વિસ્તારમાં એકાએક રખડતા શ્વાનોએ આતંક મચાવતા સમગ્ર પંથકમાં ભયનો માહોલ ફેલાયો છે. માત્ર ગણતરીના કલાકોમાં જ હિંસક બનેલા શ્વાનોએ માસૂમ બાળકો અને મહિલાઓ સહિત કુલ 12 લોકોને બચકાં ભરી લોહીલુહાણ કરી દીધા છે. રમી રહેલા બાળકો પર શ્વાનોએ અચાનક હુમલો કર્યો મળતી માહિતી અનુસાર, ગોદી રોડ પરથી પસાર થતા રાહદારીઓ અને ઘર પાસે રમી રહેલા બાળકો પર શ્વાનોએ અચાનક હુમલો કર્યો હતો. આ હુમલામાં ઇજાગ્રસ્ત થયેલા તમામ 12 લોકોને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે. ઇજાગ્રસ્તોમાં નાના બાળકો અને મહિલાઓની સંખ્યા વધુ હોવાથી સ્થાનિકોમાં ભારે આક્રોશ જોવા મળી રહ્યો છે. જનતામાં રોષ અને તંત્રની ભૂમિકા શહેરીજનોમાં અત્યારે એવો ફાળ પડી રહ્યો છે કે બાળકોને ઘરની બહાર એકલા કેવી રીતે મોકલવા? આ પૂર્વે પણ અનેકવાર રખડતા શ્વાનોના ત્રાસ અંગે રજૂઆતો કરવામાં આવી હોવા છતાં, નગરપાલિકા કે વહીવટી તંત્ર દ્વારા કોઈ નક્કર પગલાં લેવામાં આવ્યા નથી. સ્થાનિકોનો આક્ષેપ છે કે શ્વાનોના ખસીકરણ અને તેમને પકડવાની કામગીરી માત્ર કાગળ પર જ ચાલી રહી છે, જેના પરિણામે આજે સામાન્ય નાગરિકોએ હોસ્પિટલના બિછાને રહેવાનો વારો આવ્યો છે. કોઈ મોટી જાનહાનિ થવાની ભીતિ સેવાઈ જો તંત્ર વહેલી તકે આ રખડતા શ્વાનોના આતંકને ડામવા માટે સઘન ઝુંબેશ નહીં ચલાવે, તો આગામી દિવસોમાં કોઈ મોટી જાનહાનિ થવાની ભીતિ સેવાઈ રહી છે. દાહોદના નાગરિકો હવે એક જ માંગ કરી રહ્યા છે: અમને રસ્તા પર ચાલવાની સુરક્ષા આપો. આ પણ વાંચોઃ Jamnagar : ખનીજ માફિયાઓની દાદાગીરી, રણજીતપર ગામે ગેરકાયદે રેતી ખનન રોકનાર ખેડૂતો પર લોહીયાળ હુમલો!

Read Full Story arrow_forward