Community News & Updates

Stay informed with the latest happenings, achievements, and announcements from our community.

All News

calendar_today January 24, 2026

Navsariમાં ઓપરેશન મ્યુલ હન્ટ અંતર્ગત બે આરોપીની સાયબર ફ્રોડના ગુનામાં ધરપકડ, બંનેએ 2 કરોડથી વધુનું ટ્રાન્જેક્શન કર્યું હતું

નવસારીની બીલીમોરા પોલીસે ઓપરેશન “મ્યુલ હન્ટ” અંતર્ગત બે આરોપીઓને ધરપકડ કરી છે, જેઓ સાયબર ફ્રોડમાં સંડોવાયેલા હતા. 2 કરોડથી વધુનું ગેરકાયદે ટ્રાન્જેક્શન પોલીસના જણાવ્યા અનુસાર, આ બંને આરોપીઓએ 2 કરોડથી વધુનું ગેરકાયદે ટ્રાન્જેક્શન કર્યું હતું. દેશભરમાં 35 અલગ-અલગ સાયબર ગુનાઓમાં સામેલ તપાસમાં ખુલ્યું કે આરોપીઓ દેશભરમાં ૩૫ અલગ-અલગ સાયબર ગુનાઓમાં સામેલ રહ્યા હતા. પકડાયેલા આરોપીઓને મધ્યપ્રદેશમાંથી ઝડપી લાવવામાં આવ્યા છે આંતર રાજય નેટવર્ક સાથે બંને આરોપી સંકળાયેલા ઓનલાઇન સાયબર ફ્રોડ ટ્રાન્જેક્શનના આંતર રાજય નેટવર્ક સાથે બંને આરોપી સંકળાયેલા હતા અને બંને મધ્યપ્રદેશમાં છુપાયેલા હતા. પોલીસની ટીમે બંનેને ટ્રેક કરીને મધ્યપ્રદેશ જઇને ઝડપી પાડ્યા હતા. આ પણ વાંચો----    Vadodara : અકોટા બ્રિજ પાસે બાઈક અકસ્માતમાં યુવકના થયેલા મોતમાં ચોંકાવનારો ઘટસ્ફોટ, યુવકે તેના મોંઢા પર પ્લાસ્ટિકની કોથળી કેમ બાંધી ?

Read Full Story arrow_forward

calendar_today January 24, 2026

Gandhinagar News : અંબાલાલ પટેલની મોટી આગાહી, ફેબ્રુઆરીમાં કમોસમી વરસાદની દસ્તક, ખેડૂતોની ચિંતામાં વધારો

ગુજરાતમાં બદલાતા હવામાન વચ્ચે જાણીતા હવામાન નિષ્ણાંત અંબાલાલ પટેલે રાજ્યમાં હાડ થીજવતી ઠંડી અને કમોસમી વરસાદની આગાહી કરી છે. અંબાલાલ પટેલના જણાવ્યા અનુસાર, આગામી બે થી ત્રણ દિવસ રાજ્યમાં ઠંડીનો જોરદાર ચમકારો જોવા મળશે. ખાસ કરીને ઉત્તર ગુજરાતના પાલનપુરમાં લઘુત્તમ તાપમાન 4 ડિગ્રી સુધી ગગડવાની શક્યતા છે, જ્યારે પાટણ, મહેસાણા, સાબરકાંઠા અને અરવલ્લીમાં પણ કાતિલ ઠંડી પડશે. અમદાવાદ અને ગાંધીનગર સહિત મધ્ય ગુજરાતમાં પણ પારો નીચો જશે અને કચ્છમાં તાપમાન 8 ડિગ્રીથી નીચે નોંધાઈ શકે છે. જોકે, 27-28 જાન્યુઆરીએ પશ્ચિમી વિક્ષેપને કારણે ઠંડીમાં થોડી રાહત મળશે, પરંતુ ત્યારબાદ ફેબ્રુઆરીના પ્રથમ સપ્તાહમાં ફરી ઠંડીનું જોર વધશે.કડકડતી ઠંડીની ચેતવણી ઠંડીની સાથે-સાથે અંબાલાલ પટેલે માવઠાની પણ ચેતવણી આપી છે. ઉત્તરના પર્વતીય પ્રદેશોમાં ભારે હિમવર્ષાને કારણે મેદાની વિસ્તારોના વાતાવરણમાં પલટો આવશે. ફેબ્રુઆરી માસ દરમિયાન રાજ્યના ઘણા ભાગોમાં વાદળછાયું વાતાવરણ રહેશે અને ઉત્તર તથા મધ્ય ગુજરાતના કેટલાક વિસ્તારોમાં હળવો કમોસમી વરસાદ પડી શકે છે. પવનની ગતિમાં વધારો થવાને કારણે ઠંડીની તીવ્રતા વધુ અનુભવાશે. આ આગાહીને પગલે ખાસ કરીને ખેડૂતોમાં પાકને થનારા નુકસાનને લઈને ચિંતાની લાગણી જોવા મળી રહી છે. આ પણ વાંચો : Ahmedabad News : આનંદનગરમાં જિમ ટ્રેનર અને સિક્યુરિટી પર હુમલો, યુવતીના મિત્રએ રિફંડના મુદ્દે જિમમાં મચાવ્યો આતંક

Read Full Story arrow_forward

calendar_today January 24, 2026

Rajkot News: પત્ની પીડિત પુરૂષે નોંધાવી ફરિયાદ, પોલીસને જણાવી દર્દ ભરી દાસ્તાન

'સોરી બોસ માથા ભારે બૈરું છે મારૂ' આ ગીત તો સાંભળ્યું હશે અને આનંદ પણ માણ્યો હશે, પણ આ ગીત સાંભળીને ઘણા લોકોને લાગી પણ આવે, કેમ કે ઘણા લોકો માટે આ વરવી વાસ્તવિકતા હોય છે. આવો જ એક કિસ્સો રાજકોટમાંથી સામે આવ્યો છે. જ્યાં એક મહિલાએ તેના પતિ અને સાસુના જીવનમાં ઉથપાથલ મચાવી દીધી છે. આ મહિલાએ સાસરિયાઓ પર અમાનવીય ત્રાસ ગુજાર્યો છે. જેનાથી કંટાળીને બિચારો પતિ પોલીસના શરણે પહોંચ્યો છે.પતિ અને સાસુને માનસિક ત્રાસ આપતી પત્નીસામાન્ય રીતે સાસરિયાઓ દ્વારા પરણીતાને ત્રાસ આપવાના કિસ્સાઓ અવારનવાર સામે આવતા હોય છે, પરંતુ રાજકોટમાં 'ઉલટી ગંગા' વહેતી હોય તેવો કિસ્સો પ્રકાશમાં આવ્યો છે. અહીં એક પત્ની દ્વારા પોતાના પતિ અને સાસુને માનસિક ત્રાસ આપી, છૂટાછેડાના બદલામાં કરોડોની મિલકત અથવા રોકડની માંગણી કરવામાં આવતા ચકચાર મચી ગઈ છે. સમગ્ર મામલે ભક્તિનગર પોલીસ મથકમાં પત્ની વિરૂદ્ધ ગુનો નોંધાયો છે. 14 વર્ષના લગ્નજીવનમાં કલેશ ઘટનાની મળતી માહિતી અનુસાર, રાજકોટના એક પાટીદાર યુવકના લગ્ન 14 વર્ષ પહેલાં રાવકી ગામની યુવતી સાથે થયા હતા. સુખદ લગ્નજીવનની આશા રાખનાર પતિને શરૂઆતથી જ પત્નીના આકરા મિજાજનો સામનો કરવો પડ્યો હતો. ફરિયાદી પતિએ આરોપ લગાવ્યો છે કે, લગ્ન બાદ પત્ની વારંવાર નાની-નાની બાબતોમાં ઝઘડા કરી પતિ અને સાસુને માનસિક રીતે ટોર્ચર કરતી હતી. 1 કરોડ અથવા મિલકતમાં હિસ્સાની માગ વિવાદ ત્યારે વકર્યો જ્યારે પત્નીએ છૂટાછેડા માટે આકરી શરતો મૂકી. પત્નીએ ધમકી આપી હતી કે, જો પતિએ છૂટાછેડા લેવા હોય તો તેને રૂપિયા 1 કરોડ રોકડા આપવા પડશે અથવા પરિવારની મિલકતમાં મોટો હિસ્સો તેના નામે કરવો પડશે. આટલું જ નહીં, માંગણી પૂરી ન થાય તો ગંભીર પરિણામો ભોગવવાની ધમકી પણ પતિ અને સાસુને આપવામાં આવી હતી. પોલીસ કાર્યવાહી પત્નીના સતત વધતા ત્રાસ અને ધમકીઓથી કંટાળીને આખરે પતિએ કાયદાનો સહારો લીધો છે. ભક્તિનગર પોલીસ દ્વારા પત્ની વિરૂદ્ધ ફરિયાદ નોંધીને કાયદેસરની તપાસ હાથ ધરવામાં આવી છે. આ કિસ્સો હાલ રાજકોટમાં ચર્ચાનો વિષય બન્યો છે કે, શું હવે પુરૂષોએ પણ ઘરેલુ હિંસા સામે રક્ષણ મેળવવા મેદાને આવવું પડશે? આ સાથે મહિલાઓ પોતાના રક્ષણ માટે બનાવેલા કાયદાને ઢાલ બનાવીને સાસરિયાઓ પર ત્રાસ ગુજારવાના કિસ્સા સતત વધી રહ્યા હોવાનું પણ પીડિત પુરૂષો જણાવી રહ્યા છે. આ પણ વાંચો - Rajkot મનપાની કડક ચેતવણી, મિલકત વેરો ભરો, નહીં તો...

Read Full Story arrow_forward