Community News & Updates

Stay informed with the latest happenings, achievements, and announcements from our community.

All News

calendar_today January 23, 2026

Vadodara News : મહિલાએ ઓનલાઈન મંગાવેલા મિલ્ક પાવડરમાંથી જીવાત નીકળી, કંપનીએ કોઈ જવાબ જ ના આપ્યો

ઓનલાઈન માર્કેટની ડિમાન્ડ વધતાં લોકો હવે આંગળીના ટેરવે ખરીદી કરી રહ્યાં છે. ત્યારે ખાદ્ય સામગ્રી મંગાવતા લોકોને અનેક વખત કડવા અનુભવો થતા હોય છે. વડોદરાના બાજવાની એક મહિલાને ઓનલાઈન મિલ્ક પાવડર મંગાવતા કડવો અનુભવ થયો છે. આ મહિલાએ એક વીડિયો બનાવીને વાયરલ કર્યો છે. ઓનલાઇન મિલ્ક પાવડર મંગાવતા પહેલા ચેતજો વડોદરાના બાજવાની એક મહિલાએ ઓનલાઈન વેબસાઈટ પરથી લેક્ટોડેક્સ કંપનીનો મિલ્ક પાવડર મંગાવ્યો હતો. આ પાવડર જ્યારે તેના ઘરે પહોંચ્યો અને તેણે પેકેટ ખોલીને જોયું તો તેમાં સફેદ અને કાળી જીવાત મળી હતી. આ મહિલાએ વેબસાઈટના નંબર પર ફોન કરતા જવાબ પણ એવો જ મળ્યો હતો. સરખો જવાબ નહીં મળતાં જ મહિલાને પછતાવો થયો હતો. ત્યાર બાદ આ મહિલાએ વીડિયો બનાવીને વાયરલ કર્યો હતો અને લોકોને અપીલ કરી હતી. હજી આ ઘટનામાં કોઈ ફરિયાદ થઈ હોય તેવું જાણવા મળ્યું નથી. આ પણ વાંચોઃ હવામાં 238 લોકોના મોતનો ખતરો! Russian વિમાનમાં ટેકનિકલ ખામી, ચીનમાં ઇમરજન્સી તૈયારી

Read Full Story arrow_forward

calendar_today January 23, 2026

Vadodara : તરસાલી રોડ પર દુકાન માલિકની તિજોરીમાંથી રૂપિયા અને દાગીનાની ચોરી, કર્મચારી પર શંકા

વડોદરાના તરસાલી રોડ સ્થિત આનંદ બાગ સોસાયટીમાં ઈલેક્ટ્રીક વસ્તુઓનો વેપાર કરતી દુકાનમાં ચોરીનો બનાવ સામે આવ્યો છે.મોબાઇલમાં સીસી ટીવી જોતા ભાંડો ફૂટ્યો દુકાન માલિક રોહીત નીતિનભાઈ ગુંડેચાએ મકરપુરા પોલીસ સ્ટેશનમાં ફરિયાદ નોંધાવી જણાવ્યું કે ગત 13મી તારીખે અને પરિવાર સાથે બહાર ગયા તે દરમિયાન તેમણે મોબાઇલમાં સીસીટીવી ચેક કરતા તેમની દુકાનમાં કામ કરતો કર્મચારી ગૌરાંગ બાબુભાઈ દલાલ (શરદનગર, તરસાલી) તિજોરી ખોલી અંદર રહેલા રોકડા અને દાગીનાની તપાસ કરતો હતો. તિજોરીમાંથી રૂપિયા અને દાગીના ગાયબ ફરી મકાન પર પાછા ફરતા માલિકોએ ચોરી અંગે ગૌરાંગને પૂછતાછ કરી ત્યારે તેણે ઇન્કાર કર્યો હતો પરંતુ સીસીટીવી રેકોર્ડિંગ બતાવતા માલિકોએ નોંધ્યું કે તિજોરીમાંથી રૂપિયા અને દાગીના ગાયબ હતા. દુકાન માલિકે જણાવ્યું કે તિજોરીમાંથી રૂ. 1 લાખ રોકડા અને અગાઉ પણ સોનાના દાગીનાં સાડા સાત તોલા લૂંટાઈ ગયા હતાં, પરંતુ તે સમયે ફરિયાદ નોંધાવી ન હતી.આ પણ વાંચો----    Jamnagar : વસંત પંચમીના દિવસે યુવકની કૃર હત્યા, પ્રેમ પ્રકરણમાં મૃતકના સાળા સહિત ત્રણ શખ્સોએ ચાકૂના ઘા ઝીંકી હત્યા કરી હોવાની આશંકા

Read Full Story arrow_forward

calendar_today January 23, 2026

Delhi: કર્તવ્ય પથ પર ગુંજશે હાયપરસોનિક દહાડ!, જાણો ભારતની નવી મિસાઈલ ફોર્સનું શક્તિ પ્રદર્શન

ભારત હવે રક્ષણ ક્ષેત્રે માત્ર આત્મનિર્ભર જ નથી બની રહ્યું, પરંતુ વિશ્વના શક્તિશાળી દેશોની હરોળમાં પોતાની 'હાયપરસોનિક' તાકાતનો પરચો આપી રહ્યું છે. 'ઓપરેશન સિંદૂર' દરમિયાન દુનિયાએ ભારતની સ્વદેશી શક્તિ જોઈ છે, પરંતુ હવે DRDO દ્વારા વિકસિત નવી મિસાઈલ LRAShM  રક્ષણ જગતમાં નવા સમીકરણો રચવા જઈ રહી છે. LRAShM નું જાહેર પ્રદર્શન કરવામાં આવશે  સમુદ્રનો નવો રક્ષક આ વખતે ગણતંત્ર દિવસની પરેડમાં પહેલીવાર હાયપરસોનિક એન્ટી-શિપ મિસાઈલ LRAShM નું જાહેર પ્રદર્શન કરવામાં આવશે. આ મિસાઈલની સૌથી મોટી વિશેષતા તેની હાયપરસોનિક ગતિ છે, એટલે કે તે અવાજની ગતિ કરતાં અનેકગણી ઝડપથી ઉડે છે. માત્ર 15 મિનિટમાં 1500 કિમીનું અંતર કાપવાની ક્ષમતા ધરાવતી આ મિસાઈલ દુશ્મનના રડારમાં પકડાયા વગર તેના યુદ્ધજહાજોને પળભરમાં જળસમાધિ આપી શકે છે. હૈદરાબાદ સ્થિત RCI લેબમાં તૈયાર થયેલી આ મિસાઈલ સ્થિર અને ગતિશીલ બંને લક્ષ્યોને ચોકસાઈથી ભેદવામાં સક્ષમ છે. વડાપ્રધાન નરેન્દ્ર મોદીએ જે 'સુદર્શન ચક્ર' સમાન શક્તિની વાત કરી હતી, આ મિસાઈલ તેનો અભિન્ન હિસ્સો છે. મિસાઈલ ફોર્સનું ગૌરવ વધાર્યુ આકાશમાંથી ત્રાટકતી આફત LRAShM ની સાથે 'પ્રલય' મિસાઈલ પણ ભારતની મિસાઈલ ફોર્સનું ગૌરવ વધારી રહી છે. 150 થી 500 કિમીની મારક ક્ષમતા ધરાવતી આ મિસાઈલની સૌથી મોટી ખૂબી તેની દિશા બદલવાની ક્ષમતા છે. ઉડાન દરમિયાન રસ્તો બદલી શકતી હોવાને કારણે દુશ્મનની ઇન્ટરસેપ્ટર મિસાઈલો તેને રોકવામાં નિષ્ફળ રહે છે. તે દુશ્મનના રડાર અને એર સ્ટ્રીપને પળવારમાં તબાહ કરી શકે છે. તેને મોબાઈલ લોન્ચરની મદદથી ગમે ત્યાંથી ફાયર કરી શકાય છે, જે તેને યુદ્ધના મેદાનમાં અત્યંત ઘાતક બનાવે છે. આત્મનિર્ભર ભારતની નવી ઓળખ આ બંને મિસાઈલોનું નિર્માણ DRDO દ્વારા સંપૂર્ણપણે સ્વદેશી ટેકનોલોજીથી કરવામાં આવ્યું છે. તે સાબિત કરે છે કે ભારત હવે માત્ર સંરક્ષણ સામગ્રી આયાત કરનારો દેશ નથી, પરંતુ અત્યાધુનિક ટેકનોલોજી વિકસાવનારો દેશ બની ગયો છે. કર્તવ્ય પથ પર આ મિસાઈલોની 'દહાડ' દુનિયાને સંદેશ આપશે કે ભારત પોતાની સરહદોની સુરક્ષા માટે સંપૂર્ણ સજ્જ અને શક્તિશાળી છે.આ પણ વાંચોઃ Morari Bapuએ દિલ્હીના ભારત મંડપમ ખાતે 'લાલો' ફિલ્મની સફળતાને બિરદાવી

Read Full Story arrow_forward