Community News & Updates

Stay informed with the latest happenings, achievements, and announcements from our community.

All News

calendar_today January 22, 2026

Wadhwan માં નશાના કારોબાર સામે જનતાનો મિજાજ ગરમ, દારૂ-ગાંજાના વેચાણ મુદ્દે પોલીસ મથકે હલ્લાબોલ

સુરેન્દ્રનગરના ઐતિહાસિક શહેર વઢવાણમાં દેશી દારૂ અને ગાંજાના વધતા જતા વેચાણને પગલે સ્થાનિક રહીશોમાં ભારે રોષ જોવા મળી રહ્યો છે. આજે મોટી સંખ્યામાં સ્થાનિક લોકોએ વઢવાણ પોલીસ મથકે પહોંચી ઉગ્ર રજૂઆત કરી હતી. લોકોનો આક્ષેપ છે કે વઢવાણના નવા દરવાજા બહાર અને કોળીપરા જેવા વિસ્તારોમાં બેરોકટોક નશાનો કારોબાર ચાલી રહ્યો છે. રાત્રિના સમયે દારૂડિયાઓના ત્રાસને કારણે સ્થાનિક લોકો, ખાસ કરીને મહિલાઓ અને બાળકોનું ઘરની બહાર નીકળવું પણ મુશ્કેલ બની ગયું છે. દારૂડિયાઓ દ્વારા કરવામાં આવતી ગાળાગાળી અને ન્યુસન્સને કારણે રહેણાંક વિસ્તારોમાં ભયનો માહોલ છે.સ્થાનિકોની ઉગ્ર રજૂઆત રજૂઆત કરવા પહોંચેલા સ્થાનિકોએ પોલીસને સ્પષ્ટ શબ્દોમાં જણાવ્યું હતું કે, જો આ નશાના અડ્ડાઓ તાત્કાલિક બંધ કરવામાં નહીં આવે તો આગામી દિવસોમાં ઉગ્ર આંદોલન છેડવામાં આવશે. લોકોનું કહેવું છે કે અગાઉ પણ અનેકવાર મૌખિક રજૂઆતો કરવામાં આવી છે, તેમ છતાં પોલીસ દ્વારા કોઈ નક્કર કામગીરી કરવામાં આવતી નથી. પોલીસ અધિકારીઓએ આ મામલે યોગ્ય કાર્યવાહીની ખાતરી આપી છે અને સંબંધિત વિસ્તારોમાં રાત્રિ પેટ્રોલિંગ વધારવાની ખાતરી આપી છે. હવે જોવાનું એ રહે છે કે પોલીસ આ નશાના કારોબારીઓ સામે કેવા કડક પગલાં ભરે છે. આ પણ વાંચો : Ahmedabad ના બોડકદેવમાં ફાયરિંગથી દંપતિના મોતનો કેસ, મૃતદેહોને અંતિમક્રિયા માટે વતન લઇ જવાયા...

Read Full Story arrow_forward

calendar_today January 22, 2026

Mahesana News: આઈશર ટ્રકમાંથી 57.74 લાખનો વિદેશી દારૂ ઝડપાયો

ઉત્તર ગુજરાતમાં દારૂબંધીના કડક અમલ માટે મહેસાણા પોલીસ એક્શન મોડમાં છે. મહેસાણા લોકલ ક્રાઈમ બ્રાન્ચ દ્વારા મહેસાણા શહેરના બી ડિવિઝન પોલીસ સ્ટેશનની હદમાંથી ભારતીય બનાવટના વિદેશી દારૂનો જંગી જથ્થો લેનાં આવ્યો છે. જેમાં બુટલેગરોના મોટા નેટવર્કને પદાર્ફાશ પણ થયો છે.આઈશર ટ્રકમાં છુપાવ્યો હતો દારૂ મળેલી ચોક્કસ બાતમીના આધારે LCBની ટીમ દ્વારા મહેસાણા બી ડિવિઝન વિસ્તારમાં વોચ ગોઠવી હતી. આ દરમિયાન એક શંકાસ્પદ આઈશર ટ્રકને અટકાવીને તલાશી લેતા પોલીસ પણ ચોંકી ઉઠી હતી. ટ્રકમાંથી ભારતીય બનાવટના વિદેશી દારૂની કુલ 18,024 બોટલો મળી આવી હતી. બુટલેગરોએ અત્યંત આયોજનબદ્ધ રીતે દારૂનો આ મોટો જથ્થો છુપાવ્યો હતો. લાખોના મુદ્દામાલ સાથે એકની ધરપકડ પોલીસે સ્થળ પરથી રૂપિયા 57,74,189 ની કિંમતનો વિદેશી દારૂ અને આઈશર ટ્રક મળી કુલ રૂપિયા 72,78,739 નો મુદ્દામાલ કબ્જે કર્યો છે. આ મામલે પોલીસે ટ્રક ચાલકને રંગેહાથ ઝડપી લીધો છે. પોલીસ હાલ આ યુવક સામે કાયદેસરની કાર્યવાહી હાથ ધરી છે. દારૂનો આટલો મોટો જથ્થો ક્યાંથી આવ્યો અને ક્યાં પહોંચાડવાનો હતો, તે દિશામાં પોલીસે તપાસ તેજ કરી છે. બુટલેગરોમાં ફફડાટ મહેસાણા LCBની આ મોટી કાર્યવાહીને પગલે જિલ્લાના બુટલેગરોમાં ફફડાટ વ્યાપી ગયો છે. પોલીસ દ્વારા આ ઘટનાના મુખ્ય સૂત્રધારો સુધી પહોંચવા માટે આઈશર ટ્રકના રજિસ્ટ્રેશન અને ઝડપાયેલા આરોપીની આકરી પૂછપરછ કરવામાં આવી રહી છે. આ પણ વાંચો - Mahesana: અભિયાન : ઉત્તરાયણ બાદ રઝળતી 175 કિલો દોરીનો નાશ કરાયો

Read Full Story arrow_forward

calendar_today January 22, 2026

Banaskantha News: વિદેશી દારૂ ભરેલી કાર ઝડપાઈ, આરોપી ફરાર

બનાસકાંઠા જિલ્લામાં દારૂની પ્રવૃત્તિઓને નેસ્તનાબૂદ કરવાના અભિયાન હેઠળ એલસીબી પાલનપુરની ટીમ દ્વારા થરા પોલીસ સ્ટેશન વિસ્તારમાં મોટી કાર્યવાહી કરવામાં આવી છે. મળેલી ચોક્કસ બાતમીના આધારે પોલીસે વિદેશી દારૂ અને બિયરના જથ્થા સાથે એક હોન્ડાઈ વેન્યુ ગાડી ઝડપી લીધી છે.ફિલ્મી ઢબે પીછો અને અકસ્માત એલસીબી પાલનપુરની ટીમને બાતમી મળી હતી કે, એક સફેદ રંગની વેન્યુ ગાડી (નંબર GJ-18-BS-3529) માં વિદેશી દારૂ ભરીને થરા ટોટાણા ધરનાળા થઈ ખારીયા તરફ જવાની છે. આ બાતમીના આધારે પોલીસે નાકાબંધી કરી હતી. જોકે, કાર ચાલકે ગાડી ઉભી રાખવાને બદલે ખારીયા તરફ ભગાડી મૂકી હતી. પોલીસે ખાનગી વાહનોમાં પીછો કરતા ચાલકે સિયા ગામ પાસે સ્ટેરિંગ પરનો કાબૂ ગુમાવતા ગાડી અકસ્માતગ્રસ્ત થઈ હતી અને ચાલક ગાડી મૂકીને નાસી છૂટ્યો હતો. લાખોનો મુદ્દામાલ જપ્ત પોલીસ દ્વારા અકસ્માતગ્રસ્ત વેન્યુ ગાડીની તલાશી લેતા તેમાંથી ભારતીય બનાવટના વિદેશી દારૂ અને બિયરની કુલ 668 બોટલો મળી આવી હતી, જેની કિંમત રૂપિયા 1,96,268 થાય છે. પોલીસ દ્વારા રૂપિયા 5,00,000 ની કિંમતની હોન્ડાઈ વેન્યુ ગાડી અને દારૂ મળી કુલ રૂપિયા 6,96,268 નો મુદ્દામાલ જપ્ત કરવામાં આવ્યો છે. પોલીસ કાર્યવાહી આ સમગ્ર મામલે થરા પોલીસ સ્ટેશનમાં પ્રોહિબિશન એક્ટ મુજબ ગુનો દાખલ કરી કાયદેસરની કાર્યવાહી હાથ ધરવામાં આવી છે. આ કામગીરી એલસીબીના પી. આઈ. એ.વી.દેસાઈના માર્ગદર્શન હેઠળ તેમની ટીમ દ્વારા કરવામાં આવી હતી. આ પણ વાંચો - Banaskantha News: 4 વાહનો વચ્ચે ગોઝારો અકસ્માત, 6થી વધુ ઇજાગ્રસ્ત

Read Full Story arrow_forward