Patan News: ચાણસ્મામાં ડમ્પરનો આતંક, વૃદ્ધને ટક્કર મારતા મોત
પાટણ જિલ્લાના ચાણસ્મા તાલુકાના ધીણોજ પાસે આજે એક ગમખ્વાર અકસ્માત સર્જાયો હતો. રેતી ભરેલા બેફામ ડમ્પર ચાલકે એક રાહદારી વૃદ્ધને કચડી નાખતા તેમનું ઘટના સ્થળે જ મોત નીપજ્યું હતું. આ ઘટનાને પગલે સ્થાનિક લોકોમાં ભારે રોષ જોવા મળી રહ્યો છે. આ સાથે સ્થાનિકો બેફામ ચાલતા ડમ્પર સામે રોક લગાવવામાં આવે તેવી માગ પણ કરી રહ્યા છે.ઘટનાની વિગત ઘટનાની મળતી માહિતી અનુસાર, ચાણસ્મા તાલુકાના ધીણોજ પાસે આવેલી મોટપ ચોકડી પર આ અકસ્માત સર્જાયો હતો. રેતી ભરેલા એક ડમ્પરના ચાલકે વળાંક લેતી વખતે રસ્તો ક્રોસ કરી રહેલા રાહદારીને અડફેટે લીધા હતા. ડમ્પરનું ટાયર વૃદ્ધ પર ફરી વળતા તેમનું સ્થળ પર જ મોત થયું હતું. કમાલપુર ગામના વૃદ્ધનું મોત અકસ્માતનો ભોગ બનનારા મૃતક વૃદ્ધની ઓળખ ચાણસ્મા તાલુકાના જ કમાલપુર ગામના બદસંગ ચૌધરી તરીકે થઈ છે. 65 વર્ષીય વૃદ્ધ જ્યારે મોટપ ચોકડી પાસે રસ્તો ઓળંગી રહ્યા હતા, ત્યારે કાળમુખા ડમ્પરે તેમને કચડી નાખ્યા હતા. ઘટનાને પગલે આસપાસના લોકોના ટોળેટોળા ઘટના સ્થળે ઉમટી પડ્યા હતા. પોલીસ કાર્યવાહી અકસ્માતની જાણ થતા જ ચાણસ્મા પોલીસનો કાફલો તાત્કાલિક ઘટના સ્થળે પહોંચી ગયો હતો. પોલીસે મૃતદેહને પોસ્ટ મોર્ટમ માટે ખસેડી ડમ્પર ચાલક વિરૂદ્ધ ગુનો નોંધવાની તજવીજ હાથ ધરી છે. માર્ગો પર બેફામ દોડતા ભારે વાહનોને કારણે સર્જાતા અકસ્માતોને લઈ સ્થાનિકોએ તંત્ર સામે રોષ વ્યક્ત કર્યો છે. આ પણ વાંચો - Patan News: ચાણસ્મામાં ડિગ્રી વગર લોકોના સ્વાસ્થ્ય સાથે ચેડાં કરતો નકલી તબીબ પોલીસ સકંજામાં
Read Full Story arrow_forward
