Community News & Updates

Stay informed with the latest happenings, achievements, and announcements from our community.

All News

calendar_today January 13, 2026

Vadodara News: વાઘોડિયામાં રેશનિંગના દુકાનદારે 600 કિલો અનાજની કટકી કર્યાનો આક્ષેપ, ગ્રાહકોએ મામલતદારને રજૂઆત કરી

વડોદરાના વાઘોડિયામાં રેશનિંગના સંચાલકો પર ગંભીર આરોપ લગાવવામાં આવ્યા છે. વાજબી ભાવની દુકાનોના સંચાલકો ગ્રાહકોને ગ્રાહક દીઠ એક કિલો અનાજ ઓછુ આપતા હોવાનો આરોપ લગાવવામાં આવ્યો છે. ગ્રાહકો અને સંચાલક વચ્ચે રકઝક થયા બાદ ગ્રાહકોએ વાઘોડિયા મામલતદારને રજૂઆત કરી હતી. 600 જેટલા રાશનકાર્ડ ધારકો જોડાયેલા છે વડોદરાના વાઘોડિયાના વેડપુર ગામની સરકારી સસ્તા અનાજની દુકાનના સંચાલક દ્વારા ગ્રાહકોને ઓછું અનાજ આપતા હોવાના આરોપ લગાવવામાં આવ્યો છે. અનાજ લેવા આવેલા ગ્રાહકોએ જ ઓછું અનાજ મળતું હોવાનો આક્ષેપ કર્યો હતો. ગ્રાહક દીઠ એક કલાક ઓછું અનાજ મળતું હોવાના આરોપ લગાવાયા હતાં. આ સંચાલકની દુકાન સાથે 500થી 600 જેટલા રાશનકાર્ડ ધારકો જોડાયેલા છે.વાઘોડિયા મામલતદારને લેખિતમાં રજૂઆત 600 જેટલા કાર્ડ ધારકોનું 600 કિલો અનાજની સંચાલક દ્વારા કટકી થતી હોવાનો પણ આરોપ લગાવવામાં આવ્યો છે. રેશનિંગની દુકાનના સંચાલક અને ગ્રાહક વચ્ચે આ મુદ્દે રકઝક થઈ હતી. જે અંગે ગ્રાહકોએ વાઘોડિયા મામલતદારને લેખિતમાં રજૂઆત કરીને રેશનિંગની દુકાનના સંચાલક સામે યોગ્ય કાર્યવાહીની માગ કરી હતી. આ પણ વાંચોઃ Morbi: વાંકાનેરમાં શ્રમિકોએ પગાર નહીં થતાં કારખાનામાં તોડફોડ કરી, માલિકે 11 લોકો સામે ફરિયાદ નોંધાવી

Read Full Story arrow_forward

calendar_today January 13, 2026

Valsad: ઉદ્યોગપતિ સાથે 2.52 કરોડની છેતરપિંડી, તપાસમાં કુલ 7.74 કરોડનું કૌભાંડ ખુલ્યું

વલસાડ જિલ્લામાં સાયબર ક્રાઈમનો એક મોટો કિસ્સો સામે આવ્યો છે. શેરબજાર કે અન્ય સ્કીમમાં રોકાણના નામે વધુ વળતરની લાલચ આપીને ઠગબાજોએ વલસાડના એક જાણીતા ઉદ્યોગકારને લાખોનો ચૂનો લગાવ્યો છે. આ કેસની તપાસમાં પોલીસે આંતરરાજ્ય કૌભાંડનો પર્દાફાશ કર્યો છે.વધારે વળતરની લાલચે ઉદ્યોગપતિ ફસાયાપ્રાપ્ત વિગતો અનુસાર, વલસાડના એક ઉદ્યોગકારે આકર્ષક વળતર મેળવવાની આશાએ અલગ-અલગ તબક્કે કુલ 2 કરોડ 52 લાખ રૂપિયાનું રોકાણ કર્યું હતું. જોકે, રોકાણ કર્યા બાદ તેમને વળતર તો ન મળ્યું, પરંતુ પોતાની મૂડી પણ ખોવાનો વારો આવ્યો હતો. પોતે છેતરાયા હોવાનું માલૂમ પડતા તેમણે તાત્કાલિક સાયબર ક્રાઈમ પોલીસનો સંપર્ક કર્યો હતો.પોલીસે ટેકનિકલ સર્વેલન્સના આધારે તપાસ તેજ વલસાડ પોલીસે આ મામલે ઊંડી તપાસ હાથ ધરતા ચોંકાવનારી વિગતો બહાર આવી છે. આ માત્ર એક ઉદ્યોગપતિનો કિસ્સો નથી, પરંતુ આ સમગ્ર નેટવર્ક દ્વારા કુલ 7 કરોડ 74 લાખ રૂપિયાનું સાયબર ફ્રોડ આચરવામાં આવ્યું હોવાનું ખુલ્યું છે. પોલીસે ટેકનિકલ સર્વેલન્સના આધારે તપાસ તેજ બનાવી છે.મહારાષ્ટ્રથી એક શખ્સની ધરપકડ અને નાણાં રિકવરપોલીસે આ કેસમાં સફળતા મેળવતા મહારાષ્ટ્રથી એક આરોપીની ધરપકડ કરી છે. સાયબર સેલની ત્વરિત કાર્યવાહીને કારણે ઉદ્યોગપતિના ખાતામાંથી ટ્રાન્સફર થયેલા નાણાં પૈકી 29 લાખ રૂપિયા બચાવી લેવામાં આવ્યા છે. પોલીસે આ રકમ ફ્રીઝ કરાવી દીધી છે.આ પણ વાંચો: ફુલકી હાઇવે પર છકડો રીક્ષા અને બાઇક વચ્ચે ગમખ્વાર અકસ્માત, 22 વર્ષીય યુવકનું મોત

Read Full Story arrow_forward

calendar_today January 13, 2026

Vadodara: આજવા રોડ પર જૈન દેરાસર પાસે કમ્પાઉન્ડ વોલ ધરાશાયી, બે વ્યક્તિઓ દટાયા

વડોદરા શહેરના આજવા રોડ વિસ્તારમાં આજે એકાએક દીવાલ ધરાશાયી થવાની ઘટના બનતા અફરાતફરી મચી ગઈ હતી. આજવા રોડ પર આવેલા મહાવીર હોલ પાછળ, જૈન દેરાસર પાસે એક કમ્પાઉન્ડ વોલ અચાનક ધસી પડી હતી. આ અકસ્માતમાં બે વ્યક્તિઓ દીવાલના કાટમાળ નીચે દટાઈ ગયા હતા.આજવા રોડ પર કમ્પાઉન્ડ વોલ ધરાશાયીઘટનાની જાણ થતા જ આસપાસના લોકો મદદે દોડી આવ્યા હતા. દીવાલ ધરાશાયી થવાને કારણે કાટમાળ નીચે દબાયેલા બંને વ્યક્તિઓને તાત્કાલિક બહાર કાઢવાની તજવીજ હાથ ધરવામાં આવી હતી. સ્થળ પર પહોંચેલી ૧૦૮ ઇમરજન્સી સેવાની ટીમ દ્વારા ઇજાગ્રસ્તોને પ્રાથમિક સારવાર આપી વધુ સારવાર અર્થે નજીકની હોસ્પિટલમાં ખસેડવામાં આવ્યા છે.ફાયર વિભાગની કામગીરીઘટના અંગે વડોદરા ફાયર બ્રિગેડને જાણ કરવામાં આવતા જ ફાયરના જવાનો કાફલા સાથે ઘટનાસ્થળે પહોંચી ગયા હતા. ફાયર વિભાગ દ્વારા કાટમાળ નીચે અન્ય કોઈ દબાયેલું નથી તેની ખાતરી કરવા માટે રેસ્ક્યુ ઓપરેશન હાથ ધરવામાં આવ્યું હતું અને જેસીબી કે અન્ય સાધનોની મદદથી કાટમાળ હટાવવાની કામગીરી પૂર્ણ કરવામાં આવી હતી.આ પણ વાંચો: ઉદ્યોગપતિ સાથે 2.52 કરોડની છેતરપિંડી, તપાસમાં કુલ 7.74 કરોડનું કૌભાંડ ખુલ્યું

Read Full Story arrow_forward