Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Dahod:સંજેલીના ગામોમાં રૂા.6.72 કરોડના ખર્ચે વિકાસ કામોનું ખાતમુહૂર્ત કરાયું

સંજેલી તાલુકાની ખેડા વર્ગ હિરોલા, ભામણ, પ્રતાપપુરા, થાળા અને સરોરી ગામોની પ્રાથમિક શાળામાં લાઇબ્રેરી, સીસી રોડ તેમજ સ્લેબ ડ્રેઈન સહિત રૂા.6.72 કરોડના વિવિધ કામોનું રાજ્ય કક્ષાના કૃષિ અને ખેડૂત કલ્યાણ, સહકાર અને પશુપાલન રાજ્યમંત્રી રમેશભાઈ કટારા દ્વારા ખાતમુહૂર્ત કરાયું હતું.આ પ્રસંગે રાજ્યમંત્રીએ કહ્યું હતું કે, વડાપ્રધાન નરેન્દ્રભાઇ મોદીએ ગુજરાતના વિકાસ માટે એક નવી દિશા આપી છે. આજે રાજ્યભરમાં શિક્ષણને વધુ પ્રાધાન્ય આપીને ગુજરાતના છેવાડાના ગામડાઓ સુધી શિક્ષણ માટે નંદઘર થી લઈને અધ્યતન શાળાઓ બનાવાઈ રહી છે, તેની સાથે બાળકોને ઐતિહાસિક, સાંસ્કૃતિક અને વૈજ્ઞાનિક સાથે જ્ઞાનરૂપી પુસ્તકોનો ભંડાર વિદ્યાર્થીઓની સામે રાખવા માટે શાળાઓમાં ગ્રંથાલય બનાવવાનું કામ સરકાર દ્વારા કરાઈ રહ્યું છે. આ પ્રસંગે અગ્રણી શંકરભાઈ આમલીયાર, તાલુકા પ્રમુખ, જિલ્લા પંચાયતના સભ્યો, સરપંચો સહિત ગ્રામજનો ઉપસ્થિત રહ્યા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

Bharuch:આખલાએ અડફેટમાં લેતા પાંચ ઇજાગ્રસ્ત, મહિલાની હાલત ગંભીર

અંકલેશ્વરના ગડખોલ વિસ્તારમાં રખડતા ઢોરોનો ત્રાસ દૂર કરવા લાંબા સમયથી લોકો રજૂઆત કરી રહ્યા છે દરમિયાન બુધવારે આ વિસ્તારમાં તોફાને ચઢેલા એક આખલાએ પાંચ લોકોને અડફેટે લઇને ઇજાગ્રસ્ત કર્યા હતા જે પૈકી એક મહિલાની હાલત ગંભીર છે.ઘટનાની વિગત મુજબ, ગડખોલ વિસ્તારમાં એક દક્ષિણ ભારતીય દંપતી રીક્ષા મારફ્તે ઐયપ્પા મંદિરે દર્શન કરવા અને ત્યાં ચાલી રહેલા ઉત્સવમાં ભાગ લેવા આવ્યું હતું. દંપતી હજુ રીક્ષામાંથી નીચે ઉતર્યું પણ ન હતું ત્યાં જ એક આખલાએ અચાનક તેમના પર હુમલો કર્યો હતો. આખલાએ પહેલા મહિલાને જોરદાર ટક્કર મારી જમીન પર પાડી દીધી અને ત્યારબાદ જમીન પર પડેલી મહિલા પર સતત હુમલા કરતો રહ્યો હતો. પત્નીને બચાવવા વચ્ચે પડેલા પતિ પર પણ આખલાએ હુમલો કરી તેમને ફ્ંગોળી દીધા હતા. આ ભયાનક દ્રશ્ય જોઈને આસપાસના લોકો દોડી આવ્યા હતા. લોકોએ આખલાને ભગાડવા માટે પાણી ફેંકયુ હતું, પરંતુ તે વધુ ઉગ્ર બન્યો હતો અને લોકોની પાછળ દોડી-દોડી હુમલા કરતો રહ્યો હતો, જેના કારણે વિસ્તારમાં ભારે અફરાતફરી સર્જાઈ હતી. આ દરમિયાન કુલ 5 લોકોને અડફેટે લીધા હતા. ઈજાગ્રસ્તોને તાત્કાલિક હોસ્પિટલમાં ખસેડાયા હતા. ચાર ઘાયલોને પ્રાથમિક સારવાર બાદ રજા આપવામાં આવી છે, જ્યારે એક વ્યક્તિની હાલત ગંભીર હોવાથી તેમને ICUમાં રાખવામાં આવ્યા છે.રખડતાં ઢોરને ડબ્બે પુરવા આદેશ ગડખોલ ગામે બુધવારે સાંજે અયપ્પા મંદિર પાસે એક રખડતા આખલા એ 5 રાહદારીઓ ને અડફેટે લીધા હતા જેને કારણે એક મહિલા ને ICU માં સારવાર માટે દાખલ કરવામાં આવી છે આ ઘટના પછી લોકો માં ભારે રોષ ફેલાયો છે. આ અંગે અંકલેશ્વર તાલુકા વિકાસ અધિકારી હીરેન બારોટે તાત્કાલિક અસરથી હુકમ કર્યો હતો કે તાલુકાના દરેક ગામમાં આવા રખડતા ઢોરોને ડબ્બામાં પુરી તેના માલિકો સામે કાર્યવાહી કરવામાં આવે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

Narmada:SoU ખાતે તા.11મી જાન્યુઆરીએ આંતરરાષ્ટ્રીય પતંગ મહોત્સવ યોજાશે

નર્મદા જિલ્લાના એકતાનગર ખાતે આગામી તા. 11 જાન્યુઆરી, રવિવારના રોજ આંતરરાષ્ટ્રીય પતંગ મહોત્સવ-2026નું આયોજન સરદાર સરોવર નર્મદા બંધના વ્યૂ પોઈન્ટ-1 ખાતે થનાર છે. આ કાર્યક્રમનાં પૂર્વ તૈયારીના સુચારૂ આયોજનના ભાગરૂપે આજરોજ મદદનીશ કલેકટર તથા કાર્યક્રમના નોડલ અધિકારી પરસનજીત કૌર સહિત સંબંધિત અધિકારીઓ દ્વારા સ્થળ મુલાકાત લેવામાં આવી હતી.આ મુલાકત દરમિયાન પરસનજીત કૌરએ કાર્યક્રમનું આયોજન સફ્ળતાપૂર્વક થાય તે હેતુથી સંબંધિત અધિકારીઓને સોંપાયેલ કામગીરી અંગે સ્થળ પર જ વિસ્તૃત ચર્ચા કરી હતી. જેમાં ખાસ કરીને આંતરરાષ્ટ્રીય તેમજ દેશભરમાંથી આવનાર પતંગબાજો માટે જરૂરી વ્યવસ્થાઓ, સ્ટોલની ગોઠવણી, બેઠક વ્યવસ્થા, પીવાના પાણીની સુવિધા તથા આરોગ્ય સેવાઓ સહિતની વ્યવસ્થાઓ અંગે જરૂરી સલાહ-સૂચનો આપવામાં આવ્યા હતા.સરદાર સરોવર નર્મદા બંધના વ્યૂ પોઈન્ટ-1 ખાતે યોજાનાર આ આંતરરાષ્ટ્રીય પતંગ મહોત્સવમાં 21 દેશોના 45 તેમજ ગુજરાત સહિત ભારતના 34 મળીને કુલ 79 પતંગબાજો ભાગ લેશે. આ તમામ પતંગબાજો દ્વારા એકતાનગરના આકાશમાં રંગબેરંગી પતંગોથી આકાશી સુંદર દૃશ્ય સર્જાશે, જે પ્રવાસીઓ અને નાગરિકો માટે વિશેષ આકર્ષણ બનશે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward