Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Vadodara:વાઘોડિયાની વલવા-ગંભીરા રોડ પર કાર પલટતા રૂા. 10 હજારનો દારૂ ઝડપાયો

વાઘોડિયા તાલુકાના છેવાડે વલવા-ગંભીરપુરા રોડ પર નર્મદા કેનાલ ગેટ પાસે એક ઇકોકાર ચાલકે પુરપાટ ઝડપે ગાડી હંકારી પંચમહાલ તરફ જતા ગાડી બેકાબુ બની હતી. જે રોડ પરથી પલટી મારી કેનાલ પાસેના કોતરમા ઝાડી-ઝાંખરાના કારણે કોતરમા અટકી ગઈ હતી. અકસ્માતમા ઇકોનો કચ્ચઘાણ વળી ગયો હતો.ઇકોકાર ચાલક ઘટના સ્થળેથી ગાડી છોડી ફરાર થઈ ગયો હતો. અકસ્માત અંગેની જાણ સ્થાનિક આગેવાનોએ વાઘોડિયા પોલીસને કરી હતી. વાઘોડિયા પોલીસ દ્વારા ઇકોગાડીમા તપાસ કરતા પ્લાસ્ટીકના ક્વૉટરીયા કોથળામાંથી અને બીઅરના ટીન થેલામાંથી મળી આવ્યા હતા. વાઘોડિયા પોલીસે ગામલોકોની મદદથી ગાડીને અન્ય વાહનોથી ખેંચી કોતર બહાર કાઢી હતી. આ ગુન્હામા વાઘોડિયા પોલીસે ઇકોના અજાણ્યા ચાલક સામે ગુન્હો નોંધી પ્લાસ્ટીકના ક્વૉટરીયા અને બીયરના છુટા ટીન મળી રૂા.10,360ની કિંમતનો ભારતીય બનાવટનો દારૂ તથા ઈકોની કિં. રૂા.1 લાખ કુલ મળી મુદ્દામાલ 1, 10,360નો મુદ્દામાલ વાઘોડિયા પોલીસે કબજે લઈ વધુ તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

Godhra:સહિત પંચમહાલ જિલ્લામાં ઉતરાયણ પર્વનું કાઉન્ટ ડાઉન શરૂ

ઉતરાયણના પર્વને ગણતરીના દિવસો બાકી હોઈ ગોધરા સહિત પંચમહાલ જિલ્લામાં પતંગ અને દોરાના સ્ટોલ લાગી ગયા છે, માંજો સુતનારા કારીગરોને ત્યાં ધીમે ધીમે ભીડ જામવા લાગી છે, બજારમાં અવનવી ડિઝાઈનની પતંગો સાથે સ્ટોલ સજી ગયા છે. પરંતુ ગત વર્ષ કરતાં પતંગ અને દોરાના ભાવમાં 20થી 30 ટકાનો વધારો જોવા મળતાં ઘરાકી ઓછી હોવાનો મત વેપારીઓ જણાવી રહ્યા છે.બાળકો, યુવાઓથી લઈ સૌનો મનગમતો તહેવાર એટલે મકરસંક્રાંતિ, આ પર્વની ઉજવણીનો અનેરો ઉત્સાહ જોવા મળે છે. ઉતરાયણ પર્વને હવે ગણતરીના દિવસો બાકી રહ્યા છે. પંચમહાલ જિલ્લા સહિત ગોધરા શહેરમાં પતંગ દોરા ના રસિયાઓ માટે બજારો વેપારીઓ ધ્વારા સજ્જ કરી દેવામાં આવ્યા છે. આ વર્ષે બજારોમાં પતંગોમાં જોવા જઈએ તો ચીલ, ખંભાતી, પંજાબી, વેલકમ-2026, પુષ્પા, ઓપરેશન સિંદૂર, વડાપ્રધાન નરેન્દ્ર મોદીના ફોટાવાળી પતંગો બજારોમાં ભારે ધૂમ મચાવી રહી છે. જ્યારે દોરા માજામાં સુરતી માંજો, બરેલી, સાંઈ માંજો સાથે અનેક દોરાની નવીન બ્રાન્ડ પતંગ દોરાના બજારમાં ઉપલબ્ધ છે. ગોધરા સહિત પંચમહાલ જિલ્લામાં વેપારીઓએ પતંગ દોરાથી દુકાનો સજ્જ કરી દીધી છે. નાના છૂટક વ્યવસાય કરતા ગરીબ પરિવારો અત્યારથી જ વિવિધ પ્રકારના બલૂન વેચાણ કરતાં નજરે પડી રહ્યા છે.પતંગ અને દોરામાં ગત વર્ષ કરતાં 20થી 30 ટકાનો વધારો જો કે, હજી સુધી ઘરાકી નહીં નીકળતા વેપારીઓમાં નિરાશા જોવા મળી રહી છે. વેપારીઓના જણાવ્યા અનુસાર આ વર્ષે મોંઘવારી વધુ હોવાના કારણે પતંગ દોરાના ભાવમાં ગત વર્ષ કરતાં 20 થી 30 % નો વધારો જોવા મળે છે. હાલ તો પતંગ અને દોરાના માર્કેટમાં ભારે મંદી જોવા મળી રહી છે. ઘરાકી નહીં નીકળતા વેપારીઓ નિરાશ જોવા મળે છે. પરંતુ ઉતરાયણ પર્વ નજીક આવતા શનિ-રવિની રજા અને ત્યારબાદના દિવસોમાં ઘરાકી નીકળશે તેવી વેપારીઓ આશા રાખી રહ્યા છે. ઉત્તરાયણ પર્વે પોલીસની નાગરિકોને સાવચેત રહેવા અપીલ ઉત્તરાયણ પર્વને ધ્યાનમાં રાખીને કાંકણપુર પોલીસે જાહેર જનતા માટે એક માર્ગદર્શક સંદેશ જારી કર્યો છે. પોલીસે નાગરિકોને જીવલેણ ચાઈનીઝ દોરી અને તુક્કલનો ઉપયોગ ટાળવા અપીલ કરી છે, સાથે આવી પ્રતિબંધિત વસ્તુનું વેચાણ કે ઉપયોગ કરતું જણાય, તો જાગૃત નાગરિકોને કાંકણપુર પોલીસ સ્ટેશનને જાણ કરવા વિનંતી કરાઈ છે. વાહનચાલકો અને વાલીઓને સાવચેત રહેવા, બાઈક ચાલકોને ફરજિયાત હેલ્મેટ પહેરવા અને ગળામાં રૂમાલ બાંધવાની સલાહ આપી છે. પ્રતિબંધિત દોરીના વેચાણ અંગેની માહિતી 112 હેલ્પલાઇન નંબર પર આપી શકે છે. તલ અને સિંગની ચીકી અને લાડુ સહિત ઊંધિયા - જલેબીની તૈયારી ઘરે ઘરે હાલ તલની ચિક્કી, તલના લાડુ, શિંગ ચિક્કી, મમરાના લાડુની તૈયારીઓમાં વ્યસ્ત જોવા મળે છે. ઊંધિયા,જલેબીની પણ તૈયારીઓ શરૂ કરી દેવાઈ છે. સાથે બોર, ચિક્કી, શેરડીની પણ માંગ વધતી હોઈ શહેરમાં તેની પણ આવક પણ વેપારીઓએ શરૂ કરી દીધી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

Dahod:ચાઈનીઝ દોરીનો ઘસરકો પડતાં બાઈક ચાલક યુવક લોહીલુહાણ

લીમખેડા ખાતે ચાઈનીઝ દોરીથી ઘાયલ થવાનો વધુ એક ગંભીર બનાવ બન્યો છે. કાકરી ડુગરી ગામના બે યુવકો મોટરસાયકલ લઈને લીમખેડા તરફ આવી રહ્યા હતા તે દરમિયાન અચાનક માર્ગ પર લટકતી ચાઈનીઝ દોરી વાગતા એક યુવક ગંભીર રીતે ઈજાગ્રસ્ત થયો હતો. બનાવને પગલે ચાઈનીઝ દોરીના ગેરકાયદે વેચાણ સામે કડક કાર્યવાહી કરવાની માંગ ઉઠી છે.કાકરી ડુગરી ગામના રાજેશ ડાંગી નામના યુવક લીમખેડા આવતાં રસ્તામાં હતો, ત્યારે અચાનક ચાઈનીઝ દોરી તેની સામે આવી જતાં ઝડપના કારણે ચાલક રાજેશ ડાંગીના મોંઢા પર આવતાં હોઠ અને ગળાના ભાગે ઘસરકા થતાં તેઓ લોહીલુહાણ થઈ ગયા હતાં. ઘટનાની ગંભીરતા સમજી સાથી યુવકે સમયસૂચકતા દાખવી મોટરસાયકલ અટકાવી હતી, જ્યારે આસપાસના લોકોની મદદથી ઈજાગ્રસ્ત યુવકને તાત્કાલિક નજીકના ખાનગી હોસ્પિટલ ખાતે સારવાર અર્થે ખસેડાયો હતો. ડોક્ટરોના જણાવ્યા મુજબ ઈજાગ્રસ્ત રાજેશ ડાંગીને હોઠના ભાગે અંદર અને બહાર મળી કુલ 15 જેટલા ટાંકા લેવા પડયા હતા. સમયસર સારવાર મળી જતાં અને દોરી વાગતા સાથે જ વાહન રોકી દેવામાં આવતા યુવકનો જીવ માંડ માંડ બચી ગયો હોવાનું જાણવા મળે છે. ઘટનાને પગલે લોકોમાં ભારે રોષ જોવા મળી રહ્યો છે. લીમખેડા પંથકમાં વેપારીઓ બેફામ રીતે ગેરકાયદે ચાઈનીઝ દોરીનું વેચાણ કરી રહ્યા છે. પ્રતિબંધ હોવા છતાં ખુલ્લેઆમ વેચાતી આ ઘાતક દોરી અનેક નિર્દોષ લોકો માટે જીવલેણ સાબિત થવાની સંભાવના છે. નાગરિકોએ ચાઈનીઝ દોરીના વેપારીઓને શોધી કડક કાયદેસર કાર્યવાહીની માંગ કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward