Godhra:સહિત સમગ્ર પંચમહાલ જિલ્લામાં ઠંડીનો ચમકારો, રવી પાકને ફાયદો
ગોધરા સહિત સમગ્ર પંચમહાલ જિલ્લામાં શીતલહેર ફરી વળી છે. સમગ્ર જિલ્લાવાસીઓ છેલ્લા બે દિવસથી કાતીલ ઠંડીમાં ઠુંઠવાઈ રહ્યા છે. હાડ થીજાવતી ઠંડીના કારણે લઘુત્તમ તાપમાન 11 ડિગ્રી સુધી ગગડી ગયું હતું. દિવસે પણ લોકો ગરમ વસ્ત્રોમાં જોવા મળતાં હતાં, તો સાંજ પડે લોકો ઠંડીથી રક્ષણ મેળવવા તાપણા કરતાં પણ જોવા મળતાં હતાં.પંચમહાલ જિલ્લા સહિત ગોધરા શહેરમાં લોકો હાલ ભારે હાડ થીજવી દેતી ઠંડીનો સામનો કરી રહ્યા છે.ત્યારે ગોધરા શહેર સહિત પંચમહાલ જિલ્લામાં છેલ્લા બે દિવસથી ભારે કાતીલ ઠંડી પડી રહી છે. જેના કારણે શહેરી અને ગ્રામ્ય વિસ્તારોમાં લોકો ગરમ વસ્ત્રો અને તાપણા ના સહારે આવી ગયા છે.ગોધરામાં આજે તાપમાન નો પારો ગગડતા વહેલી સવારે 11 ડિગ્રી તાપમાન નોંધાવવા પામ્યું હતું. ઠંડીના કારણે ગોધરામાં દિવસ અને રાત્રિ દરમિયાન પણ લોકો ગરમ વસ્ત્રોમાં જકડાયેલા જોવા મળ્યા હતા. ગ્રામ્ય વિસ્તારોમાં રવિ પાક તરીકે ઘઉં, ચણા, તુવેર, મકાઈ અને શાકભાજીના પાકની વાવણી કરવામાં આવી છે. ઠંડી આ મહામુલા પાકો માટે ફાયદાકારક સાબીત થશે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
