Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 17 ઓક્ટોબરના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
એન્ફોર્સમેન્ટ ડિરેક્ટોરેટ દ્વારા શેરબજારમાં કથિત ગેરરીતિ અને રોકાણકારો સાથેની છેતરપિંડીના મામલે છ શહેરોમાં 29 સ્થળોએ વ્યાપક તપાસ હાથ ધરવામાં આવી છે. મુંબઈ EDની ટીમ દ્વારા કરવામાં આવેલી આ કાર્યવાહીમાં ગુજરાતના ચાર મુખ્ય શહેરો - અમદાવાદ, ગાંધીનગર, સુરત અને ભાવનગર - ઉપરાંત મુંબઈ અને નાશિકનો સમાવેશ થાય છે. સંસ્થા દ્વારા PMLA (પ્રિવેન્શન ઓફ મની લોન્ડરિંગ એક્ટ) હેઠળ આ આખી ગેરકાયદેસર પ્રવૃત્તિઓનું નેટવર્ક ખુલ્લું પાડવા માટે તપાસ તેજ કરવામાં આવી છે.વોટ્સએપ ગ્રુપ્સ દ્વારા ટિપ્સ અને ભાવમાં કૃત્રિમ રીતે ચેડાંતપાસ અધિકારીઓ મુખ્યત્વે બે ચોક્કસ કંપનીઓના શેરના વ્યવહારો પર ધ્યાન કેન્દ્રિત કરી રહ્યા છે. પ્રાપ્ત વિગતો અનુસાર, રોકાણકારોને ઊંચા વળતરની લાલચ આપીને 'મલ્ટિબેગર' નામના વોટ્સએપ એડવાઈઝરી ગ્રુપ્સ મારફતે ચોક્કસ શેર ખરીદવાની ખોટી ટિપ્સ આપવામાં આવતી હતી. સંચાલકો દ્વારા કૃત્રિમ રીતે શેરના ભાવ વધાર્યા બાદ, આ વોટ્સએપ ગ્રુપ્સ અચાનક ડિલીટ કરી દેવામાં આવ્યા હતા, જેના કારણે સંબંધિત શેરોના ભાવમાં 70 ટકા સુધીનો મોટો કડાકો બોલાઈ ગયો હતો.નાના રોકાણકારોને નુકસાન અને PMLA હેઠળ ચાલુ તપાસપ્રાથમિક અંદાજ મુજબ આ સુનિયોજિત 'પમ્પ અને ડમ્પ' સ્કીમને કારણે 1 લાખથી વધુ નાના અને સામાન્ય રોકાણકારોને ભારે આર્થિક નુકસાન વેઠવું પડ્યું છે. દરોડા દરમિયાન EDની ટીમે મહત્વના દસ્તાવેજો, નાણાકીય હિસાબો અને ડિજિટલ ઉપકરણો જપ્ત કરીને ફોરેન્સિક તપાસ હાથ ધરી છે. કૌભાંડમાંથી ઊભા કરાયેલા નાણાં ક્યાં ટ્રાન્સફર કરવામાં આવ્યા અને આ માસ્ટરમાઇન્ડ પાછળ કોણ છે તે શોધવા માટે EDની આ તપાસ હાલ યથાવત ચાલી રહી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
સુરતના ડિંડોલી વિસ્તારમાં પોલીસે નશાકારક પદાર્થોની હેરાફેરી સામે મોટી કાર્યવાહી કરતા આંતરરાજ્ય ગાંજા રેકેટનો પર્દાફાશ કર્યો છે. ડિંડોલી પોલીસે ગુપ્ત બાતમીના આધારે દેલાડવા રોડ પર આવેલા આણંદ વાટિકા પાસે દરોડો પાડીને રૂ.8 લાખની કિંમતનો 8 કિલો ગાંજાનો જથ્થો જપ્ત કર્યો છે. આ મામલે પોલીસે સપ્લાયર સહિત કુલ ત્રણ આરોપીઓની સ્થળ પરથી જ ધરપકડ કરી કાનૂની કાર્યવાહી હાથ ધરી છે.આણંદ વાટિકા પાસે દરોડો અને ઝડપાયેલા આરોપીઓપોલીસને મળેલી ચોક્કસ માહિતીના આધારે ડિંડોલી પોલીસે આણંદ વાટિકા, દેલાડવા રોડ પર વોચ ગોઠવી હતી. તપાસ દરમિયાન પોલીસે બે શંકાસ્પદ ઈસમોને રૂ. 8 લાખની કિંમતના 8 કિલો ગાંજાના જથ્થા સાથે ઝડપી પાડ્યા હતા. આ બંને આરોપીઓની સઘન પૂછપરછ કરતા ખુલાસો થયો હતો કે તેઓ આ ગાંજાનો જથ્થો સુરતના જ એક ઈલેક્ટ્રિકલ વેપારી ગૌરવ તિવારી પાસેથી લાવ્યા હતા.ઓડિશાથી સપ્લાય અને વેપારીનો ખુલાસોમાહિતી મળતા જ પોલીસે ગાંજાનો જથ્થો પૂરો પાડનાર મુખ્ય સપ્લાયર ગૌરવ તિવારીની પણ તાત્કાલિક ધરપકડ કરી લીધી હતી. પૂછપરછ દરમિયાન વેપારી ગૌરવ તિવારીએ કબૂલાત કરી હતી કે ધંધામાં ભારે દેવું થઈ જતાં તેણે ટૂંકા ગાળામાં વધુ પૈસા કમાવાની લાલચે નશાનો વેપાર શરૂ કર્યો હતો. તે છેક ઓડિશાથી ગાંજાનો જથ્થો મંગાવી સુરતમાં પોતાના નેટવર્ક દ્વારા છૂટક વેચાણ કરાવતો હતો.પોલીસની આગળની કાર્યવાહીડિંડોલી પોલીસે આ મામલે ત્રણેય આરોપીઓ સામે NDPS એક્ટ હેઠળ ગુનો નોંધીને વધુ તપાસ શરૂ કરી છે. ઓડિશામાં ગૌરવ તિવારી કોના સંપર્કમાં હતો અને સુરતમાં અન્ય કયા કયા વિસ્તારોમાં આ નશાનો જથ્થો પહોંચાડવામાં આવતો હતો તે દિશામાં પોલીસ તપાસ ચલાવી રહી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward