Idar :ઇડર તાલુકાના મણિયોરમાં ગૌચર જમીનમાં માટી ખનનની ફરિયાદ
ઈડર તાલુકાના મણિયોર ગામની ગૌચર જમીનમાં છેલ્લા કેટલાક સમયથી કેટલાક લોકો દ્વારા તંત્રની મંજૂરી લીધા વિના માટી ખનન થઇ રહ્યું હોવાની બુમ ઉઠવા પામી છે. ત્યારે ઇડર તાલુકા પંચાયતના ધ્યાને આવ્યા બાદ તરત જ તાલુકા વિકાસ અધિકારીએ મણિયોર ગ્રામ પંચાયતને 10 દિવસમાં યોગ્ય કાર્યવાહી કરવા માટે જાણ કરી છે. આ અંગે સુત્રોમાંથી મળતી માહિતી મુજબ, મણિયોર ગામના ગૌચરના સર્વે નંબર 175માં થયેલા માટી ખનન અંગે મળેલી વિગતો બાદ તાલુકા વિકાસ અધિકારીએ કેટલાક આધાર પુરાવાઓને ધ્યાને રાખીને અભ્યાસ કર્યા બાદ ગત તા.11 સપ્ટેમ્બરના રોજ મણિયોર ગ્રામ પંચાયતને લેખિતમાં જાણ કરીને ગૌચરની જાળવણી કરવાની જવાબદારી હોવાને કારણે સરપંચ તથા સભ્યોને જાણ કરીને 10 દિવસમાં યોગ્ય કાર્યવાહી કરવા માટે તાકીદ કરી છે. જો મણિયોર ગ્રામ પંચાયત દ્વારા સંબંધિત જવાબદારો સામે 10 દિવસમાં યોગ્ય કાર્યવાહી કરવા તાકીદ કરવામાં આવી છે. સમયમર્યાદામાં કાર્યવાહી નહીં કરવામાં આવે તો ગ્રામ પંચાયત સામે ગુજરાત પંચાયત અધિનિયમ 1993ની કલમ 57 (1) હેઠળ કાર્યવાહી કરવાની ચેતવણી આપવામાં આવી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
