android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Rajkot News: લોકાર્પણ પહેલાં રાજકોટનો સાંઢિયા બ્રિજ બન્યો 'હેપી સ્ટ્રીટ'
calendar_today June 12, 2026

Rajkot News: લોકાર્પણ પહેલાં રાજકોટનો સાંઢિયા બ્રિજ બન્યો 'હેપી સ્ટ્રીટ'

રાજકોટવાસીઓ માટે બહુપ્રતીક્ષિત એવો 74 કરોડનો નવો સાંઢિયા પુલ ટૂંક સમયમાં વાહન વ્યવહાર માટે ખુલ્લો મુકાવા જઈ રહ્યો છે. સાંઢિયા પુલના સત્તાવાર લોકાર્પણ પહેલાં રાજકોટ મહાનગરપાલિકા દ્વારા આ નવનિર્મિત બ્રિજ પર એક અનોખા અને ભવ્ય 'હેપી સ્ટ્રીટ' નું આયોજન કરવામાં આવ્યું હતું. બ્રિજ શરૂ થાય તે પહેલાં જ તેની ભવ્યતા અને રંગબેરંગી લાઈટોનો નજારો માણવા માટે હજારોની સંખ્યામાં રાજકોટના શહેરીજનો બ્રિજ પર ઉમટી પડ્યા હતા.બ્રિજ ઉત્સવના માહોલમાં ફેરવાયોઆ હેપી સ્ટ્રીટ દરમિયાન આખો બ્રિજ ઉત્સવના માહોલમાં ફેરવાઈ ગયો હતો. નાના ભૂલકાઓથી લઈને મોટેરાઓએ બ્રિજ પર મુક્તમનથી આનંદ માણ્યો હતો. નાના બાળકો માટે વિવિધ પ્રકારની ઇન્ડોર-આઉટડોર ગેમ્સનું આયોજન કરવામાં આવ્યું હતું, જેમાં રમીને બાળકો ઝૂમી ઉઠ્યા હતા. આ સાથે જ રંગબેરંગી લાઈટોથી ઝગમગતા સાંઢિયા પુલ પર લોકોએ મનભરીને ફોટોગ્રાફી અને સેલ્ફી સેશનનો આનંદ માણ્યો હતો.સ્થાનિક લોકોમાં ભારે ઉત્સાહલાંબા સમયથી ચાલતા અનેક વિવાદો, વિલંબ અને મુદતો બાદ આખરે આ પુલ તૈયાર થઈને શરૂ થવા જઈ રહ્યો છે, જેને લઈને સ્થાનિક લોકોમાં ભારે હાશકારો અને ઉત્સાહ જોવા મળી રહ્યો છે. આ આધુનિક બ્રિજ શરૂ થતાંની સાથે જ રાજકોટથી જામનગર તરફ આવતા-જતા લાખો વાહનચાલકોને વર્ષો જૂની ટ્રાફિકની માથાના દુખાવા સમાન સમસ્યામાંથી કાયમી મુક્તિ મળશે. વાહનોની અવરજવર શરૂ થાય તે પહેલાં મનપાની આ 'હેપી સ્ટ્રીટ'ની પહેલે પ્રજાના ચહેરા પર ખુશી લાવી દીધી છે.આ પણ વાંચો - વાંચો 13 જૂનના રોજ બનનારી મહત્વની ઘટનાઓ વિશે

Read Full Story arrow_forward
Gandhinagar News: સંતાન સુખ ન મળતા પરિણીતાએ જીવન ટૂંકાવ્યું
calendar_today June 12, 2026

Gandhinagar News: સંતાન સુખ ન મળતા પરિણીતાએ જીવન ટૂંકાવ્યું

ગાંધીનગરના અંબાપુર વિસ્તારમાંથી એક અત્યંત હૃદયદ્રાવક ઘટના સામે આવી છે. જ્યાં અંબાપુર ખાતે આવેલી એક ખાનગી ફ્લેટની કન્સ્ટ્રક્શન સાઈટ પર રહેતી પરિણીતાએ ગળાફાંસો ખાઈને આત્મહત્યા કરી લેતા સમગ્ર પંથકમાં ચકચાર મચી ગઈ છે. પ્રાથમિક માહિતી અનુસાર, લગ્નજીવનના લાંબા સમય બાદ પણ સંતાન સુખ પ્રાપ્ત ન થતાં પરિણીતા ભારે માનસિક તણાવમાં રહેતી હતી, જેના કારણે તેણે આ આત્મઘાતી પગલું ભર્યું હોવાનું સામે આવ્યું છે.સંતાન ન થવાના દુઃખે લીધો ભોગઘટનાની મળતી વિગતો અનુસાર, મૃતક પરિણીતા પોતાના પરિવાર સાથે અંબાપુરમાં નિર્માણ પામી રહેલા એક ખાનગી ફ્લેટની કન્સ્ટ્રક્શન સાઈટ પર જ મકાનમાં રહેતી હતી. સંતાન ન થવાના દુઃખ અને માનસિક આઘાતમાં સરી પડેલી પરિણીતાએ રૂમમાં ઉપર લોખંડના હુક સાથે પોતાની સાડી બાંધીને ગળાફાંસો ખાઈ લીધો હતો. પરિવારના સભ્યોની નજર પડતાં જ તેઓ સ્તબ્ધ થઈ ગયા હતા અને આસપાસના લોકો એકઠા થઈ ગયા હતા.પોલીસે અકસ્માતે મોતનો ગુનો નોંધી શરૂ કરી તપાસઘટનાની જાણ થતાં જ સ્થાનિક પોલીસનો કાફલો તાબડતોબ ઘટના સ્થળે દોડી આવ્યો હતો. પોલીસે પરિણીતાના મૃતદેહને હુક પરથી નીચે ઉતારી, પોસ્ટ મોર્ટમ અર્થે નજીકની સરકારી હોસ્પિટલમાં મોકલી આપ્યો છે. પોલીસે આ મામલે અકસ્માતે મોતનો ગુનો નોંધી, પરિવારજનોની પૂછપરછ અને આગળની કાયદેસરની તપાસ હાથ ધરી છે. એક આશાસ્પદ પરિણીતાના આવા કરૂણ અંતથી કન્સ્ટ્રક્શન સાઈટના શ્રમિકો અને સ્થાનિક વિસ્તારમાં ભારે ગમગીની છવાઈ ગઈ છે.આ પણ વાંચો - વાંચો 13 જૂનના રોજ બનનારી મહત્વની ઘટનાઓ વિશે

Read Full Story arrow_forward
Amreliના વડિયામાં ખેડૂતે ઝેરી દવા પી જીવન ટૂંકાવવાનો કર્યો પ્રયાસ, પોલીસે હાથ ધરી તપાસ
calendar_today June 12, 2026

Amreliના વડિયામાં ખેડૂતે ઝેરી દવા પી જીવન ટૂંકાવવાનો કર્યો પ્રયાસ, પોલીસે હાથ ધરી તપાસ

અમરેલી જિલ્લાના વડિયા પંથકમાંથી એક હૃદયદ્રાવક અને વહીવટી તંત્રને હચમચાવી મૂકે તેવી ઘટના સામે આવી છે. વડિયામાં રહેતા મનસુખભાઈ જીણાભાઈ નામના એક સ્થાનિક ખેડૂતે આર્થિક અને સામાજિક હેરાનગતિથી કંટાળીને ઝેરી દવા ગટગટાવી આપઘાત કરવાનો પ્રયાસ કર્યો છે. આપઘાતનું આ પગલું ભરતા પહેલાં ખેડૂતે પોતાની ગંભીર આપવીતી અને પીડા દર્શાવતો એક વીડિયો સોશિયલ મીડિયા પર વાયરલ કર્યો હતો. આ ઘટનાને પગલે સમગ્ર પંથકના ખેડૂતો અને સ્થાનિક લોકોમાં ભારે ચકચાર મચી ગઈ છે.ખેતરનો રસ્તો બંધ થતાં પરેશાની વાયરલ વીડિયોમાં મનસુખભાઈએ આક્ષેપ કર્યો છે કે, કેટલાક શખ્સો દ્વારા તેમના ખેતરનો અવરજવર માટેનો મુખ્ય રસ્તો દબાવીને બંધ કરી દેવામાં આવ્યો છે. તેમણે વીડિયોમાં હેરાન કરનારા જવાબદાર વ્યક્તિઓ અને તેમના દીકરાના નામોનો પણ સ્પષ્ટ ઉલ્લેખ કર્યો છે. ખેડૂતે આક્રોશ સાથે જણાવ્યું કે, સામેવાળા વ્યક્તિઓની રાજકીય અને સામાજિક વગ એટલી મજબૂત છે કે વારંવાર રજૂઆતો કરવા છતાં તેમને ક્યાંયથી ન્યાય મળતો ન હતો. આ દબાણ અને અન્યાયથી કંટાળીને આખરે તેઓ આ આત્મઘાતી પગલું ભરી રહ્યા છે.ખેડૂત હોસ્પિટલમાં સારવાર હેઠળસોશિયલ મીડિયા પર વાયરલ થયેલા આ વીડિયોના અંતમાં ખેડૂત અત્યંત ભાવુક થઈ ગયા હતા અને "હું મારી રીતે મારું પગલું ભરું છું, મારા ગયા પછી મારા દીકરાનું ધ્યાન રાખજો" તેમ કહેતા નજરે પડે છે. આ વીડિયો સામે આવતા જ પરિવારજનો અને અન્ય ખેડૂતો તાત્કાલિક તેમની વહારે દોડ્યા હતા. ઝેરી દવા પીધેલી હાલતમાં મનસુખભાઈને પ્રથમ સારવાર માટે વડિયા સિવિલ હોસ્પિટલ લઈ જવાયા હતા, પરંતુ તેમની તબિયત વધુ લથડતાં વધુ ગંભીર સારવાર અર્થે તાત્કાલિક ગોંડલની હોસ્પિટલમાં રિફર કરવામાં આવ્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward